‘હવે બોલર્સને શાંતિ મળશે…!’, કેન વિલિયમસનની નિવૃત્તિ પર સચિન તેંડુલકરની ભાવુક પોસ્ટ | sachin tendulkar emotional post on kane williamson international cricket retirement

Sachin on Kane Williamson: વિશ્વ ક્રિકેટના ઇતિહાસમાં સૌથી ક્લાસિક, સન્માનિત અને વિનમ્ર બેટ્સમેનોમાંના એક એવા ન્યૂઝીલેન્ડના પૂર્વ કેપ્ટન કેન વિલિયમસને 12 જૂનના રોજ આંતરરાષ્ટ્રીય ક્રિકેટમાંથી નિવૃત્તિ જાહેર કરીને રમત જગતને ચોંકાવી દીધું છે. તેમના 16 વર્ષ લાંબા શાનદાર અને યાદગાર આંતરરાષ્ટ્રીય કારકિર્દીના અંત બાદ સમગ્ર ક્રિકેટ જગત ભાવુક બન્યું છે. કેન વિલિયમસનની વિદાય પર ભારતના મહાન બેટ્સમેન ‘ક્રિકેટના ભગવાન’ સચિન તેંડુલકરે પણ સોશિયલ મીડિયા પર અત્યંત ગૌરવપૂર્ણ અને ભાવુક અંદાજમાં એક વિશેષ પોસ્ટ શેર કરીને વિલિયમસનને સલામી આપી છે.

માસ્ટર બ્લાસ્ટર સચિને શું કહ્યું?

Also Read

ઘરઆંગણે અમેરિકાનો ધમાકો, પરાગ્વે સામે 4-1થી મેળવી એકતરફી જીત; જિયો રેનાએ માર્યો વિજયી ગોલ | usa vs paraguay canada vs bosnia fifa world cup 2026 match highlights

સચિન તેંડુલકરે કેન વિલિયમસનની બેટિંગ ક્લાસ અને તેની અદભુત રમતગમતની ભાવનાને બિરદાવતા સોશિયલ મીડિયા પર લખ્યું: “જ્યારથી કેન વિલિયમસન આંતરરાષ્ટ્રીય સ્તરે ક્રિકેટ રમવા લાગ્યા, ત્યારથી તેઓ દુનિયાના સૌથી ટેક્નિકલી મજબૂત અને સર્વશ્રેષ્ઠ બેટ્સમેનોમાંના એક રહ્યા છે. તેમની બેટિંગમાં જોવા મળતું સંતુલન, અદભુત ટાઈમિંગ અને ક્રીઝ પરનો એકદમ શાંત સ્વભાવ તેમને વિશ્વના અન્ય તમામ ખેલાડીઓથી અલગ અને ખાસ બનાવતો હતો.”

Also Read

છૂટાછેડા બાદ ઉઠતાં સવાલો પર ભડકી મૌની રોય, ટ્રોલ્સની બોલતી બંધ કરતા કહ્યું- હું ગે નથી | mouni roy addresses rumours about her sexual orientation gay after separation from suraj nambiar

સચિને આગળ રમૂજી છતાં સચોટ અંદાજમાં લખ્યું કે, “કેન વિલિયમસન સાચા અર્થમાં એક ‘જન્ટલમેન’છે અને વિશ્વભરના યુવા ખેલાડીઓ માટે આદર્શ છે. તેમની નિવૃત્તિના સમાચાર સાંભળીને ચોક્કસપણે દુનિયાભરના ઘણા ઘાતક બોલરોના કેમ્પમાં રાહતનો શ્વાસ લેવાયો હશે અને હવે બોલરો ચેનની ઊંઘ સૂઈ શકશે.” સચિને વિલિયમસનને તેના જીવનના આગામી અધ્યાય માટે હાર્દિક શુભેચ્છાઓ પાઠવી હતી.

ન્યૂઝીલેન્ડ ક્રિકેટના એક સુવર્ણ યુગનો અંત

35 વર્ષીય કેન વિલિયમસનની વિદાય સાથે બ્લેકકેપ્સ (ન્યૂઝીલેન્ડ ટીમ)ના એક સુવર્ણ યુગનો અંત આવ્યો છે. વિલિયમસન ન્યૂઝીલેન્ડ ક્રિકેટના ઇતિહાસમાં સૌથી વધુ રન બનાવનાર બેટ્સમેન તરીકે નિવૃત્ત થયા છે.

• કુલ આંતરરાષ્ટ્રીય મેચો: 379

• કુલ રન: 19,346

• કુલ આંતરરાષ્ટ્રીય સદીઓ: 48

આ આંકડા સાબિત કરે છે કે તેઓ માત્ર ન્યૂઝીલેન્ડના જ નહીં, પરંતુ આધુનિક ક્રિકેટના Fab-4ના સૌથી મજબૂત સ્તંભ હતા. Fab-4 એટલે કે દુનિયાના ચાર શ્રેષ્ઠ પ્લેયર જેમાં કેન વિલિયમસન, વિરાટ કોહલી, સ્ટીવ સ્મિથ અને જો રૂટનો સમાવેશ થાય છે. ફેબ્રુઆરી 2015 અને 2019ના વનડે વર્લ્ડ કપની ફાઇનલ સુધી ટીમને પહોંચાડવામાં અને ન્યૂઝીલેન્ડને આઇસીસી વર્લ્ડ ટેસ્ટ ચેમ્પિયનશિપની ટ્રોફી જીતાડવામાં તેમનું યોગદાન અમૂલ્ય રહ્યું છે.

આ પણ વાંચો: ઘરઆંગણે અમેરિકાનો ધમાકો, પરાગ્વે સામે 4-1થી મેળવી એકતરફી જીત; જિયો રેનાએ માર્યો વિજયી ગોલ

રેકોર્ડ્સ કરતાં પોતાના વિનમ્ર સ્વભાવથી જીત્યા દિલ

કેન વિલિયમસન માત્ર રન કે સદીઓના પહાડ ચડવા માટે જ નહીં, પરંતુ મેદાન પર અને મેદાનની બહાર પોતાના વિનમ્ર વર્તન માટે ઓળખાય છે. 2019ના વર્લ્ડ કપની ફાઇનલમાં ન્યૂઝીલેન્ડના કમનસીબ પરાજય બાદ પણ તેમના ચહેરા પર જે સ્મિત અને શાલીનતા હતી, તેણે આખી દુનિયાના ક્રિકેટ ચાહકોના દિલ જીતી લીધા હતા. જીત હોય કે હાર, તેઓ હંમેશા એકસરખા શાંત રહ્યા છે, જેના કારણે વિરોધી ટીમના ખેલાડીઓ પણ તેમના પ્રત્યે ભારે આદરભાવ રાખે છે.

ક્રિકેટ ઇતિહાસના સૌથી મહાન ખેલાડી સચિન તેંડુલકર તરફથી મળેલી આ પ્રશંસા કેન વિલિયમસનની મહાનતા અને તેમના ક્રિકેટિંગ વારસાને વધુ ઉજાગર કરે છે, જે દરેક ક્રિકેટ પ્રેમીના દિલમાં હંમેશા જીવંત રહેશે.