અઢી મહિના બાદ માતાનો પત્તો મળ્યો પરંતુ મૃત હતી મુવાલમાં મળેલી મૃત મહિલા ઓળખાઇ પુરુષ મિત્રએ હત્યા કર્યાનો પર્દાફાશ | The deceased woman was murdered in identification three months later

સાવલી તા.૨૦ સાવલી તાલુકાના મુવાલ ગામની સીમમાંથી એક મહિના પહેલા મળેલી એક મહિલાની લાશની ઓળખ બાદ તેની કરપીણ  હત્યા થઇ હોવાનો પર્દાફાશ થયો છે. પોલીસે પ્રેમ સંબંધ મુદ્દે હત્યા થઇ હોવાની આશંકા સાથે એક શખ્સની અટક પણ કરી છે.

પ્રાપ્ત માહિતી મુજબ મુવાલ ગામની સીમમાં નિલગીરીના ખેતરમાંથી તા.૧૧ એપ્રિલના રોજ એક મહિલાની ડિકંપોઝ થયેલી લાશ મળી હતી. આ અંગે સાવલી પોલીસે અકસ્માત મોતની નોંધ કરી હતી. મહિલા પાસેથી કપડાં, પાકિટ, ધાતુનો સિક્કો, ચાવી તેમજ ચંપલ અને હાથની બંગડી અને વીંટી મળી હતી જે પોલીસે કબજે લીધી હતી. પોલીસ મહિલાની ઓળખ કરતી હતી અને આખરે સફળતા મળી છે.

Also Read

CA ઇન્ટરમીડિયેટમાં અમદાવાદનો દબદબો, ઑલ ઇન્ડિયા ટોપ 50માં અમદાવાદના ત્રણ વિદ્યાર્થી ઝળક્યા! | 3 Ahmedabad Students Shine In ICAI CA Intermediate All India Top 50 Merit List

મહિલાનું નામ ભાવનાબેન પરમાર જે મૂળ સાબરકાંઠાની વતની તેમજ રસોઇનું કામ કરતી  હોવાની વિગતો બહાર આવી છે. તા.૩૦ માર્ચના રોજ તેઓ પાવાગઢ માતાના મંદિરે જઉં છું તેમ કહી ઘેરથી નીકળ્યા બાદ પરત ફરી ન હતી અને તેના સંતાનો તેમજ પરિવારજનો દ્વારા વ્યાપક તપાસ હાથ ધરવામાં આવી હતી. મૃતક મહિલાના ભાઇ ગોપાલભાઇ મગનભાઇ રાઠોડના ઘરની સામે યોજાયેલા લગ્નમાં આવેલા એક મહેમાને ગોપાલભાઇને મોબાઇલમાં ભાવનાબેનનો ફોટો બતાવ્યો હતો અને આ સ્ત્રીને કોઇ ઓળખતું હોય તો સાવલી પોલીસ સ્ટેશનનો સંપર્ક કરે તેવો ઉલ્લેખ  હતો.

Also Read

ફાયર કર્મચારીઓની પડતર પ્રશ્નોને લઈ ફરી રજૂઆત | Re presentation regarding pending issues of fire personnel

સોશિયલ મીડિયામાં આવેલા આ મેસેજના પગલે ગોપાલભાઇ તેમજ મૃતક ભાવનાબેનનો પુત્ર દિલીપસિંહ અર્જુનસિંહ પરમાર (રહે.અંત્રોલીવાસ, દોલજી, તા.તલોદ, જિલ્લો સાબરકાંઠા) સાવલી પોલીસ સ્ટેશન આવ્યા હતાં અને તા.૩૦ માર્ચથી ગુમ માતાની ઓળખ કરી  હતી. પોલીસ તપાસ દરમિયાન ચાંદીના છડા અંગે મૃતક મહિલાના મિત્ર સાગરસિંગ મકવાણા સાથે ઝઘડો થતાં સાગરસિંગે ગળું દબાવી મહિલાની હત્યા કરી તે ફરાર થઇ ગયો હોવાની પ્રાથમિક વિગતો બહાર આવતા પોલીસે તેની અટક કરી વધુ તપાસ હાથ ધરી છે.