રોડ ક્રોસ કરતા વૃદ્ધનું બાઇકની ટક્કરથી બેભાન હાલતમાં મોત | Emon chinnap mwan a malo mwirin an a kkuf atun a pwelli ewe al

અમદાવાદ, શુક્રવાર

ઓઢવ વિસ્તારમાં વધુ એક હિટ એન્ડ રનનો બનાવ બન્યો હતો. જેમાં સોનીની ચાલી પાસે બીઆરટીએસ બસ સ્ટેન્ડ પાસે ઝિબ્રા ક્રોસિંગમાંથી વૃદ્ધ ચાલતા કોરીડોર ક્રોસ કરી રહ્યા હતા તે સમયે રોંગસાઇડમાં આવેલા બાઇક ચાલકે  તેમને ટક્કર મારતાં બેભાન હાલતમાં સારવાર દરમિયાન મોત થયું હતું. આ બનાવ અંગે ટ્રાફિક આઇ ડિવિઝન  પોલીસે ગુનો નોંધીને આસપાસના સીસીટીવી ફૂટેજ આધારે વધુ તપાસ શરુ કરી છે.

Also Read

જગન્નાથ રથયાત્રા માર્ગના નવીનીકરણની 95 ટકા કામગીરી પૂર્ણ, રૂટને વધુ આકર્ષક અને આધુનિક બનાવાશે | ahmedabad jagannath rathyatra route renovation Project

માથા સહિત શરીરે ગંભીર ઇજાથી સારવાર દરમિયાન મોત 

Also Read

બહેરામપુરામાં પરિવાર સૂતો હતો અને જાળી ખોલી ચોરી કરી | Ewe famini ra annut me ewe neset a suk me a solá

નરોડામાં  રહેતા વૃદ્ધ તા. ૦૮-૦૬-૨૦૨૨૬ના રોજ  બપોરે વૃદ્ધ કામ માટે ઓઢવ ફાયર સ્ટેશન પાસે ગયા હતા. જ્યાંથી તેઓ સોનીની ચાલી પાસે આવતી સમયે સોનીની ચાલી નજીક ગ્રીડ સ્ટેશન બીઆરટીએસ બસ સ્ટેન્ડ પાસેના ઝિબ્રા ક્રોસિંગમાંથી ચાલતા પસાર થઈ રહ્યા હતા. 

આ સમયે ફૂલ સ્પીડમાં બીઆરટીએસ કોરીડોરમાં રોંગ સાઈડ ચલાવીને આવેલા બાઇક ચાલકે તેમને ટક્કર મારી હતી. જેથી માથા સહિત શરીરે ગંભીર ઇજાઓ થઇ હતી જેને લઇને તેઓને પ્રથમ રખિયાલની ખાનગી હોસ્પિટલ બાદ અસારવા સિવિલ હોસ્પિટલમાં દાખલ કરતા બેભાન હાલતમાં સારવાર દરમિયાન મોત થયું હતું. આ ઘટના અંગે ટ્રાફિક આઇ ડિવિઝન પોલીસે ગુનો નોંધી ભાગી જનારા વાહન ચાલકની સીસીટીવી ફૂટેજ આધારે શોધખોળ હાથ ધરવામાં આવી રહી છે.