સરકાર 2,000 રૂપિયાથી વધુના યુનિફાઇડ પેમેન્ટ્સ ઇન્ટરફેસ (UPI) વ્યવહારો પર ગુડ્સ એન્ડ સર્વિસ ટેક્સ (GST) લાદવાના પ્રસ્તાવની સમીક્ષા કરી રહી હોવાના અહેવાલ છે. મીડિયા રિપોર્ટ્સમાં આ પ્રકારની ચર્ચા જોરશોરથી ચાલી રહી છે. નાણા મંત્રાલયે એક પ્રકાશનમાં જણાવ્યું હતું કે સરકાર 2,000 રૂપિયાથી વધુના UPI વ્યવહારો પર ગુડ્સ એન્ડ સર્વિસ ટેક્સ (GST) લાદવાનું વિચારી રહી છે તે દાવો સંપૂર્ણપણે ખોટો, ભ્રામક અને પાયાવિહોણો છે. હાલમાં સરકાર સમક્ષ આવો કોઈ પ્રસ્તાવ નથી.
માર્ચ મહિનામાં, ભારતમાં UPI દ્વારા વ્યવહારો 24.77 લાખ કરોડ રૂપિયાના રેકોર્ડ સ્તરે પહોંચ્યા. UPI ચુકવણીઓ અથવા રૂ. 2,000 થી વધુના વ્યવહારો પર GST વસૂલવામાં આવશે તેવા અનેક અહેવાલો પછી UPI પર GST ચર્ચાનો વિષય બન્યો છે. આનાથી વ્યક્તિગત વપરાશકર્તાઓથી લઈને નાના વ્યવસાય માલિકો સુધી, સમગ્ર UPI વપરાશકર્તા વર્ગને આઘાત લાગ્યો. એવો દાવો કરવામાં આવ્યો હતો કે જો મંજૂરી મળે, તો આ ઉચ્ચ-મૂલ્યના વ્યવહારો પર 18 ટકા GST લાગી શકે છે, જે મોટાભાગની ડિજિટલ સેવાઓ માટે પ્રમાણભૂત દર છે.
રિપોર્ટ મુજબ, એવું કહેવામાં આવી રહ્યું હતું કે એકવાર 2,000 રૂપિયાથી વધુની UPI ચુકવણી પર GST લાગુ થઈ જાય, પછી પીઅર-ટુ-પીઅર અને મર્ચન્ટ ટ્રાન્ઝેક્શન બંનેનો તેમાં સમાવેશ થઈ શકે છે. પ્રસ્તાવિત GST દર લગભગ 18 ટકા રહેવાની શક્યતા છે. ફેબ્રુઆરી 2025 માં ભારતનો GST સંગ્રહ 9.1 ટકા વધીને લગભગ રૂ. 1.84 લાખ કરોડ થયો. શનિવાર, 1 માર્ચના રોજ જાહેર કરાયેલા સત્તાવાર આંકડા મુજબ, કુલ આધાર પર, સેન્ટ્રલ GST માંથી રૂ. 35,204 કરોડ, સ્ટેટ GST માંથી રૂ. 43,704 કરોડ, ઇન્ટિગ્રેટેડ GST માંથી રૂ. 90,870 કરોડ અને વળતર ઉપકર માંથી રૂ. 13,868 કરોડ વસૂલવામાં આવ્યા છે.
