યસ બેંકે શનિવારે માહિતી આપી હતી કે તેને આકારણી વર્ષ 2019-20 માટે 2,209 કરોડ રૂપિયાની ટેક્સ નોટિસ જારી કરવામાં આવી છે. બેંકે આ સંદર્ભમાં એક સત્તાવાર નિવેદન જારી કર્યું છે. બેંકને કલમ ૧૫૬ હેઠળ આવકવેરા વિભાગ તરફથી આ નોટિસ મળી છે. આ નોટિસમાં, તેને ટેક્સ ચૂકવવાનું કહેવામાં આવ્યું છે.
બેંક પગલાં લેશ
યસ બેંકનું કહેવું છે કે આવકવેરા વિભાગે નોટિસ મોકલી છે. આગામી સમયમાં કાયદાની મદદથી આ નોટિસ સામે જરૂરી કાર્યવાહી કરવામાં આવશે. બેંકનું કહેવું છે કે ટેક્સ વિભાગ દ્વારા જારી કરાયેલી નોટિસનું વિશ્લેષણ કરવામાં આવી રહ્યું છે. કાયદાકીય નિયમો અને જરૂરિયાતો અનુસાર યોગ્ય પગલાં લેવા માટે ચર્ચા ચાલી રહી છે.
નોટિસ મળ્યા પછી, યસ બેંકે જણાવ્યું હતું કે નોટિસથી તેના નાણાકીય, કામગીરી અથવા અન્ય પ્રવૃત્તિઓ પર કોઈ અસર પડી નથી. બેંકના જણાવ્યા અનુસાર, 30 સપ્ટેમ્બર, 2021 ના રોજ આવકવેરા અધિનિયમ, 1961 ની કલમ 144 હેઠળ આકારણી વર્ષ 2019-20 માટે ઓર્ડર મળ્યો હતો. આમાં, અગાઉ ફાઇલ કરેલા આવકવેરા રિટર્નના રિફંડ તરીકે બેંકને રિફંડ આપવામાં આવ્યું છે. એપ્રિલ 2023 માં, આવકવેરા વિભાગ દ્વારા આકારણી વર્ષ ફરીથી ખોલવામાં આવ્યું.
