બેંગલુરુ T-20 પહેલાં વૈભવ સૂર્યવંશીનો મોટો ઈશારો? ઇન્સ્ટાગ્રામ સ્ટોરીથી ચાહકોમાં ચર્ચા તેજ!

ભારતીય ટીમના હેડ કોચ ગૌતમ ગંભીરે ઓપનિંગ બેટર તરીકે સંજૂ સેમસન અને અભિષેક શર્મા પર જ પોતાનો પૂર્ણ ભરોસો વ્યક્ત કર્યો છે. ગંભીરે પત્રકારો સમક્ષ સ્પષ્ટ કર્યું હતું કે વૈભવ સૂર્યવંશી જેવા નવા ખેલાડીને ટીમમાં સ્થાન આપવા માટે સંજૂ કે અભિષેક જેવા સાબિત થયેલા બેટરોને બહાર બેસાડવા વ્યાજબી નથી.

ગંભીરે સેમસનનો બચાવ કરતા ટાંક્યું હતું કે કોઈપણ ખેલાડી પોતાની અસાધારણ પ્રતિભા અને પ્રદર્શનના દમ પર જ વર્લ્ડ કપમાં ‘પ્લેયર ઓફ ધ ટુર્નામેન્ટ’ બને છે, તેથી તેના પર ભરોસો જાળવી રાખવો જરૂરી છે.

Also Read

Virat Kohli AB de Villiers : વિરાટ કોહલી ખરેખર ઘમંડી છે? AB ડી વિલિયર્સની ટિપ્પણીએ ક્રિકેટ જગતમાં જગાવી ચર્ચા!

હાઈ-સ્ટેક્સ ફાઇનલ મેચમાં પ્લેઇંગ-11માં ફેરફાર થવાની સંભાવના નહિવત
હાલમાં 5 મેચોની ટી-20 સીરીઝ 2-2ની રોમાંચક બરાબરી પર અટકેલી હોવાથી આ મુકાબલો ટ્રોફીનો નિર્ણય કરશે. આવી સ્થિતિમાં કોચ ગૌતમ ગંભીર અને કેપ્ટન શ્રેયસ અય્યર વિજેતા કોમ્બિનેશન સાથે જ મેદાનમાં ઉતરવાનું પસંદ કરશે અને પ્લેઇંગ-11માં કોઈ મોટો પ્રયોગ કરવાનું ટાળશે.

Also Read

ગટરમાં ગાયબ માસૂમની શોધ હજુ અધૂરી! 168 કલાક બાદ પણ જવાબની રાહ, AMC તંત્ર ક્યારે જાગશે?

ગંભીરે અગાઉ પણ કહ્યું હતું કે, ખેલાડીની ઉંમર 15 વર્ષ હોય કે 30 વર્ષ અગાઉથી શ્રેષ્ઠ પ્રદર્શન કરનારા ખેલાડીઓને ટીમમાં સ્થાન મેળવવા માટે નવા સભ્યો કરતાં પ્રાથમિકતા મળવી સ્વાભાવિક નિયમ છે.

ન્યૂઝીલેન્ડ સામેની આગામી ટી-20 સીરીઝ માટે રાહ જોવી પડશે?
જો બેંગલુરુની મેચમાં વૈભવ સૂર્યવંશીને સરપ્રાઇઝ એન્ટ્રી તરીકે તક નહીં મળે, તો તેણે 22 ઓક્ટોબરથી શરૂ થઈ રહેલા ભારત અને ન્યૂઝીલેન્ડ વચ્ચેના પ્રવાસ માટે રાહ જોવી પડશે.

ન્યૂઝીલેન્ડ સામેની 5 મેચોની ટી-20 સીરીઝ માટે પણ BCCIની પસંદગી સમિતિએ વૈભવ સૂર્યવંશીને 16 સભ્યોની ભારતીય સ્ક્વૉડમાં સ્થાન આપ્યું છે. જો વિન્ડીઝ સામે તક ન મળે તો ન્યૂઝીલેન્ડના પ્રવાસ દરમિયાન આ યુવા સ્ટારને આંતરરાષ્ટ્રીય સ્તરે પોતાનો કમાલ બતાવવાની મોટી તક મળી શકે છે.