ભારતમાં પાક.ના ગેંગસ્ટર-આતંકવાદી નેટવર્કનો ખુલાસો, 18 સ્થળોએ દરોડા | Pakistan’s gangster terrorist network exposed in India raids conducted at 18 locations

– એનઆઇએની ટીમો પંજાબ-હરિયાણામાં ત્રાટકી

– પાક.નો ગેંગસ્ટર શહઝાદ ઓનલાઇન ગેમિંગથી ભારતના યુવાનોને ગેંગમાં સામેલ કરી રહ્યો હોવાનો ઘટસ્ફોટ

Also Read

પીએમ મોદીનો ફ્રાન્સ-સ્લોવાકિયા પ્રવાસ, G7 સમિટ અને આર્થિક સહયોગ પર રહેશે નજર | PM Modi Europe Visit Key Bilateral Talks G7 Summit and Bharat Innovates Launch

ઇસ્લામાબાદ : કેન્દ્રીય તપાસ એજન્સી એનઆઇએ દ્વારા મંગળવારે પંજાબ અને હરિયાણામાં વિવિધ સ્થળે દરોડા પાડવામાં આવ્યા હતા. આતંકવાદીઓ અને ગેંગસ્ટર્સ વચ્ચેની સાંઠગાંઠને લઇને એનઆઇએ દ્વારા આ દરોડા પાડવામાં આવ્યા હતા. નવ જિલ્લાના આશરે ૧૮ જેટલા સ્થળોએ તપાસ કરવામાં આવી હતી. આ દરોડા પાક.ના કુખ્યાત ડોન શહઝાદ સાથે જોડાયેલા છે. 

Also Read

લગ્ન બાદ પુરુષોમાં આત્મહત્યાના બનાવ વધ્યા, લગ્નેતર સંબંધો મોટું કારણ, NCRBના ડેટામાં ખુલાસો | NCRB Report Alarming Rise in Self Destruction Among Married Men Due to Disputes

પાકિસ્તાની ડોન શહઝાદ ભટ્ટી સામે એનઆઇએ દ્વારા કાર્યવાહી ઝડપી બનાવી દેવાઇ છે, એનઆઇએની ટીમો દ્વારા પંજાબ અને હરિયાણામાં મોટા પાયે શહઝાદ ગેંગ સાથે જોડાયેલા ગેંગસ્ટર્સ સામે તપાસ કરવામાં આવી રહી છે. ગેંગસ્ટર્સ અને આતંકવાદીઓ દ્વારા મળીને કોઇ મોટી ઘટનાને અંજામ આપવામાં આવી શકે છે તેની શંકાને પગલે અગાઉથી જ સાવચેતીના ભાગરૂપે એનઆઇએ દ્વારા શંકાસ્પદો સામે પગલા લેવાઇ રહ્યા છે. જે દરમિયાન અનેક ડિજિટલ ડિવાઇસ અને દસ્તાવેજો પણ જપ્ત કરાયા છે. 

ગેંગસ્ટરમાંથી આતંકવાદી બનેલા શહઝાદ ભટ્ટી દ્વારા સરહદ પારથી આતંકી નેટવર્ક ચલાવવાના મોટા કાવતરાનો પર્દાફાશ કરાયો છે. શહઝાદ ભટ્ટીએ પંજાબ અને હરિયાણામાં હુમલા કરાવ્યા હતા, જેમાં ૨૦૨૫માં સિરસામાં મહિલા પોલીસ સ્ટેશન પર બ્લાસ્ટ, સોશિયલ મીડિયા ઇન્ફ્લૂએંસર રોજર સંધૂના ઘર પર ગ્રેનેડ હુમલો, આ વર્ષે અંબાલામાં બલદેવનગર પોલીસ સ્ટેશન પર હુમલાનો પણ સમાવેશ થાય છે. બીજી તરફ એવા અહેવાલો છે કે આ શહઝાદ ભટ્ટી ગેમિંગ એપ્લિકેશન દ્વારા ભારતના યુવાનોમાં ઝેર ફેલાવવાનો પ્રયાસ કરી રહ્યો છે. રિપોર્ટ મુજબ પાકિસ્તાનનો કુખ્યાત ગેંગસ્ટર શહઝાદ ભટ્ટી ઓનલાઇન ગેમિંગ દ્વારા ભારતમાં પોતાની ગેંગ તૈયાર કરી રહ્યો છે. પોલીસે ઝડપી પાડેલા ત્રણ સગીરો દ્વારા આ ખુલાસો કરાયો છે. ઓનલાઇન ગેમિંગ દ્વારા યુવકોનો સંપર્ક કરાયો છે, બાદમાં વાતચીત આગળ વધારાય છે અને પાકિસ્તાનમાં બેઠેલા આકાઓ સાથે વાત કરાવવામાં આવે છે. જ્યાં બ્રેઇનવોશ કરવામાં આવે છે અને પછી યુવાનોને ગેંગમાં સામેલ કરી લેવાય છે.