ભારત-પાકિસ્તાન હુમલા વચ્ચે, IPL ટુર્નામેન્ટ રદ થવાના સતત અહેવાલો આવી રહ્યા છે. બધા વિદેશી ખેલાડીઓને પાછા મોકલી શકાય છે. બીસીસીઆઈએ આ અંગે એક કટોકટી બેઠક બોલાવી છે. પાકિસ્તાનના નિષ્ફળ હુમલાઓને ધ્યાનમાં રાખીને પંજાબ કિંગ્સ અને દિલ્હી કેપિટલ્સ વચ્ચે ચાલી રહેલી મેચ પણ રદ કરવામાં આવી છે.
દિલ્હી અને પંજાબ વચ્ચેની મેચ રદ થયા બાદ BCCIએ એક મહત્વપૂર્ણ નિર્ણય લીધો છે. ખેલાડીઓ, સપોર્ટ સ્ટાફ અને બ્રોડકાસ્ટ ક્રૂને આવતીકાલે, શુક્રવાર 9 મેના રોજ ધર્મશાલાથી બહાર કાઢવામાં આવશે. આઈપીએલ સાથે જોડાયેલા આ બધા લોકો માટે બીસીસીઆઈ ઉનાથી ખાસ ટ્રેન ચલાવી શકે છે. દિલ્હી અને પંજાબ વચ્ચેની મેચ જોવા આવેલા લોકોને સ્ટેડિયમમાંથી સુરક્ષિત રીતે બહાર કાઢવામાં આવ્યા છે. સૂત્રોના જણાવ્યા અનુસાર, બોર્ડનું કહેવું છે કે ખેલાડીઓની સુરક્ષા સાથે કોઈ સમાધાન કરવામાં આવશે નહીં.
ભારત અને પાકિસ્તાન વચ્ચે ચાલી રહેલા તણાવ વચ્ચે, આઈપીએલ 2025 અંગે નિર્ણય શુક્રવાર, 9 મેના રોજ આવી શકે છે. બોર્ડે IPL અંગે એક બેઠક બોલાવી છે. પાકિસ્તાનના નિષ્ફળ હુમલાઓને કારણે IPL 2025 રદ થઈ શકે છે.
