અલ નિનો અને યુદ્ધના કારણે દેશના આર્થિક વિકાસ સામે જોખમ : RBI | El Nino and war pose threat to country’s economic growth: RBI

મુંબઈ : અલ નિનોની અસર, ચોમાસામાં વરસાદનું અસમાન વિતરણ તથા પશ્ચિમ એશિયા સંઘર્ષ લાંબો ચાલવાથી વર્તમાન નાણાં વર્ષમાં દેશના આર્થિક વિકાસ પર અસર પડશે તેવી રિઝર્વ બેન્ક દ્વારા ચેતવણી ઉચ્ચારવામાં આવી છે.

પોતાના વાર્ષિક રિપોર્ટમાં રિઝર્વ બેન્કે જણાવ્યું છે કે, દેશના કૃષિ ક્ષેત્રનું આઉટલુક ચોમાસાની પ્રગતિ અને વરસાદ દરેક ક્ષેત્રમાં કેટલો પડે છે તેના પર આધારિત રહેશે. હવામાન સંબંધિત અનિશ્ચિતતા કૃષિ ઉત્પાદનો સામે ઘટાડા તરફી જોખમો ધરાવે છે. અલ નિનોની શકય સ્થિતિ કૃષિ ઉત્પાદન પર ઘટાડા તરફી જોખમ ધરાવે છે. વર્તમાન વર્ષમાં ચોમાસુ સામાન્ય કરતા નબળુ રહેવાની હવામાન વિભાગ દ્વારા ચેતવણી આવી પડી છે. ભારતીય વેધશાળાએ વર્તમાન વર્ષમાં લાંબા ગાળાની સરેરાશના ૯૦ ટકા વરસાદની આગાહી કરી છે.

Also Read

ડૉલર સામે રુપિયો કેમ નબળો પડ્યો? પાકિસ્તાન સહિતના અન્ય દેશોની કરન્સી મજબૂત થઈ, જાણો કેમ | Indian Rupee Depreciation 2026 Why Rupee Falls to 96 vs US Dollar While Asian Currencies Rise

કૃષિ પાક જ્યાં વધુ લેવામાં આવે છે તેવા વિસ્તારોમાં વરસાદનું પ્રમાણ અસમાન રહેશે તો ખરીફ પાકના ઉત્પાદન તથા અન્ન ફુગાવા પર અસર પડશે તેવી વિશ્લેષકો દ્વારા ચેતવણી ઉચ્ચારવામાં આવી છે. જો કે ચોમાસાના પાછલા ચરણમાં હકારાત્મક ઈન્ડિયન ઓસિયન ડીપોલ (આઈઓડી) સ્થિતિ ઊભરવાની શકયતા તરફ રિઝર્વ બેન્કે નિર્દેશ કર્યો છે. આ સ્થિતિથી અલ નિનોની પ્રતિકૂળ અસર આંશિક હળવી થવાની શકયતા છે. 

Also Read

CCTV: અમદાવાદમાં મોબાઈલમાં વ્યસ્ત કર્મચારીની બેગમાંથી નોટોના બંડલ સેરવી ગઠિયો ફરાર! ચોંકાવનારો વીડિયો | ahmedabad cctv captures cash theft manek chowk

પોઝિટિવ આઈઓડીથી ભારત પર ઊંચો વરસાદ આવશે અને કૃષિ ઉત્પાદન વધારવામાં મદદ કરશે. 

પોતાના રિપોર્ટમાં રિઝર્વ બેન્કે ભૌગોલિકરાજકીય ઘટનાક્રમો ખાસ કરીને પશ્ચિમ એશિયા યુદ્ધને મોટું બહારી જોખમ તરીકે ગણાવ્યું છે. આ જોખમને કારણે ક્રુડ તેલના ભાવ ઊંચા રહેશે તથા ફુગાવો વધશે જે દેશની બૃહદ્ આર્થિક સ્થિરતા માટે પડકારો ધરાવે છે.