રૂપિયો ઉછળી પાંચ સપ્તાહની ટોચે : શેરોમાં તેજી | Rupee rises to five week high: Stocks rally

ઈરાન યુદ્ધ થાળે પડવાની આશાની જોવા મળેલી અસર

મુંબઈ : મુંબઈ કરન્સી બજારમાં આજે રૂપિયા સામે ડોલરના ભાવમાં ઝડપી કડાકો બોલાઈ જતાં રૂપિયામાં તીવ્ર ઉછાળો જોવા મળ્યો હતો. ઈરાન યુદ્ધમાં શાંતિની આશા વચ્ચે મુંબઈ શેરબજારમાં આજે તેજી આવતાં તથા વિશ્વ બજારમાં ક્રૂડતેલના ભાવ  ઝડપી ગબડતાં ઘરઆંગણે કરન્સી બજારમાં રૂપિયા પર પોઝીટીવ ઈમ્પેકટ દેખાઈ હતી. આજે સેન્સેક્સ ૭૩૬.૩૮ પોઈન્ટ વધીને ૭૬૨૬૪.૩૩ બંધ રહ્યો હતો. જ્યારે નિફટી ૫૦ સ્પોટ ઉપરમાં ૨૪૦૦૦ની સપાટી કુદાવી ૨૪૦૧૧.૪૦ સુધી જઈ પાછો ફરી અંતે ૨૩૧ પોઈન્ટ વધીને ૨૩૮૫૩.૯૦ બંધ રહ્યો હતો.

Also Read

માઝા મૂકતી મોંઘવારી: જથ્થાબંધ ફુગાવો 9.68 ટકાએ પહોંચ્યો | Inflation is taking a toll: Wholesale inflation reaches 9 68 percent

ઈરાન-અમેરિકા વચ્ચે યુદ્વનો અંત લાવવા સંમત થઈ શુક્રવારે સ્વિટ્ઝરલેન્ડ ખાતે સમજૂતી થવાના અને આ સમજૂતીના ભાગરૂપ આગામી ૬૦ દિવસ દરમિયાન કેટલાક મહત્વના મુદ્દે વાટાઘાટ કરવાના નિર્ણયને પરિણામે આજે વિશ્વ બજારોને હાશ થઈ હતી.  ભારતીય શેર બજારોમાં પણ આજે ફંડો, મહારથીઓ, હાઈ નેટવર્થ ઈન્વેસ્ટરો સક્રિય બની શેરોમાં ઓલ રાઉન્ડ તેજીમાં આવી ગયા હતા. 

Also Read

યુવાનને ઘરે બોલાવી બિભત્સ વીડિયો-ફોટા પાડી રૃ.2.48 લાખ પડાવી લીધા | Called the young man home took nasty videos and photos and extorted Rs 2 48 lakh

રૂપિયા સામે ડોલરના ભાવ રૂ.૯૫.૧૨ વાળા આજે સવારે રૂ.૯૪.૬૮ ખુલ્યા પછી નીચામાં ભાવ રૂ.૯૪.૪૪ સુધી પટકાયા હતા.  જો કે ત્યારબાદ ડોલરના ભાવ વધી ઉંચામાં રૂ.૯૪.૭૮ થઈ ૯૪.૭૧ રહ્યા હતા. ડોલરના ભાવ રૂપિયા સામે આજે ૪૧ પૈસા તૂટતાં ડોલર સામે રૂપિયો ૦.૪૩ ટકા ઉંચકાયો હતો.

રૂપિયો વધી પાંચ સપ્તાહની ટોટે પહોંચ્યો હોવાનું બજારના જાણકારો જણાવી રહ્યા હતા. દરમિયાન, વિશ્વ બજારમાં વિવિધ પ્રમુખ કરન્સીઓ સામે ડોલરનો ગ્લોબલ ઈન્ડેક્સ આજે ૦.૨૨ ટકા ઘટી નીચામાં ૯૯.૩૮ થઈ ૯૯.૬૦ રહ્યાના સમાચાર હતા.

દરમિયાન, ભારતની વેપાર ખાધ ૨૮.૩૮ અબજ ડોલરથી ઘટી ૨૮.૨૧ અબજ ડોલર થયાના સમાચાર પણ આજે રૂપિયા તેજીની ઈમ્પેક્ટ દેખાઈ હોવાનું બજારના સૂત્રો જણાવી રહ્યા હતા. મુંબઈ કરન્સી બજારમાં આજે રૂપિયા સામે બ્રિટીશ પાઉન્ડના ભાવ પણ ૪૭ પૈસા ઘટયા હતા પાઉન્ડના ભાવ નીચામાં રૂ.૧૨૭.૦૩ થઈ રૂ.૧૨૭.૧૭ રહ્યા હતા. 

યુરોપીયન કરન્સી યુરોના ભાવ રૂપિયા સામે ૨૫ પૈસા ઘટી નીચામાં ભાવ રૂ.૧૦૯.૭૩ થઈ રૂ.૧૦૯.૯૩ રહ્યા હતા. જાપાનની કરન્સી રૂપિયા સામે આજે ૦.૩૭ ટકા તૂટી હતી. જ્યારે ચીનની કરન્સ રૂપિયા સામે ૦.૩૫ ટકા માઈનસમાં ટ્રેડ થતી જોવા મળી હતી.

રૂપિયા સામે ડોલરના ભાવ તાજેતરમાં ચાર સપ્તાહ અગાઉ ઉંચામાં રૂ.૯૭ નજીક પહોંચ્યા હતા તથા ત્યારબાદ ડોલરના ભાવ નીચા ઉતરતા જોવા મળ્યા હતા. હવે ડોલરના ભાવ આગળ ઉપર નીચામાં રૂ.૯૩ સુધી ઉતરી જવાની શક્યતા જાણકારો બતાવતા હતા. દરમિયાન, રિઝર્વ બેન્ક દ્વારા દેશમાં ડોલરનો ઈન્ફલો વધારવા તાજેતરમાં વિવિધ પગલાંઓ જાહેર કરાયા હતા તથા તેની અસર પણ કરન્સી બજારમાં જોવા મળી હતી.

ફોરેન પોર્ટફોલિયો ઈન્વેસ્ટરો-એફપીઆઈઝ, એફઆઈઆઈઝની આજે-સોમવારે કેશ સેગ્મેન્ટમાં રૂ.૨૦૦.૦૫  કરોડના શેરોની ચોખ્ખી  ખરીદી કરી હતી. કુલ રૂ.૧૫,૬૫૦.૨૦  કરોડની ખરીદી સામે કુલ રૂ.૧૫,૪૫૦.૧૫ કરોડની વેચવાલી કરી હતી. સ્થાનિક સંસ્થાકીય રોકાણકારો-ડીઆઈઆઈની પણ આજે રૂ.૩૧૮૯.૨૬ કરોડના શેરોની ચોખ્ખી ખરીદી રહી હતી. કુલ રૂ.૨૧,૦૮૦.૯૦ કરોડની ખરીદી સામે કુલ રૂ.૧૭,૮૯૧.૬૪ કરોડની વેચવાલી કરી હતી.

ફોરેક્સ ભાવ