આણંદ જિલ્લા પંચાયતમાં દાવ થયો, ભાજપની બહુમતી છતાં કોંગ્રેસના પ્રમુખ, ટેક્નિકલ ભૂલ ભારે પડી! | BJP Loses Anand District Panchayat President Post Over Technical Error

Anand District Panchayat: આણંદ જિલ્લા પંચાયતમાં ભાજપની સ્પષ્ટ બહુમતી હોવા છતાંય પ્રમુખપદ ગુમાવવાનો વારો આવ્યો છે. ભાજપના ઉમેદવારનું જ્ઞાતિનું પ્રમાણપત્રને લીધે ફોર્મ રદ કરાયું હતું. પરિણામે કોંગ્રેસના ઉમેદવાર ગૌરીબહેન તડવી બિનહરીફ વિજેતા જાહેર કરાયાં હતાં.

આણંદ જિલ્લા પંચાયતના પ્રમુખ પદની આ બેઠક અનુસૂચિત જનજાતિ માટે મહિલા માટે અનામત રાખવામાં આવી હતી. ભાજપ દ્વારા સારસા બેઠકના વિજેતા ઉમેદવાર મયુરીબહેન પટેલને પ્રમુખ પદના મુખ્યદાવેદાર હતા. પરંતુ ફોર્મની ચકાસણી દરમિયાન સામે એવું આવ્યું કે તેમણે મહારાષ્ટ્ર સરકારનું જાતિ પ્રમાણપત્ર રજૂ કર્યું હતું. આ મુદ્દે કોંગ્રેસના વકીલોએ સખત વાંધો ઉઠાવ્યો હતો. નિયમ અનુસાર, અન્ય રાજ્યનું અનામત પ્રમાણપત્ર ગુજરાતમાં માન્ય ગણાતું નથી.

Also Read

ગુજરાતના 26 લોકસભા સાંસદોએ પણ 384 કરોડની ગ્રાન્ટ મેળવી છતાં 82.47 કરોડ જ ખર્ચ્યા | gujarat mps lag in mplad funds only 21 percent spent in 3 years

અનામતનો લાભ ફક્ત મૂળ ગુજરાતના આદિવાસી રહીશોને જ મળી શકે. આ કાનૂની જોગવાઈને આધારે જિલ્લા વિકાસ અધિકારીએ ભાજપના ઉમેદવારનું ફોર્મ અમાન્ય ઠેરવ્યું હતું. આણંદ જિલ્લા પંચાયતમાં 33 બેઠકોની સ્પષ્ટ બહુમતી હોવા છતાં, આ ટેકનિકલ અને કાનૂની ભૂલના કારણે ભાજપે પ્રમુખ પદ ગુમાવવું પડ્યું છે. આ ઘટના કોંગ્રેસની રાજકીય જીત માનવામાં આવી રહી છે. આ મુદ્દે પ્રદેશ કોંગ્રેસ પ્રમુખ અમિત ચાવડાએ ‘X’ પોસ્ટ કરીને લખ્યું ‘સત્યમેવ જયતે.’ 

Also Read

મહાબળેશ્વર નજીક 1500 ફૂટ ઊંડી ખીણમાં ખાબકી કાર, 8 લોકોના દર્દનાક મોત, દૂરબીનથી મૃતદેહોની શોધખોળ | Tragedy Near Mahabaleshwar 8 Tourists Killed as Scorpio Plunges Into 1500 Foot Deep Gorge