બિઝનેસ

વેચવાલીના દબાણથી બિટકોઈને 60000 ડોલરની સપાટી પણ ગુમાવી | Bitcoin also lost the 60 000 level due to selling pressure

Updated: 07-06-2026, 06.45 AM

મુંબઈ : સપ્તાહ અંતે પણ ક્રિપ્ટોકરન્સીઝમાં વેચવાલીનો મારો ચાલુ રહ્યો હતો અને મુખ્ય ક્રિપ્ટો બિટકોઈન એક તબક્કે ગબડી ૬૦,૦૦૦ ડોલરની અંદર સરકી ગયાનું જોવા મળ્યું હતું. મોટી ટેક કંપનીઓના જંગી આઈપીઓ તથા બિટકોઈન ઈટીએફસમાંથી સતત આઉટફલોસને પરિણામે બિટકોઈન સહિત અન્ય ક્રિપ્ટોસ પર દબાણ ચાલુ રહ્યું છે.

સપ્તાહ અંતે બિટકોઈન ૬૦,૦૦૦ ડોલરની અંદર ઊતરી ૫૯૦૯૯ ડોલર જોવા મળ્યો હતો જે ઓકટોબર ૨૦૨૪ બાદ સૌથી નીચી સપાટી છે.

Also Read

ચીજવસ્તુના ભાવ 95% સુધી વધી જતાં મધ્યમવર્ગના બજેટમાં પંક્ચર, કોંગ્રેસના ભાજપ સામે પ્રહાર | Congress Targets BJP as Essential Commodity Prices Surge Up to 95% Hitting Middle Class

વેચવાલીના દબાણને ધ્યાનમાં રાખી ઊભા ઓળિયા ખાસ કરીને શોર્ટ પોઝિશનને ફરજિયાત લિક્વિડેટ કરવામાં આવતા તેની પણ બિટકોઈનના ભાવ પર અસર જોવા મળી હતી. ગયા વર્ષના ઓકટોબરમાં ૧,૨૬,૦૦૦ ડોલરની ઓલટાઈમ હાઈથી બિટકોઈનનો ભાવ હાલમાં પચાસ ટકા ડિસ્કાઉન્ટે બોલાઈ રહ્યો છે. છેલ્લા ચોવીસ કલાકમાં ૧.૬૦ અબજ ડોલરની પોઝિશન લિક્વિડેટ કરાઈ હોવાનું એક અહેવાલમાં જણાવાયું હતું.