IPL 2026 LSG vs DC : Rishabh Pantની અગ્નિપરીક્ષા, જૂની ટીમ સામે Lucknow Super Giantsનો ₹27 કરોડનો દાવ

IPL 2026 LSG vs DC : ગયા વર્ષે લખનઉની ટીમ ઈજાઓથી ભારે પરેશાન હતી, જેના કારણે તેમનું પ્રદર્શન કથળ્યું હતું. જોકે, 2026ની આ સિઝનમાં ટીમ સંપૂર્ણપણે ફિટ અને સજ્જ દેખાય છે. મોહમ્મદ શમી અને એનરિચ નોર્ટજે જેવા અનુભવી ફાસ્ટ બોલરોની એન્ટ્રીથી ટીમનું પેસ આક્રમણ અત્યંત ઘાતક બન્યું છે. યુવા બોલર મયંક યાદવ, જેણે પોતાની ફિટનેસ પર સખત મહેનત કરી છે, તે પણ આજે મેદાનમાં પોતાની ગતિથી બેટ્સમેનોને ડરાવવા તૈયાર છે.

બેટિંગ યુનિટ પણ વધુ સંતુલિત

ટીમનું બેટિંગ યુનિટ પણ વધુ સંતુલિત લાગે છે. મિચેલ માર્શ અને એડન માર્કરમ જેવી વિદેશી જોડી મજબૂત શરૂઆત અપાવવા સક્ષમ છે. સૌથી મોટો ફેરફાર ઋષભ પંતના બેટિંગ ક્રમમાં જોવા મળી શકે છે. અહેવાલો મુજબ, પંત આ વખતે ચોથા નંબરને બદલે ટોપ ઓર્ડરમાં રમી શકે છે, જ્યારે નિકોલસ પૂરન ફિનિશરની ભૂમિકામાં ચોથા ક્રમે બેટિંગ કરશે. સ્પિન વિભાગમાં દિગ્વેશ સિંહ રાઠી ફરી એકવાર પોતાની ‘મિસ્ટ્રી સ્પિન’ થી જાદુ ચલાવશે તેવી આશા છે.

Also Read

Shreyas Iyer પર એક્શન: Punjab Kingsના કેપ્ટનને જીત બાદ લાગ્યો લાખોનો દંડ

કેએલ રાહુલ અને અક્ષર પટેલની રણનીતિ

Also Read

DC vs LSG : દિલ્હીની ધમાકેદાર પરફોર્મન્સ, 6 વિકેટે જીત નોંધાવી

બીજી તરફ, દિલ્હી કેપિટલ્સની ટીમ પણ કોઈ પણ ભોગે જીત મેળવવાના ઇરાદે મેદાનમાં ઉતરશે. ગયા વર્ષે પ્લેઓફમાં સ્થાન ન મેળવી શકનાર દિલ્હીએ આ વખતે પોતાની રણનીતિમાં ધરમૂળથી ફેરફાર કર્યા છે. ટીમે ઓપનિંગ જોડીમાં સ્થિરતા લાવવા માટે કેએલ રાહુલને જવાબદારી સોંપી છે. રાહુલની સાથે પથુમ નિસાન્કા અથવા પૃથ્વી શો ઇનિંગ્સની શરૂઆત કરી શકે છે.

મિડલ ઓર્ડરને પાવર હિટરથી મજબૂત બનાવ્યો

દિલ્હીએ તેના મિડલ ઓર્ડરને ‘કિલર’ મિલર (ડેવિડ મિલર) અને ટ્રિસ્ટન સ્ટબ્સ જેવા પાવર હિટરથી મજબૂત બનાવ્યો છે. બોલિંગમાં મિચેલ સ્ટાર્કની ગેરહાજરી ચોક્કસપણે વર્તાશે, પરંતુ કેપ્ટન અક્ષર પટેલ અને કુલદીપ યાદવની ચિરપરિચિત સ્પિન જોડી મધ્ય ઓવરોમાં લખનઉના બેટ્સમેનો પર અંકુશ મેળવવા માટે પૂરતી છે. ટી. નટરાજન અને લુંગી ન્ગીડીની હાજરીથી તેમનો ડેથ ઓવર્સનો પ્રશ્ન પણ હલ થતો જણાય છે.

હેડ-ટુ-હેડ

આઈપીએલના ઇતિહાસમાં આ બંને ટીમો વચ્ચે અત્યાર સુધી કુલ સાત મુકાબલા થયા છે. આંકડાકીય રીતે જોતા દિલ્હી કેપિટલ્સ થોડી આગળ છે. સાતમાંથી ચાર મેચમાં દિલ્હીનો વિજય થયો છે, જ્યારે લખનઉએ ત્રણ મેચ જીતી છે. આ જંગ અત્યંત રોમાંચક રહેવાની આશા છે કારણ કે બંને ટીમો કાગળ પર અત્યંત સંતુલિત અને મજબૂત જણાય છે.

ઋષભ પંત અને કેએલ રાહુલ વચ્ચે ટક્કર

આ મેચમાં મુખ્ય આકર્ષણ ઋષભ પંત અને કેએલ રાહુલ વચ્ચેની ટક્કર રહેશે. પંત પોતાની જૂની ફ્રેન્ચાઈઝી દિલ્હી સામે લખનઉના કેપ્ટન તરીકે કેવું પ્રદર્શન કરે છે, તે જોવું રસપ્રદ રહેશે. શું લખનઉનો 27 કરોડનો માસ્ટરપ્લેન સફળ થશે કે દિલ્હી ફરી એકવાર બાજી મારી જશે? આ સવાલનો જવાબ આજે મોડી રાત સુધીમાં મળી જશે.

બંને ટીમોની સંભવિત પ્લેઇંગ-11:

લખનઉ સુપર જાયન્ટ્સ: મિચેલ માર્શ, એડન માર્કરમ, ઋષભ પંત (કેપ્ટન/વિકેટકીપર), નિકોલસ પૂરન, આયુષ બદોની, અબ્દુલ સમદ, એનરિચ નોર્ટજે, મોહમ્મદ શમી, અવેશ ખાન, મયંક યાદવ, દિગ્વેશ રાઠી. (ઇમ્પેક્ટ પ્લેયર: શાહબાઝ અહેમદ)

દિલ્હી કેપિટલ્સ: પથુમ નિસાન્કા, કેએલ રાહુલ (વિકેટકીપર), નીતિશ રાણા, ટ્રિસ્ટન સ્ટબ્સ, ડેવિડ મિલર, અક્ષર પટેલ (કેપ્ટન), આશુતોષ શર્મા, વિપરાજ નિગમ, આકિબ નબી, કુલદીપ યાદવ, લુંગી ન્ગીડી. (ઇમ્પેક્ટ પ્લેયર: ટી. નટરાજન)