માનવ તસ્કરીના ગુનામાં સંડોવાયેલ આરોપીની સંપત્તિ જપ્ત કરાશે | property accused involved in the crime of human trafficking will be confiscated

બીએનએનએસ-107 હેઠળ સંપત્તિ
જપ્તીનો ગુજરાતનો પ્રથમ કેસ

ભાવનગર – 
શહેરના વાઘાવાડી રોડ પર સ્પાની આડમાં મહિલાઓ પાસે દેહવ્યાપાર
કરાવી તથા માનવ તસ્કરીના ગુનાના આરોપીની સંપતિ જપ્ત કરવાની કાયદાકીય પ્રક્રિયા
પોલીસ દ્વારા શરૃ કરવામાં આવી છે. બીએનએનએસની કલમ ૧૦૭ હેઠળ સંપતિ જપ્તીનો ગુજરાતનો
આ પ્રથમ કેસ છે.

Also Read

CA ઇન્ટરમીડિયેટમાં અમદાવાદનો દબદબો, ઑલ ઇન્ડિયા ટોપ 50માં અમદાવાદના ત્રણ વિદ્યાર્થી ઝળક્યા! | 3 Ahmedabad Students Shine In ICAI CA Intermediate All India Top 50 Merit List

સ્પાની
આડમાં દેહ વ્યાપાર ચલાવતી મહિલાની રૃ.૮૦ લાખની સંપતિ ટાંચમાં લેવા કાયદાકીય પ્રક્રિયા
શરૃ

Also Read

ફાયર કર્મચારીઓની પડતર પ્રશ્નોને લઈ ફરી રજૂઆત | Re presentation regarding pending issues of fire personnel

શહેરના
વાઘાવાડી રોડ પર આવેલા ઈવા સુરભી કોમ્પ્લેક્ષમાં આયુર થાઈ ફેમીલી સ્પા અને શિવા
બ્લેસિંગ બિલ્ડિંગમાં આયુર થાઈ ફેમીલી સ્પાના માલિક શબાનાબેન ફારૃકભાઈ થીમ (મુળ
રહે.કુંભારવાડા, હાલ રહે.રિંગરોડ શિવધારા સોસાયટી) પોતાના સ્પામાં વ્યવસાયની આડમાં મસાજ
માટે આવતા ગ્રાહકો પાસેથી પૈસા વસુલ કરી પોતાના આર્થિક લાભ માટે મહિલાઓ પાસે
દેહવ્યાપાર કરાવી શોષણ કરવામાં આવતું હતું અને ત્યાં જ મહિલાઓને રહેવાની વ્યવસ્થા
કરી સ્પામાંથી જવા નહી દઇએ તેવી મહીલાઓને ધમકીઓ આપવામાં આવતી હોવા મામલે થોડાં
દિવસો પૂર્વે શહેરના નિલમબાગ પોલીસ મથકમાં માનવ તસ્કરીના ગુના નોંધાયા હતા. જેની
ઉંડાણપૂર્વક તપાસ કરતા શબાનાબેને સ્પાના અનૈતિક વ્યવસાયની આવકમાંથી સુરભી
કોમ્પ્લેક્સની આયુર થાઈ ફેમીલી સ્પા માટે દુકાન ખરીદી હતી અને તેના હપ્તા પણ
અનૈતિક વ્યપારમાંથી થતી આવકમાંથી ચુકવતા હોવાનું ધ્યાનમાં આવતા તેમની રૃ.૮૦ લાખની
કિંમતની આ દુકાન નં-૩૦૯ બીએનએનએસ કલમ-૧૦૭ મુજબ ટાંચમાં લેવા માટે નામદાર ન્યાયધીશ
સમક્ષ રીપોર્ટ કરી પોલીસ દ્વારા આગળની કાર્યવાહી કરવામાં આવી છે. આમ, બીએનએનએસ-૧૦૭ હેઠળ સંપત્તિ જપ્તીનો ગુજરાતનો પ્રથમ કેસ પ્રથમ કેસ છે.

૧૦
વર્ષમાં અનૈતિક વ્યાપાર, ઈમોરલ ટ્રાફિકના ૪ ગુના

સ્પાની
આડમાં માનવ તસ્કરીનો અનૈતિક વ્યાપાર કરતી શબાનાબેન ફારૃકભાઈ થીમ સામે છેલ્લા ૧૦ વર્ષમાં
અનૈતિક વ્યાપાર અને ઈમોરલ ટ્રાફિક એક્ટના કુલ ૪ ગુના નોંધાયા છે. જેમાં વર્ષ ૨૦૧૬માં
બોરતળાવ પોલીસ મથકમાં, વર્ષ-૨૦૨૫માં નિલમબાગ પોલીસ મથકમાં અને વર્ષ-૨૦૨૬માં નિલમબાગ પોલીસ મથકમાં
અલગ-અલગ બે મળી કુલ ચાર ગુના નોંધાયા છે.

બીએનએનએસ-૧૦૭માં
સંપતિ ટાંચમાં લેવાની પોલીસને સત્તા

ગેરકાયદેસરની
આવક દ્વારા સંપત્તિ ટાંચમાં લેવાની સત્તા સામાન્ય રીતે ઈડી પાસે હોય છે. પરંતુ
બીએનએનએસની કલમ-૧૦૭ હેઠળ પોલીસને પણ ગેરકાયદેસર આવકમાંથી સંપત્તિ ટાંચમાં લેવાની
સત્તા આપવામાં આવી છે જેનો ઉપયોગ ભાવનગર પોલીસે ગુનાહિત ઈતિહાસ ધરાવતા આવા
હિસ્ટ્રીશીટરો સામે કર્યો છે.