NEET પેપર લીક મામલે અમદાવાદ સાયબર ક્રાઈમની મોટી કાર્યવાહી, 3 આરોપીઓ પકડ્યા | Ahmedabad Police Crack NEET Fraud Gang Three Held for Cheating Students of Lakhs

NEET Exam Scam: નેશનલ એલિજિબિલિટી ઍન્ડ એન્ટ્રન્સ ટેસ્ટ (NEET) પરીક્ષામાં ગેરરીતિ અને વિદ્યાર્થીઓ સાથે છેતરપિંડી આચરવાના આંતરરાજ્ય રેકેટનો અમદાવાદ સાયબર ક્રાઈમે પર્દાફાશ કર્યો છે. પોલીસે આ મામલે 3 આરોપીઓની ધરપકડ કરી છે. પકડાયેલા આરોપીઓમાંથી બે રાજસ્થાનના અને એક બિહારનો હોવાનું સામે આવ્યું છે, જેઓ પેપર લીક અને રિફંડના નામે વિદ્યાર્થીઓ પાસેથી લાખો રૂપિયા પડાવતા હતા.

ટેલિગ્રામ પર ચેનલ બનાવી આપતા હતા ‘ઓરિજિનલ પેપર’ની લાલચ

Also Read

પતિને જાતિ અપમાનિત શબ્દો કહી અપમાનિત કરતી પત્ની | Wife insults husband with casteist words

પોલીસની પ્રાથમિક તપાસમાં ચોંકાવનારો ઘટસ્ફોટ થયો છે કે, NEET પેપર લીક વિવાદનો ગેરલાભ ઉઠાવીને રાજસ્થાનના બે ભેજાબાજોએ ટેલિગ્રામ પર અલગ-અલગ ચેનલો બનાવી હતી. આ બંને શખસો સોશિયલ મીડિયા પર મેસેજ મૂકીને વિદ્યાર્થીઓ અને વાલીઓને લાલચ આપતા હતા કે તેઓ લાખો રૂપિયાના બદલામાં NEETનું અસલ પેપર અને આન્સર કી લાવી આપશે.

Also Read

પાકિસ્તાન સાથે સારા સંબંધો જરૂરી, વાતચીત ચાલુ રાખવી જોઈએ : સંઘ પ્રમુખ મોહન ભાગવત | RSS chief Mohan Bhagwat advocates good relations with Pakistan

હકીકતમાં આ આરોપીઓ પાસે કોઈ અસલ પેપર નહોતું. તેઓ માત્ર ઉમેદવારોની લાચારીનો ફાયદો ઉઠાવી એડવાન્સમાં પૈસા પડાવતા હતા અને બાદમાં તેમને જૂના કે બોગસ પેપરો પધરાવી દઈ મોટી છેતરપિંડી આચરતા હતા. સાયબર ક્રાઈમે ટેકનિકલ લોકેશનના આધારે આ બંનેને રાજસ્થાનથી દબોચી લીધા છે.

આ પણ વાંચો: અમદાવાદ: પોલીસ વાન આડે ઊભા રહી દાદાગીરી કરનારો રીઢો ગુનેગાર ઝડપાયો, સાથીદારને પણ સકંજામાં લેવાની તજવીજ

બિહારથી ઝડપાયો ત્રીજો આરોપી

બીજી તરફ, સાયબર ક્રાઈમની ટીમે આ જ ઓપરેશન અંતર્ગત બિહારથી વધુ એક શખસની ધરપકડ કરી છે. આ આરોપી NEET પરીક્ષાની ફી રિફંડ કરાવવાના નામે ઓનલાઈન ફ્રોડ આચરતો હતો. તે ખૂબ જ ચાલાકીપૂર્વક વિદ્યાર્થીઓના લોગ-ઈન આઈડી અને પાસવર્ડ મેળવી લેતો હતો અને ત્યારબાદ ડેટા સાથે ચેડાં કરીને રિફંડ અપાવવાના બહાને ડિજિટલ ઠગાઈ કરતો હતો.

પોલીસ તપાસનો ધમધમાટ

હાલમાં અમદાવાદ સાયબર ક્રાઈમે રાજસ્થાન અને બિહારથી ઝડપાયેલા આ ત્રણેય આરોપીઓની પૂછપરછ હાથ ધરીને આ કૌભાંડમાં અન્ય કોઈની સંડોવણી છે કે કેમ તે દિશામાં વધુ તપાસ શરૂ કરી છે.