પંચમહાલ: મોરવા હડફના કુવાઝર ગામે ડીજે હરીફાઈ પર તંત્રની તવાઈ, પોલીસે ડીજેના 2 વાહન કર્યા ડિટેઈન | panchmahal morva hadaf kuvajar village dj competition police detained two dj systems rto fine

DJ Systems RTO Fine Panchmahal: સુપ્રીમ કોર્ટ દ્વારા ધ્વનિ પ્રદૂષણને ડામવા માટે કડક આદેશો આપવામાં આવ્યા હોવા છતાં, પંચમહાલ સહિત આસપાસના જિલ્લાઓમાં DJ સંચાલકો દ્વારા ઉંચા અવાજે ડીજે વગાડીને નિયમોના ધજાગરા ઉડાડવામાં આવતા હોવાની ફરિયાદો સતત વધી રહી છે. પંચમહાલ, મહીસાગર અને દાહોદ જિલ્લામાં અવારનવાર DJ સંચાલકો વચ્ચે હરીફાઈ યોજાતી હોવાની વ્યાપક ફરિયાદોને પગલે વહીવટી તંત્ર એક્શન મોડમાં આવ્યું છે. ત્યારે મોરવા હડફ તાલુકાના કુવાઝર ગામે મોટા પાયે ઉંચા અવાજે DJ વગાડીને હરીફાઈ કરવાની તૈયારીઓ ચાલી રહી હોવાની માહિતી મળતા પોલીસે કડક કાર્યવાહી હતી. 

શુ છે સમગ્ર મામલો

Also Read

ગુજરાત પંચાયત વિભાગનો મોટો નિર્ણય, તલાટી અને જુનિયર ક્લાર્ક સહિત 111 કર્મચારીઓની આંતર જિલ્લા બદલી | Gujarat Panchayat Department Transfers 111 Employees Across Districts in Major Reshuffle

મળતી માહિતી અનુસાર, મામલતદાર તાત્કાલિક એક્શનમાં આવ્યા હતા અને તેઓ પોતે જ કાફલા સાથે કુવાઝર ગામે ઘટનાસ્થળે પહોંચી ગયા હતા. આ સાથે જ તેમણે તાત્કાલિક સ્થાનિક પોલીસને પણ આ અંગે વાકેફ કરી સ્થળ પર બોલાવી લીધી હતી. મોરવા હડફ પોલીસની ટીમ ઘટનાસ્થળે ધસી ગઈ હતી અને આયોજન સ્ટેજ પર ચઢે અથવા હરીફાઈમાં ઉતરે તે પહેલાં જ બંને આધુનિક DJ વાહનોને રાઉન્ડઅપ કરી લીધા હતા. પોલીસે કાયદેસરની કાર્યવાહી કરીને બંને DJ સિસ્ટમને ડિટેઈન કરી પોલીસ મથકે લાવી દીધી હતી અને સંચાલકો સામે દંડનીય કાર્યવાહીની પ્રક્રિયા હાથ ધરી હતી.

Also Read

અમદાવાદ: 1.66 કરોડની ચોરીના કેસમાં નવો વળાંક, મહિલા આરોપીનો પોલીસ પર સોનું-રૂપિયા પડાવ્યાનો ગંભીર આક્ષેપ | Nikol Jewellery Theft Case: Accused Salesgirl Alleges Police Harassment Court Demands Answer

RTO દ્વારા ₹40,500નો તોતિંગ દંડ ફટકારાયો

મોરવા હડફ પોલીસ દ્વારા DJ વાહનો ડિટેઈન કર્યા બાદ આરટીઓ (RTO) વિભાગને પણ આ મામલે જાણ કરવામાં આવી હતી. RTO અધિકારીઓ દ્વારા આ વાહનો અને જરૂરી કાગળોની બારીકાઈથી ચકાસણી કરવામાં આવી હતી, જેમાં ક્ષતિઓ જણાતા એક DJ સંચાલકને 40,500 રૂપિયાનો તોતિંગ દંડ ફટકારવામાં આવ્યો હતો. આ DJના માલિકે તાબડતોબ નિયમોનુસાર દંડની રકમ ભરપાઈ કરી દીધી હોવાથી તેનું DJ વાહન મુક્ત કરવામાં આવ્યું હતું.

દંડ ભરીને મુક્ત થયેલા DJ માલિકને પોલીસે કડક શબ્દોમાં તાકીદ કરી છે કે, જો ભવિષ્યમાં ફરીથી આ પ્રકારની ગેરકાયદે પ્રવૃત્તિ કે નિયમોનું ઉલ્લંઘન કરતા પકડાશે, તો તેમના વિરૂદ્ધ વધુ કડક કાનૂની કાર્યવાહી કરવામાં આવશે.

એક DJ હજુ પણ પોલીસ સ્ટેશનના કબજામાં

વહીવટી તંત્રની આ રેડ દરમિયાન ડિટેઈન કરાયેલું બીજું DJ વાહન હજુ પણ મોરવા હડફ પોલીસ મથક ખાતે જમા છે. આ વાહનને પણ આરટીઓ દ્વારા મેમો આપવામાં આવ્યો છે. પોલીસના જણાવ્યાનુસાર, આ DJના માલિક દ્વારા જ્યારે નિયત કરાયેલા RTO મેમોની રકમ સત્તાવાર રીતે ભરપાઈ કરવામાં આવશે, ત્યાર બાદ જ આ બીજા DJને પોલીસ સ્ટેશનમાંથી મુક્ત કરવામાં આવશે. તંત્રની આ આકરી અને ત્વરિત કાર્યવાહીના પગલે પંચમહાલ જિલ્લાના અન્ય DJ સંચાલકો અને ગેરકાયદે હરીફાઈઓનું આયોજન કરનારા તત્ત્વોમાં ભારે ફફડાટ વ્યાપી ગયો છે.