ગરમીનો કહેર – ભાવનગરમાં 41.9 ડિગ્રી તાપમાન, રાજ્યનું હોટેસ્ટ સિટી | Heatwave Temperature of 41 9 degrees in Bhavnagar the hottest city in the state

સામાન્યથી
સરેરાશ ચાર ડિગ્રી વધુ ગરમી નોંધાઈ

24 કલાકમાં અર્ધો ડિગ્રી તાપમાન વધ્યું, 16 કિ.મી.ની
ઝડપે ગરમ પવન ફૂંકાયો

Also Read

બગોદરા હાઈ-વે પર કાર પાછળ ટ્રક ઘુસી જતા બાળકનું મોત | Child dies after truck rams into car on Bagodra Highway

ભાવનગર – 
ભાવનગરમાં ઓણ સાલની ગરમીએ જૂના રેકોર્ડ તોડયા છે. ચોમાસુ
માથે હોવા છતાં પણ કાળઝાળ ગરમીમાં કોઈ રાહત મળી રહી નથી. જેના કારણે નાગરિકોને
અધિક માસમાં ચૈત્ર-વૈશાખનો તાપ સહન કરવો પડી રહ્યો છે. ગરમીના કહેર વચ્ચે ૪૧.૯
ડિગ્રી સાથે ભાવનગર રાજ્યનું હોટેસ્ટ સિટી રહ્યું હતું.

Also Read

ભાવનગરની યજુર્વી જોષીની વિશ્વ યોગાસન ચેમ્પિયન શિપમાં સિદ્ધિ | Bhavnagar’s Yajurvi Joshi’s achievement in the World Yoga Asana Championship

શહેરમાં
વાદળોની અવરજવર વચ્ચે પણ આભમાંથી આકરો તાપ વરસી રહ્યો છે. છેલ્લા ૨૪ કલાકમાં
મહત્તમ તાપમાન અર્ધો ડિગ્રી ઉંચકાઈને ૪૧.૯ ડિગ્રીએ પહોંચી જતાં રાજ્યમાં સર્વોધિક
ગરમી ભાવનગરમાં નોંધાઈ હતી. અંગ દઝાડતા તાપની સાથે ૧૬ કિ.મી.ની ઝડપે ગરમ પવન
ફૂંકાતા મુશ્કેલીમાં વધારો થયો હતો. ગઈકાલની તુલનામાં આજે ભેજનું પ્રમાણ ૧૭ ટકા
ઘટીને ૩૪ ટકાએ રહેતા બફારામાં થોડી રાહત મળી હતી. ઉલ્લેખનિય છે કે, સામાન્ય રીતે જૂન
માસમાં ગરમીનો પારો ૪૦ ડિગ્રીની નીચે રહેતો હોય છે. પરંતુ આ વર્ષે ઉનાળો આકરો હોય,
પાછલા ૬ દિવસમાં મહત્તમ તાપમાન ૪૧ ડિગ્રીની ઉપર જ રહ્યું છે. તેમાં
પણ આજે સામાન્યથી સરેરાશ ચાર ડિગ્રી વધુ ગરમી રહી હોવાનું હવામાન વિભાગે નોંધ્યું
છે.