કેરળમાં એન્ટ્રી બાદ ચોમાસું 4 રાજ્યોમાં પહોંચ્યું, ગુજરાતમાં એન્ટ્રી ક્યારે? IMDની લેટેસ્ટ અપડેટ | Gujarat Weather Updates Meteorological Department rain Forecast Gujarat Monsoon

Gujarat Monsoon 2026: ભીષણ ગરમી વચ્ચે ચોમાસાની રાહ જોઈ રહેલા લોકો માટે ટાઢક આપતા સમાચાર છે. ચોમાસાએ આખરે ભારતમાં દસ્તક આપી દીધી છે. પરંતુ આ વર્ષે ચોમાસું ત્રણ દિવસના વિલંબથી ભારત પહોંચ્યું છે. ગઈકાલે ગુરુવારે ચોમાસું કેરળમાં પ્રવેશી ચૂક્યું છે. આજે કેરળ, કર્ણાટક અને તમિલનાડુના કેટલાક ભાગોમાં વરસાદી માહોલ છવાયો છે. આગામી દિવસોમાં તે દેશના અન્ય રાજ્યો સુધી પહોંચશે. અહીં દિલ્હી-NCR સહિત ઉત્તર ભારતમાં પણ વાવાઝોડા અને વરસાદનો દોર ચાલુ છે. ગુજરાતમાં પણ જૂનના છેલ્લા સપ્તાહમાં ચોમાસાની એન્ટ્રી થશે તેવી સંભાવના છે.

ગઈકાલે ચોમાસાએ આપી હતી દસ્તક

Also Read

લખનઉના કોચિંગ સેન્ટરમાં ભીષણ આગમાં 15 વિદ્યાર્થીનાં મોત : ચારને ગંભીર ઈજા | 15 students killed four seriously injured in massive fire at coaching centre in Lucknow

હવામાન વિભાગના જણાવ્યા અનુસાર, ચોમાસું ગઈકાલે એટલે કે 4 જૂને દક્ષિણ-પશ્ચિમ અને દક્ષિણ-પૂર્વ અરબી સમુદ્રના બાકીના ભાગો, પશ્ચિમ-મધ્ય અને પૂર્વ-મધ્ય અરબી સમુદ્રના કેટલાક ભાગો, સમગ્ર લક્ષદ્વીપ દ્વીપસમૂહ, કેરળ, કર્ણાટક અને તમિલનાડુના કેટલાક ભાગો, કોમોરિન વિસ્તારના બાકીના ભાગો, દક્ષિણ-પૂર્વ બંગાળની ખાડી તેમજ દક્ષિણ-પશ્ચિમ, પશ્ચિમ-મધ્ય, પૂર્વ-મધ્ય અને ઉત્તર-પૂર્વ બંગાળની ખાડીના કેટલાક વધુ ભાગો તરફ આગળ વધી ગયું છે.

Also Read

ભારતમાં સ્ટાર્ટઅપ ફંડિંગમાં 43% ઘટાડો | Startup funding in India drops by 43%

ક્યાં ક્યારે પહોંચશે ચોમાસું?

ગોવા અને તેલંગાણા: 7-8 જૂન સુધી

મહારાષ્ટ્ર: 5થી 10 જૂન સુધી

ગુજરાત: 20 જૂન સુધી

મધ્યપ્રદેશ: 15થી 20 જૂન

પૂર્વી યુપી અને બિહાર: 15થી 20 જૂન સુધી

મધ્ય યુપી: 20થી 25 જૂન

રાજસ્થાન: 25થી 30 જૂન

દિલ્હી-NCR: 30 જૂનની આસપાસ

ગુજરાતમાં ક્યાં ક્યાં પડી શકે વરસાદ?

આવતીકાલે શનિવાર 6(જૂન)ના રોજ ગુજરાતમાં ખાસ કરીને સૌરાષ્ટ્રના 3 જિલ્લા ગીર સોમનાથ, અમરેલી, ભાવનગર તેમજ દક્ષિણ ગુજરાતમાં સુરત, તાપી, નવસારી, ડાંગ, વલસાડ અને દમણ અને દાદરા નગર હવેલીમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી છે.

આ રાજ્યોમાં ચોમાસાના વરસાદનું ઍલર્ટ

હવામાન વિભાગના જણાવ્યા અનુસાર, કેરળ અને કર્ણાટકમાં આગામી 7 દિવસ દરમિયાન છૂટાછવાયા સ્થળોએ ભારે વરસાદનું ઍલર્ટ રહેશે. તમિલનાડુમાં પણ છૂટાછવાયા સ્થળોએ ભારે વરસાદ થઈ શકે છે. ઉત્તર-પૂર્વ ભારતમાં આગામી 5-6 દિવસ સુધી ભારેથી અતિ ભારે વરસાદ ચાલુ રહેવાની સંભાવના છે. આગામી 2-3 દિવસ દરમિયાન ઉત્તર-પશ્ચિમ, મધ્ય અને પૂર્વ ભારતના ઘણા ભાગોમાં અને દક્ષિણ દ્વીપકલ્પ ભારતમાં 50-60 કિમી પ્રતિ કલાકની ઝડપે પવન ફૂંકાવાની સાથે મધ્યમથી ગંભીર ગાજવીજ સાથે વાવાઝોડું આવવાની સંભાવના છે.