તાંદલજામાં વીડિયો કેમ ઉતાર્યો તેમ કહી રૃપિયા માગી ધમકી,સમામાં પારિવારિક અદાવતમાં હુમલો | two incidents of assault in sama and tandalja

વડોદરાઃ તાંદલજા અને સમા વિસ્તારમાં હુમલાના જુદાજુદા બે બનાવ બનતાં પોલીસે ગુનો નોંધી હુમલાખોરોની ધરપકડ માટે તજવીજ હાથ ધરી છે.

તાંદલજામાં રહેતા શાહરૃખે પોલીસને કહ્યું છે કે,સલમાન  અને સાકિબ સાથે મિત્રતા હોવાથી એક મહિનો પહેલાં અમે ગ્રાઉન્ડ પર બેઠા હતા ત્યારે મેં મોબાઇલનો કેમેરો ચેક કર્યો હતો.જેથી પાંચ દિવસ પહેલાં સાકિબે અમારો વીડિયો કેમ ઉતાર્યો તેમ કહી સલમાનને કહી દઇશ,સમાધાન કરવું હોય તો રૃપિયા આપ તેવી ધમકી આપી હતી.ત્યારબાદ બે દિવસ પહેલાં સલમાને મારી સાથે આ બાબતે ઝપાઝપી કરી ધમકી આપતાં મેં બે-ત્રણ ઘુંટ એસિડ પીધું હતું.જેથી પોલીસે ગુનો નોંધ્યોછે.

Also Read

ફ્રોડ થશે તેવી બીકથી લોકો માહિતી આપતા ડરે છે, કૂતરાથી બચવા લાકડી રાખવી પડે છે | challenges faced by teachers in cencus 2026 in vadodara

અન્ય એક  બનાવમાં મંગલ પાંડે રોડ પર અગોરા મોલ પાછળ પીએમ આવાસ ના મકાનમાં રહેતા તુષાર ગુન્ડેટવરે પોલીસને કહ્યું છે કે,ગઇરાત્રે નજીકના આવાસમાં રહેતા મારા માસા મહેન્દ્ર વસંતભાઇ કુડકેલવાર અને તેના  પુત્ર ધીરજે મારી સાથે ઝઘડો કરી ચપ્પુના ઘા માર્યા હતા તેમજ પથ્થર વડે હુમલો કર્યો હતો.જેથી સમા પોલીસે બંને પિતા-પુત્ર સામે ગુનો નોંધ્યો છે.

Also Read

બે નર્સ ઉપરાંત અન્ય પાસેથી પણ છ લાખ પડાવ્યા | Besides two nurses six lakhs were also taken from others