IPL ફાઈનલ હાર્યા બાદ ગુજરાત ટાઈટન્સ ટીમ દુર્ઘટનાનો શિકાર, રોડ વચ્ચે બસમાં શોર્ટ સર્કિટ બાદ ધૂમાડો ફેલાયો | Gujarat Titans Bus Suffers Short Circuit After IPL 2026 Final Players Safe

GT Bus Suffers Short Circuit After IPL 2026 Final: ઈન્ડિયન પ્રીમિયર લીગ (IPL) 2026ની ફાઇનલ મેચ બાદ રવિવારે (31મી મે) મોડી રાત્રે ગુજરાત ટાઇટન્સ (GT)ની ટીમ સાથે એક મોટી દુર્ઘટના ઘટતા-ઘટતા રહી ગઈ છે. ફાઇનલ મુકાબલામાં પરાજય બાદ ખેલાડીઓ અને સપોર્ટ સ્ટાફને લઈને સ્ટેડિયમથી હોટેલ પરત ફરી રહેલી ટીમ બસમાં અચાનક શોર્ટ સર્કિટ થવાના કારણે ટેકનિકલ ખામી સર્જાઈ હતી. જોતજોતામાં બસની અંદર મોટો ધુમાડો ફેલાઈ ગયો હતો. જો કે, સુરક્ષા કર્મચારીઓ અને મેનેજમેન્ટે ત્વરિત પગલાં ભરીને તમામ ખેલાડીઓ અને સ્ટાફને સુરક્ષિત રીતે બહાર કાઢ્યા હતા.

ખેલાડીઓએ રોડ કિનારે ઊભા રહેવું પડ્યું!

Also Read

રોયલ ચેલેન્જર્સ બેંગલુરૂ સતત બીજી વખત IPLમાં ચેમ્પિયન | Royal Challengers Bangalore are champions of IPL for the second consecutive time

અહેવાલો અનુસાર, રવિવારે (31મી મે) ફાઇનલ મેચ પૂર્ણ થયા બાદ ગુજરાત ટાઇટન્સની ટીમને બસમાં હોટેલ જવા રવાના થઈ હતી. બસ જ્યારે રસ્તા વચ્ચે પહોંચી ત્યારે અચાનક વાયરિંગમાં શોર્ટ સર્કિટ થતાં એન્જિન અને કેબિનના ભાગમાંથી કાળો ધુમાડો નીકળવા લાગ્યો હતો. પરિસ્થિતિ વણસે તે પહેલાં જ ડ્રાઇવરે બસ રોડ કિનારે ઊભી રાખી દીધી હતી અને સુરક્ષા સ્ટાફે તાત્કાલિક તમામ ક્રિકેટરો અને મેડિકલ-કોચિંગ સ્ટાફને બસમાંથી બહાર ઉતારી લીધા હતા.

Also Read

‘આ ટ્રોફી એમના માટે…’, RCB કેપ્ટન પાટીદારે IPL ચેમ્પિયન બન્યા બાદ કોને સમર્પિત કર્યો ખિતાબ? | IPL 2026: Rajat Patidar Dedicates RCB’s Championship Trophy After Historic Victory

સદનસીબે આ ઘટનામાં કોઈ પણ ખેલાડી કે સ્ટાફ મેમ્બરને સહેજ પણ ઈજા પહોંચી નથી. ઘટનાના પગલે આખી ટીમે થોડા સમય માટે રસ્તાના કિનારે જ ઊભા રહીને રાહ જોવી પડી હતી, જે બાદ મેનેજમેન્ટે તાત્કાલિક બીજી વૈકલ્પિક બસ મંગાવીને ટીમને સુરક્ષિત હોટેલ પહોંચાડી હતી.

આ પણ વાંચો: ચેમ્પિયન RCB પર કરોડોનો વરસાદ, રનર-અપ ગુજરાત પણ માલામાલ, જુઓ એવોર્ડ્સની યાદી

ફાઇનલમાં પરાજય બાદ ટીમ માટે ‘કરેલા પર પાણી ફર્યું’ જેવી સ્થિતિ

ગુજરાત ટાઇટન્સ માટે રવિવારનો આખો દિવસ જ ભારે નિરાશાજનક સાબિત થયો હતો. એક તરફ રસાકસી ભરેલી આઇપીએલ 2026ની ફાઇનલ મેચમાં રોયલ ચેલેન્જર્સ બેંગ્લોર (RCB) સામે ગુજરાતનો 5 વિકેટે પરાજય થયો હતો. આ હારના કારણે ગુજરાત ટાઇટન્સનું બીજી વખત આઇપીએલ ટ્રોફી જીતવાનું સપનું રોળાયું હતું અને ખેલાડીઓ પહેલેથી જ ભારે આઘાતમાં હતા.

આઇપીએલની બે મહિના લાંબી ચાલેલી આ ટૂર્નામેન્ટમાં શાનદાર પ્રદર્શન કરીને ફાઇનલ સુધી પહોંચેલી ગુજરાતની ટીમ માટે ગઈકાલની રાત કઠિન સાબિત થઈ હતી. મેદાન પર ટાઇટલ જીતવાની આશા પર પાણી ફરી વળ્યા બાદ રસ્તા પર ટીમ બસમાં સર્જાયેલી આ આકસ્મિક આફતે ખેલાડીઓની મુશ્કેલીમાં વધારો કર્યો હતો. જોકે, ફાઇનલની હારની નિરાશા વચ્ચે સૌથી આશ્વાસન આપનારી અને રાહતની વાત એ રહી કે બસ દુર્ઘટનામાં તમામ દેશી-વિદેશી સ્ટાર ખેલાડીઓ અને સપોર્ટ સ્ટાફ સંપૂર્ણપણે સુરક્ષિત  છે.