પાકિસ્તાન સાથે સારા સંબંધો જરૂરી, વાતચીત ચાલુ રાખવી જોઈએ : સંઘ પ્રમુખ મોહન ભાગવત | RSS chief Mohan Bhagwat advocates good relations with Pakistan

RSS Cheif on India and Pakistan Relation: આરએસએસ ચીફ મોહન ભાગવતે સંઘના જનરલ સચિવ દત્તાત્રય હોસાબલેના પાકિસ્તાન સાથે વાટાઘાટની ભલામણ કરતા નિવેદનોને સમર્થન આપતા જણાવ્યું કે સંગઠન કોઈ સ્વતંત્ર વિદેશ નીતિ નથી ધરાવતું. થિરુવનંથપુરમમાં એક કાર્યક્રમ દરમ્યાન બોલતા ભાગવતે સ્પષ્ટતા કરી કે આરએસએસ પડોશી દેશો પ્રત્યે સરકારે અપનાવેલા વલણને ટેકો આપે છે.

ભાગવતે નોંધ કરી કે તણાવપૂર્વકના સંબંધો છતાં પાકિસ્તાનમાં એવી પણ વ્યક્તિઓ છે જેઓ ભારતના ભાગલા તેમજ બે રાષ્ટ્રના સિદ્ધાંત સામે સવાલ ઉઠાવી રહ્યા છે. તેમના મતે અનેક પાકિસ્તાનીઓ માને છે કે સહઅસ્તિત્વ બહેતર હતું અને તેઓ આરએસએસ તેમજ તેની ગતિવિધિઓની પ્રશંસા પણ કરી રહ્યા છે. તેમણે આ લાગણીને દબાયેલી ભાવના ગણાવતા કહ્યું કે તેની અવગણના ન થવી જોઈએ.

Also Read

દિલ્હીમાં મોટો ખેલ… TMCના 20 બળવાખોર સાંસદો ઓમ બિરલાને મળ્યા, NCPIમાં વિલયની કરી જાહેરાત | 20 Rebel TMC MPs Meet Om Birla Announce Merger With NCPI Amid Political Turmoil

ભારતના સાંસ્કૃતિક મૂલ્યો પર ભાર મુકતા ભાગવતે કહ્યું કે આપણો દેશ હિટલર જેવો નથી અને તેથી જ આપણે સંવાદના દરવાજા સંપૂર્ણપણે બંધ ન કરવા જોઈએ. તેમણે દલીલ કરી કે અન્યાય અને તાનાશાહીનો નિર્ણાયક સામનો કરવો જરૂરી છે પણ ભાવિના નિર્ણયોમાં શાંતિ અને સમાધાન માટેની તકો જાળવી રાખવી જોઈએ.

Also Read

ચાંદની બારની સીકવલમાં કેટરીના કૈફની એન્ટ્રી થઈ શકે | Katrina Kaif may enter the sequel of Chandni Baar

તેમણે જણાવ્યું કે પાકિસ્તાન પર નિર્ણાયક વિજય મળે તો પણ તેની વસતીને સુમેળના વ્યાપક માળખામાં સામેલ કરવી જોઈએ અથવા તેઓ પોતાના રાષ્ટ્રમાં શાંતિથી રહી શકે તેવી વ્યવસ્થા કરવી જોઈએ.ભાગવતના નિવેદનો હોસાબલેના અગાઉના મંતવ્યોને સમર્થન આપે છે જેમાં તેમણે રાષ્ટ્રીય સુરક્ષા અને આત્મ-સન્માનની રક્ષા સાથે સંવાદ માટે અપીલ કરી હતી.

ભૂતપૂર્વ સૈન્ય ચીફ મનોજ નરવણેએ હોસાબલેના મંતવ્યોને સમર્થન આપ્યું હતું પણ મહેબૂબા મુફ્તી અને કપિલ સિબ્બલ જેવા વિપક્ષી નેતાઓએ તેની ટીકા કરતા ભારત-પાકિસ્તાન સંબંધો બાબતે વ્યાપક રાજકીય ચર્ચા છેડાઈ હતી.