ભારતના વિદેશી મુદ્રા ભંડારમાં 7.51 અબજ ડોલરનો ઘટાડો | India’s foreign exchange reserves decline by 7 51 billion

– ડોલર સામે રૂપિયામાં દબાણ 

– ફોરેક્સ રિઝર્વ ફેબ્રુ. 2026માં 728 અબજ ડોલરના રેકોર્ડ સ્તરે હતું : હાલ, 681.38 અબજ કરોડ થયું

Also Read

ક્લીન એનર્જી ક્ષેત્રે રેકોર્ડ રોકાણ પણ નિર્માણની ગતિ ધીમી | Record investment in clean energy sector but slow construction pace

મુંબઈ : ભારતના વિદેશી મુદ્રા ભંડારમાં (ફોરેક્સ રિઝર્વ) ફરી એક વખત મોટો ઘટાડો નોંધાયો છે. રિઝર્વ બેંક ઓફ ઇન્ડિયા દ્વારા જાહેર કરાયેલા આંકડા અનુસાર, ૨૨ મે સુધી દેશમાં ફોરેક્સ રિઝર્વ ૭.૫૧ અબજ ડોલર ઘટીને ૬૮૧.૩૮ અબજ ડોલર પર પહોંચી ગયું હતું. આ સતત બીજા સપ્તાહનો ઘટાડો છે. 

Also Read

જામનગર: ગ્રેઇન માર્કેટમાં જર્જરિત કસ્ટમ હાઉસ ઇમારતનું ડિમોલિશન, 1 હિટાચી અને 2 જેસીબી કામે લાગ્યા | Old Custom House Building Demolition Starts in Jamnagar Grain Market Area

મધ્યપૂર્વમાં તણાવ વચ્ચે ભારતીય રૂપિયા પર દબાણ વધતાં આરબીઆઈને ડોલર વેચીને બજારમાં હસ્તક્ષેપ કરવો પડયો હતો. જેના કારણે રિઝર્વમાં ઘટાડો નોંધાયો હોવાનું નિષ્ણાતો માની રહ્યાં છે. અમેરિકા-ઇરાન તણાવ બાદ ઊંચા થયેલા ક્ડ ઓઇલના ભાવ અને વિદેશી મૂડીના બહાર જતા પ્રવાહે રૂપિયા પર દબાણ વધાર્યું હતું. 

આરબીઆઈના આંકડા મુજબ, ફોરેક્સ રિઝર્વનો સૌથી મોટો ભાગ ગણાતી ફોરેન કરન્સી એસેટ્સમાં અંદાજે ૩ અબજ ડોલરનો ઘટાડો થયો છે અને તે લગભગ ૫૪૩ અબજ ડોલર સુધી આવી ગઈ છે. આ સાથે જ સોનાના ભંડારમાં પણ લગભગ ૪.૫ અબજ ડોલરનો ઘટાડો નોંધાયો છે. ભારતનું ફોરેક્સ રિઝર્વ ફેબ્રુઆરી ૨૦૨૬માં રેકોર્ડ ૭૨૮ અબજ ડોલરથી વધુ સુધી પહોંચ્યું હતું, પરંતુ ત્યારબાદ વૈશ્વિક અનિશ્ચિતતા અને રૂપિયાને સ્થિર રાખવા આરબીઆઈના હસ્તક્ષેપને કારણે તેમાં સતત ઘટાડો થઈ રહ્યો છે. 

તાજેતરના સપ્તાહોમાં રૂપિયો ડોલર સામે ઐતિહાસિક નીચલા સ્તર સુધી પહોંચ્યો હતો. જોકે આરબીઆઈ દ્વારા કરવામાં આવેલા આક્રમક હસ્તક્ષેપ બાદ રૂપિયામાં થોડો સુધાર જોવા મળી રહ્યો છે.