IPL 2025 ની 23મી મેચ ગુજરાત ટાઇટન્સ અને રાજસ્થાન રોયલ્સ વચ્ચે રમાઈ હતી. જેમાં GT એ RR ને હરાવ્યું અને 58 રનથી જીત મેળવી. આ જીત સાથે, ગુજરાત ટાઇટન્સ પોઈન્ટ ટેબલમાં ટોચ પર પહોંચી ગયું છે. ટોસ હારીને પ્રથમ બેટિંગ કરતા ગુજરાત ટાઇટન્સે નિર્ધારિત 20 ઓવરમાં 6 વિકેટ ગુમાવીને 217 રન બનાવ્યા હતા. જવાબમાં રાજસ્થાન રોયલ્સ ૧૯.૨ ઓવરમાં ૧૫૯ રનમાં ઓલઆઉટ થઈ ગઈ. રાજસ્થાન રોયલ્સ તરફથી હેટમાયરે 52 રન બનાવ્યા.
૨૧૮ રનના લક્ષ્યાંકનો પીછો કરતી વખતે, રાજસ્થાન રોયલ્સને બીજી ઓવરમાં જ પહેલો ઝટકો લાગ્યો. યશસ્વી જયસ્વાલ 7 બોલમાં માત્ર 6 રન બનાવીને આઉટ થયો હતો. નીતિશ રાણા ફક્ત એક જ રન બનાવી શક્યા. જ્યારે રિયાન પરાગે ૧૪ બોલમાં ૨૬ રન બનાવ્યા હતા. ધ્રુવ જુરેલ ફક્ત 5 રન બનાવી શક્યો. તો કેપ્ટન સંજુ સેમસન 28 બોલમાં 41 રન બનાવીને પ્રખ્યાત કૃષ્ણનો શિકાર બન્યો. શુભમ અને આર્ચર ફક્ત 4 રન બનાવી શક્યા.
પ્રથમ બેટિંગ કરતી વખતે, ગુજરાત ટાઇટન્સને ત્રીજી ઓવરમાં પહેલો ઝટકો લાગ્યો. કેપ્ટન શુભમન ગિલ ફક્ત બે રન બનાવીને આઉટ થયો. જોસ બટલર 25 બોલમાં 36 રન બનાવી શક્યો. જ્યારે શાહરુખે 20 બોલમાં 36 રન બનાવ્યા. શેરફેન રૂધરફોર્ડ 3 બોલમાં 6 રન બનાવીને આઉટ થઈ ગયા. સાઈ સુદર્શને ૫૩ બોલમાં ૮૨ રનની ઈનિંગ રમી જે જીટી માટે ખૂબ જ મહત્વપૂર્ણ સાબિત થઈ. પરંતુ સુદર્શન પોતાની સદી પૂર્ણ કરી શક્યો નહીં અને તુષારનો શિકાર બન્યો. સાઈએ પોતાની ઇનિંગમાં 8 ચોગ્ગા અને ત્રણ છગ્ગા પણ ફટકાર્યા. તુષારે રાશિદ ખાન (૧૨) ને પણ આઉટ કરીને ગુજરાતને બેવડો ફટકો આપ્યો. રાજસ્થાન તરફથી તુષાર અને મહિષ તિક્ષાનાએ 2-2 વિકેટ લીધી હતી. સંદીપ શર્મા અને જોફ્રા આર્ચર ફક્ત 1-1 વિકેટ લઈ શક્યા.
