કોલકાતામાં મોટી દુર્ઘટના, નિર્માણાધીન ગોડાઉનનો શેડ ધરાશાયી થતા 60 શ્રમિક દટાયા, રેસ્ક્યૂ શરૂ | Kolkata Taratala Warehouse Shed Collapse: 60 Laborers Trapped Army Joins Rescue

Kolkata Taratala Warehouse Shed Collapse: પશ્ચિમ બંગાળના પાટનગર કોલકાતાના તારાતલ્લા વિસ્તારમાંથી એક અત્યંત ચિંતાજનક સમાચાર સામે આવ્યા છે. બુધવારે બપોરે અહીં એક નિર્માણાધીન (બાંધકામ હેઠળના) ગોડાઉનનો વિશાળ શેડ પત્તાના મહેલની જેમ અચાનક તૂટી પડ્યો હતો. આ કરુણ અકસ્માત સમયે ત્યાં આશરે 50 થી 60 જેટલા મજૂરો કામ કરી રહ્યા હતા, જેઓ પલકવારમાં જ કાટમાળના પહાડ નીચે ફસાઈ ગયા છે. ઘટનાની ગંભીરતાને જોતાં સ્થાનિક પ્રશાસનની સાથે ભારતીય સેના (આર્મી) ને પણ તાત્કાલિક રેસ્ક્યુ ઓપરેશનમાં ઉતારવામાં આવી છે.

Also Read

હિમાચલ પ્રદેશમાં પુલ તૂટતાં ટ્રક સીધી ખીણમાં ખાબકી, VIDEO જોઈને હચમચી જશો | viral video himachal kinnaur nh5 bailey bridge collapse dumper accident

અચાનક તૂટી પડ્યું માળખું, ભારે ચીસાચીસ વચ્ચે બચાવ કામગીરી શરૂ

Also Read

જામનગર જિલ્લા સહકારી બેંકની ખેડૂતો માટે ઐતિહાસિક નિર્ણય સાથે મોટી ભેટ : અકસ્માત વીમા કવર હવે રૂ.10 લાખ | jamnagar news cooperative bank big gift farmers insurance cover updates

પ્રત્યક્ષદર્શીઓના જણાવ્યા અનુસાર, ગોડાઉનમાં રોજની જેમ બાંધકામનું કામ ચાલી રહ્યું હતું, ત્યારે અચાનક આખું માળખું ધરાશાયી થઈ ગયું હતું. અકસ્માત થતાં જ ઘટનાસ્થળે ભારે ચીસાચીસ અને અફરાતફરી મચી ગઈ હતી. સ્થાનિક લોકો તરત જ મદદ માટે દોડી આવ્યા હતા અને રાહત કાર્ય શરૂ કર્યું હતું. સૂચના મળતાની સાથે જ પોલીસ, ફાયર બ્રિગેડ (દમકલ વિભાગ) અને ડિઝાસ્ટર મેનેજમેન્ટ (આપદા પ્રબંધન) ની ટીમો ઘટનાસ્થળે પહોંચી ગઈ છે.

ક્રેન અને ગેસ કટરની મદદ લેવાઈ; સરકારે કંટ્રોલ રૂમ શરૂ કર્યો

કાટમાળ નીચેથી અત્યાર સુધીમાં 6 થી 7 શ્રમિકોને બહાર કાઢીને નજીકની હોસ્પિટલમાં ખસેડવામાં આવ્યા છે, જેમાંથી કેટલાકની હાલત અત્યંત નાજુક હોવાનું કહેવાય છે. લોખંડના ભારે બીમને કાપવા માટે ગેસ કટર અને કાટમાળ હટાવવા માટે વિશાળ ક્રેનની મદદ લેવામાં આવી રહી છે. કાટમાળ નીચે હજુ પણ દબાયેલા મજૂરોનો અવાજ સંભળાઈ રહ્યો છે, જેના કારણે બચાવ ટીમો અત્યંત સાવધાનીપૂર્વક કામ કરી રહી છે. રાજ્ય સરકારે સ્થિતિ પર નજર રાખવા માટે મુખ્ય મથક ‘નવાન્ન’ ખાતે તાત્કાલિક કંટ્રોલ રૂમ શરૂ કરી દીધો છે.

વરસાદના કારણે માળખું નબળું પડ્યું હોવાની આશંકા

ઘટનાની જાણ થતાં જ રાજ્યના મંત્રી ઇન્દ્રનીલ ખાં અને ભાજપના નેતા રાકેશ સિંહ ઘટનાસ્થળે પહોંચ્યા હતા અને જણાવ્યું હતું કે અત્યારે અમારી સર્વોચ્ચ પ્રાથમિકતા કાટમાળ નીચે ફસાયેલા લોકોના જીવ બચાવવાની છે. એવી આશંકા વ્યક્ત કરવામાં આવી રહી છે કે મંગળવારે થયેલા ભારે વરસાદના કારણે બાંધકામ હેઠળનું આ માળખું નબળું પડી ગયું હતું, જોકે સુરક્ષાના નિયમોમાં બેદરકારી રાખવામાં આવી હતી કે કેમ તે અંગે પણ ગંભીર સવાલો ઉભા થઈ રહ્યા છે.