પંચમહાલ: ગોધરા-શહેરા રોડ પર કાર પલટી જતાં ગમખ્વાર અકસ્માત, સાળા-બનેવીનું મોત, બે ઈજાગ્રસ્ત | Two Dead Two Injured as Speeding Car Overturns on Godhra Shehra Road Panchmahal

Panchmahal Car Accident: પંચમહાલ જિલ્લાના ગોધરા નજીક ગોઝારો અકસ્માત સર્જાયો હતો. ગોધરા-શહેરા રોડ પર જૂના મોર ડુંગરા નજીક પૂરપાટ ઝડપે જઈ રહેલી એક કાર અચાનક પલટી મારી જતાં અકસ્માત સર્જાયો હતો. આ દુર્ઘટનામાં કારમાં સવાર બે યુવાનોનું ઘટનાસ્થળે જ મોત નીપજ્યું હતું, જ્યારે અન્ય બે વ્યક્તિઓ ગંભીર રીતે ઇજાગ્રસ્ત થયા હતા. બે આશાસ્પદ યુવાનોના મોતથી સમગ્ર પંથકમાં ભારે શોકનું મોજું ફરી વળ્યું છે.

સ્ટેરિંગ પરથી કાબૂ ગુમાવતાં સર્જાયો અકસ્માત

Also Read

નર્મદામાં ભાજપ-કોંગ્રેસને મોટો ઝટકો: AAP ધારાસભ્ય ચૈતર વસાવાની હાજરીમાં અનેક દિગ્ગજોનો પક્ષપલટો | bjp congress leaders join aap narmada chaitar vasava

મળતી માહિતી અનુસાર, કારમાં સવાર લોકો ગોધરાથી પોતાનું કામ પતાવીને શહેરા પરત ફરી રહ્યા હતા. આ દરમિયાન જૂના મોર ડુંગરા નજીક અચાનક કારચાલકે સ્ટીયરિંગ પરથી કાબૂ ગુમાવી દીધો હતો, જેને કારણે કાર રોડ પરથી ઉતરીને પલટી મારી ગઈ હતી. અકસ્માત એટલો ભયાનક હતો કે કારમાં સવાર કિરણ પટેલ અને મહેશ ખાંટ નામના બે યુવાનોના ઘટનાસ્થળે જ દમ તોડી દીધો હતો. મૃતક યુવાનો સંબંધમાં સાળા-બનેવી થતા હોવાનું જાણવા મળ્યું છે. કારમાં સવાર અન્ય બે લોકોને પણ નાની-મોટી ઈજાઓ પહોંચી હતી, તેમને હોસ્પિટલ ખસેડવામાં આવ્યા છે.

Also Read

જામનગર: ગ્રેઇન માર્કેટમાં જર્જરિત કસ્ટમ હાઉસ ઇમારતનું ડિમોલિશન, 1 હિટાચી અને 2 જેસીબી કામે લાગ્યા | Old Custom House Building Demolition Starts in Jamnagar Grain Market Area

આ પણ વાંચો: અમદાવાદ: એસ.જી. હાઈવે પર મોડી રાત્રે અકસ્માત, અજાણ્યા વાહનની ટક્કરે બાઈકસવારનું મોત

ઘટનાની જાણ થતાં જ સ્થાનીક પોલીસનો કાફલો ઘટનાસ્થળે દોડી ગયો હતો. પોલીસે બંને મૃતક યુવાનોના શવનો કબજો મેળવીને પોસ્ટમોર્ટમ માટે સિવિલ હોસ્પિટલ મોકલીને આગળની કાર્યવાહી હાથ ધરી છે.