VIDEO| વાવ થરાદ: વાસણા પ્રાથમિક શાળામાં બાળકોના સ્વાસ્થ્ય સાથે ખેલ! દૂધ સંજીવનીના પાઉચ હલકી ગુણવત્તાવાળા નીકળ્યા | locals angry over poor quality sanjeevani milk pouch in vasna primary school vav tharad

Vav Tharad News: સરકાર દ્વારા પ્રાથમિક શાળામાં બાળકોને પૌષ્ટિક આહાર મળી રહે તે માટે કરોડો રૂપિયાના ખર્ચે ‘દૂધ સંજીવની યોજના’ ચલાવવામાં આવી રહી છે, પરંતુ વાવ થરાદના લાખણી તાલુકાના વાસણા ગામે પ્રાથમિક શાળામાં બાળકોને વિતરણ કરવા માટે આવેલા દૂધ સંજીવનીના પાઉચ અત્યંત હલકી ગુણવત્તાવાળા અને બગડેલા હોવાનું સામે આવતા ગામલોકોમાં આક્રોશ જોવા મળી રહ્યો છે. આ બગડેલા દૂધનો વીડિયો સોશિયલ મીડિયામાં વાઇરલ થતાં સમગ્ર જિલ્લાના શિક્ષણ અને વહીવટી તંત્રમાં દોડધામ મચી ગઈ છે.

Also Read

ખેડૂતો બાદ આવતીકાલથી હવે શિક્ષકો મેદાને! TET પરીક્ષાના વિરોધમાં રાજ્યભરમાં આંદોલનની જાહેરાત | gujarat teachers protest against mandatory tet exam supreme court decision

શાળામાં હલકી ગુણવત્તાવાળું દૂધ આપતાં સ્થાનિકોમાં રોષ

Also Read

વલસાડમાં ‘એક પેડ મા કે નામ’ કાર્યક્રમમાં સંવેદનશીલતા ભુલાઈ, વિદ્યાર્થીઓને 1 કલાક સુધી આકરા તડકામાં ઊભા રાખ્યા | Valsad News Malav Ek Pad Maa Ke Naam Students stand in the hit wave

પ્રાપ્ત વિગતો મુજબ, શાળામાં બગડેલા દૂધના પાઉચ મામલે ગ્રામજનો અને વાલીઓના ધ્યાને બાબત આવતા તેમણે તાત્કાલિક શાળા પર પહોંચીને હોબાળો મચાવ્યો હતો. ગામલોકોએ રોષે ભરાઈને પૂછ્યું હતું કે, ‘જો માસૂમ બાળકોએ આ ઝેરી અને બગડેલા દૂધનો ઉપયોગ કરી લીધો હોત અને કોઈ મોટી અનિચ્છનીય ઘટના કે ફૂડ પોઈઝનિંગ જેવો બનાવ સર્જાયો હોત તો તેની જવાબદારી કોણ લેત?’ તંત્રની આ બેદરકારી સામે ગ્રામજનોએ એકસૂરે નિર્ણય કરીને શાળામાં આવા હલકી ગુણવત્તાવાળા દૂધનો સ્વીકાર કરવાનો સ્પષ્ટ બહિષ્કાર કરી દીધો છે.

જવાબદારો સામે FIR નોંધી કડક પગલાં ભરવા CM સુધી રજૂઆત

આ ગંભીર મામલે ગામના એક જાગૃત નાગરિકે આગળ આવીને તંત્રની આંખ ઉઘાડવાનું કામ કર્યું છે. તેમણે બાળકોના આરોગ્ય સાથે થતા ચેડાં સામે કડક તપાસની માગ કરી છે. ગ્રામજનો દ્વારા આ મામલે જિલ્લા કલેક્ટર તેમજ રાજ્યના મુખ્યમંત્રીને લેખિતમાં જાણ કરવામાં આવી છે. 

સ્થાનિકોએ માગ કરી છે કે, દૂધ બનાવતી ડેરી/કંપની, તેનું વિતરણ કરતી સંસ્થા, સ્થાનિક કોન્ટ્રાક્ટર અને આ સમગ્ર કૌભાંડમાં સામેલ જવાબદાર અધિકારીઓ સામે તાત્કાલિક અસરથી પોલીસ ફરિયાદ નોંધીને જેલના સળિયા પાછળ ધકેલવામાં આવે.