Vadodara પાસેથી પસાર થતા નેશનલ હાઇવે 48 પર 10 એપ્રિલની વહેલી સવારે ગમખ્વાર અકસ્માત સર્જાયો હતો. Karjan તાલુકાના હલદરવા ગામ પાસે ઊભેલી ટ્રક પાછળ પુરઝડપે આવી રહેલી આર્ટિગા કાર ઘૂસી જતાં અરેરાટી વ્યાપી ગઈ હતી.
કારનો આગળનો ભાગ ચૂરચૂર
પ્રાપ્ત માહિતી મુજબ, સુરતથી ભરૂચ તરફ જઈ રહેલી કારના ચાલકે કાબૂ ગુમાવતા અથવા અંધારાના કારણે ઊભેલી ટ્રક નજરે ન ચઢતા આ અકસ્માત સર્જાયો હતો. ટક્કર એટલી જોરદાર હતી કે કારનો આગળનો ભાગ સંપૂર્ણપણે કુચ્ચો વળી ગયો હતો.
હાઈડ્રોલિક કટરથી બહાર કાઢ્યો મૃતદેહ
અકસ્માતની જાણ થતાં જ કરજણ ફાયર બ્રિગેડ અને પોલીસ ટીમ ઘટનાસ્થળે પહોંચી હતી. કારમાં ફસાયેલા યુવકને બહાર કાઢવા માટે હાઈડ્રોલિક કટરનો ઉપયોગ કરવો પડ્યો હતો. ભારે મહેનત બાદ મૃતદેહને બહાર કાઢવામાં આવ્યો હતો.
યુવકનું કરુણ મોત
આ અકસ્માતમાં મૃત્યુ પામનાર યુવકની ઓળખ આકાશ અનિલભાઈ સોલંકી તરીકે થઈ છે. માથાના ભાગે ગંભીર ઈજાઓને કારણે તેનું ઘટનાસ્થળે જ મોત નીપજ્યું હતું. આ દ્રશ્યો એટલા હૃદયદ્રાવક હતા કે હાજર લોકોમાં કંપારી છૂટી ગઈ હતી.
ત્રણ લોકો ગંભીર ઈજાગ્રસ્ત
કારમાં કુલ ચાર લોકો સવાર હતા. ડ્રાઈવર અને બે મહિલાઓને ગંભીર ઈજાઓ પહોંચી હતી, જેને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે.
પોલીસની કાર્યવાહી
અકસ્માતને કારણે હાઈવે પર ટ્રાફિક જામ સર્જાયો હતો, જોકે પોલીસે ક્રેનની મદદથી વાહનો ખસેડીને રસ્તો ખુલ્લો કરાવ્યો હતો. હાલ પોલીસે અકસ્માતનો ગુનો નોંધી આગળની તપાસ શરૂ કરી છે.
Follow Us On Google News
Follow Us On WhatsApp
Follow Us On facebook
Leave a Comment