પ્રેમનો કરુણ અંત: જાફરાબાદમાં મધરાતે પ્રેમિકાના ઘરે પહોંચેલા પ્રેમી પર તૂટી પડ્યો પરિવાર, ગંભીર ઈજાઓથી મોત | Amreli Honor Killing: Youth Rajesh Bambhaniya Died in attack Over Love Affair

Amreli Crime News : અમરેલી જિલ્લામાંથી એક હૃદયદ્રાવક કિસ્સો સામે આવ્યો છે, જેમાં પ્રેમ સંબંધના કારણે એક યુવકે પોતાની જિંદગી ગુમાવવી પડી છે. અમરેલીના જાફરાબાદ તાલુકામાં આવેલા કડિયાળી ગામે પ્રેમ પ્રકરણમાં એક યુવકની ઘાતકી હત્યા કરી દેવામાં આવતા સમગ્ર પંથકમાં ચકચાર મચી ગઈ છે. ઘટનાને પગલે સ્થાનિક લોકોમાં ભારે ફફડાટ અને અરેરાટી વ્યાપી ગઈ છે.

મળતી વિગતો અનુસાર, કડિયાળી ગામે રહેતો રાજેશ બાંભણીયા નામનો યુવક રાત્રિના સમયે પોતાની પ્રેમિકાને મળવા માટે તેના ઘરે ગયો હતો. જોકે, આ દરમિયાન પ્રેમિકાના પરિવારજનો જાગી ગયા હતા અને યુવકને રંગેહાથ પકડી પાડ્યો હતો. દીકરી સાથેના પ્રેમ સંબંધથી નારાજ પરિવારજનોનો ગુસ્સો સાતમા આસમાને પહોંચી ગયો હતો અને તેમણે ઉશ્કેરાઈને પ્રેમી રાજેશ બાંભણીયા પર લાકડીઓ અને ઘાતક હથિયારો વડે તૂટી પડીને ઢોરમાર મારવાનું શરૂ કર્યું હતું.

Also Read

બાળકનું માથું બોરીમાં નહીં સમાતાં ચપ્પા વડે કાપી નદીમાં ફેંક્યું હતું | Child’s head was cut off with a knife and thrown into the river instead of being placed in a sack

પરિવારજનો દ્વારા કરવામાં આવેલા આ બેરહેમ અને જીવલેણ હુમલામાં યુવકને શરીરના ભાગે ગંભીર ઈજાઓ પહોંચી હતી. લોહીલુહાણ હાલતમાં અસહ્ય પીડાને કારણે પ્રેમી રાજેશ બાંભણીયાનું ઘટનાસ્થળે જ કરુણ મોત નીપજ્યું હતું. હત્યાની આ ઘટના વાયુવેગે પ્રસરતા ગામ લોકો એકઠા થઈ ગયા હતા અને તુરંત જ પોલીસ પ્રશાસનને આ અંગે જાણ કરવામાં આવી હતી.

Also Read

જાહ્નવી કપૂર પણ હવે હોરર ફિલ્મોની હોડમાં સામેલ થશે | Janhvi Kapoor will now also join the race for horror films

ઘટનાની ગંભીરતાને ધ્યાને રાખીને અમરેલી લોકલ ક્રાઈમ બ્રાન્ચ (LCB) અને સ્થાનિક જાફરાબાદ પોલીસનો ઉચ્ચ અધિકારીઓ સહિતનો મોટો કાફલો તાત્કાલિક અસરથી કડિયાળી ગામે દોડી ગયો હતો. પોલીસે કાયદાકીય પ્રક્રિયા હાથ ધરીને મૃતક રાજેશના શબનો કબજો મેળવ્યો હતો અને તેને પોસ્ટમોર્ટમ અર્થે જાફરાબાદની સરકારી હોસ્પિટલ ખાતે ખસેડ્યો છે. હાલ પોલીસે કાવતરું રચીને હત્યા કરનારા યુવતીના પરિવારના આરોપીઓને ઝડપી પાડવા માટે અલગ-અલગ ટીમો બનાવીને શોધખોળના ચક્રો ગતિમાન કર્યા છે.