Akshay Kumarનો ‘ભૂત બંગલા’માં 26 વર્ષ નાની અભિનેત્રી સાથે રોમાન્સ, ઉંમરના તફાવત પર તોડ્યું મૌન

Akshay kumar bhoot bangla : અક્ષય કુમારે ઉંમરના તફાવતને સામાન્ય ગણાવતા કહ્યું હતું કે, “તેમાં શું ખોટું છે? આપણે આવું પહેલાં પણ ઘણી ફિલ્મોમાં જોયું છે. હોલીવુડમાં પણ આ પ્રકારની જોડીઓ સામાન્ય છે. ઘણીવાર આ સ્ક્રિપ્ટની માંગ હોય છે.

જો આપણે વાસ્તવિક જીવનમાં જોઈએ, તો પણ લોકો પોતાનાથી મોટા કે નાના જીવનસાથી સાથે લગ્ન કરે છે, તો પછી પડદા પર તેને લઈને આટલો હોબાળો કેમ?” અક્ષયના મતે, અભિનય એ પાત્રને જીવવાની કળા છે, જેમાં કલાકારની વ્યક્તિગત ઉંમર ગૌણ બની જાય છે.

દિગ્દર્શક પ્રિયદર્શને પણ અક્ષયનો બચાવ કરતા જણાવ્યું હતું કે કલાકારોને તેમની વાસ્તવિક ઉંમરને આધારે જજ ન કરવા જોઈએ. તેમણે દક્ષિણ ભારતના સુપરસ્ટાર એમજીઆર અને એનટીઆરનું ઉદાહરણ આપતા કહ્યું કે, “એ મહાન કલાકારો હંમેશા કહેતા કે તેમની વાસ્તવિક ઉંમર અને સ્ક્રીન પર દેખાતી ઉંમર અલગ છે.

એક અભિનેતાની ખૂબી એ છે કે તે પડદા પર નાનો દેખાઈ શકે છે અને દર્શકો તેને તે રીતે જ સ્વીકારે છે. મને અક્ષય અને વામિકાની જોડીમાં કોઈ અસ્વભાવિકતા દેખાતી નથી.” પ્રિયદર્શને ઉમેર્યું કે ફિલ્મના પાત્રોની કેમિસ્ટ્રી મહત્વની છે, ઉંમરનો આંકડો નહીં.

અક્ષય કુમારે વામિકા ગબ્બીના કામના ખૂબ વખાણ કર્યા હતા. તેણે જણાવ્યું કે, “હું જેટલું વરિષ્ઠ કલાકારો પાસેથી શીખ્યો છું, તેટલું જ હું વામિકા જેવા નવા કલાકારો પાસેથી પણ શીખું છું. વામિકા પોતાના કામ પ્રત્યે અત્યંત ગંભીર છે. તે શૂટિંગ દરમિયાન વારંવાર સીન વાંચે છે અને રિહર્સલ કરે છે.

તેની સરખામણીમાં વિદ્યા બાલન સાથે કામ કરવાનો અનુભવ અલગ છે, તે ખૂબ જ મુક્ત શૈલીમાં કામ કરે છે.” અક્ષયના મતે, દરેક કલાકારની પોતાની એક અલગ કામ કરવાની રીત હોય છે અને તેઓ નવા કલાકારોની શૈલીને ધ્યાનથી જોઈને તેમાંથી કંઈક નવું શીખવાનો પ્રયત્ન કરે છે.