મુંદ્રા પોર્ટ ડ્રગ્સ કેસના તાર દિલ્હીની નાઈટ ક્લબ સાથે જોડાયા? ED દ્વારા તાડબતોડ દરોડાની કાર્યવાહી | mundra drug case ed conducts of raids in 3000 kg mundra port drug import case

Mundra Port Drug Case: દેશના સૌથી મોટા ડ્રગ્સ કેસોમાંથી એક ગુજરાતના મુંદ્રા પોર્ટ ડ્રગ્સ કેસમાં EDએ બુધવારે દિલ્હીમાં મોટી કાર્યવાહી કરી છે. EDની ટીમોએ દિલ્હીમાં પાંચ અલગ-અલગ સ્થળો પર તાબડતોડ દરોડા પાડ્યા છે. આ કાર્યવાહી લગભગ 21,000 કરોડની કિંમતના 3,000 કિલો ડ્રગ્સની તસ્કરી સાથે જોડાયેલા મની લોન્ડરિંગ નેટવર્ક અને તેના દ્વારા થયેલી કમાણીના રોકાણને લઈને કરવામાં આવી છે.

તપાસ એજન્સીઓને આ કેસમાં કેટલીક અત્યંત ચોંકાવનારી માહિતી મળી હતી, જેના આધારે આ એક્શન લેવામાં આવ્યું છે. પ્રાપ્ત માહિતી પ્રમાણે ડ્રગ્સની તસ્કરી દ્વારા કમાયેલા કાળા નાણાંને ક્યાં-ક્યાં વ્હાઈટ કરવામાં આવ્યા તેની ઇડી તપાસ કરી રહી છે. સૂત્રોના જણાવ્યા પ્રમાણે કેન્દ્રીય તપાસ એજન્સીને પૂરી શંકા છે કે ડ્રગ્સના આ ગેરકાયદે ધંધામાંથી થયેલી મોટી કમાણીને દિલ્હીના નામાંકિત નાઈટ ક્લબોમાં ઈનવેસ્ટ કરવામાં આવી હતી.

Also Read

હિમાચલ પ્રદેશમાં પુલ તૂટતાં ટ્રક સીધી ખીણમાં ખાબકી, VIDEO જોઈને હચમચી જશો | viral video himachal kinnaur nh5 bailey bridge collapse dumper accident

Also Read

જામનગર જિલ્લા સહકારી બેંકની ખેડૂતો માટે ઐતિહાસિક નિર્ણય સાથે મોટી ભેટ : અકસ્માત વીમા કવર હવે રૂ.10 લાખ | jamnagar news cooperative bank big gift farmers insurance cover updates

હરપ્રીત સિંહ તલવારના ઠેકાણા પર રેડ

EDના સૂત્રો પાસેથી મળેલી માહિતી પ્રમાણે બુધવારે પાડવામાં આવેલા આ દરોડાનો મુખ્ય ફોકસ આ કેસ સાથે જોડાયેલા બે મોટા પાત્રો પર રહ્યો હતો. EDએ હરપ્રીત સિંહ તલવાર, શમ્સુદ્દીન અને તેમના સહયોગીઓ સાથે સંકળાયેલા પરિસરો પર દરોડા પાડ્યા છે. તમને જણાવી દઈએ કે, આ કેસમાં રાષ્ટ્રીય તપાસ એજન્સી (NIA) દ્વારા આરોપી હરપ્રીત સિંહ તલવારની ધરપકડ પણ કરવામાં આવી હતી. તે તાજેતરમાં જ જામીન પર બહાર આવ્યો હતો.

શું છે 21 હજાર કરોડનો મુંદ્રા પોર્ટ ડ્રગ્સ કેસ?

આ સમગ્ર મામલો ભારતીય ઈતિહાસમાં ડ્રગ્સના સૌથી મોટા જથ્થાની જપ્તી સાથે જોડાયેલો છે. ગુજરાતના મુંદ્રા પોર્ટ પર તપાસ એજન્સીઓએ એક મોટા ઓપરેશન હેઠળ અંદાજે 3,000 કિલોગ્રામ હેરોઈન જપ્ત કર્યું હતું. આંતરરાષ્ટ્રીય બજારમાં ડ્રગ્સના આ વિશાળ જથ્થાની કિંમત લગભગ 21,000 કરોડ આંકવામાં આવી હતી. NIAની સાથે-સાથે ED પણ મની લોન્ડરિંગના એંગલથી આ કેસની તપાસ કરી રહી છે.

આ પણ વાંચો: 3500 કરોડ રોકડ, સોના-ચાંદીનો રેકોર્ડ ગુમ! 6 વર્ષ અગાઉ રામમંદિર દાન ચોરીની ભવિષ્યવાણી થઈ હતી

કોંગ્રેસે PM મોદી પર કર્યા હતા પ્રહાર

કોંગ્રેસે 2022માં યોજાયેલી ગુજરાત વિધાનસભા ચૂંટણી દરમિયાન આ મુદ્દાને લઈને ભાજપ સરકાર અને વડા પ્રધાન નરેન્દ્ર મોદી પર આકરા પ્રહારો કર્યા હતા. મુંદ્રા પોર્ટ અને ગુજરાતના અન્ય બંદરો પરથી સતત મળી રહેલા ડ્રગ્સના મોટા જથ્થા અંગે રાહુલ ગાંધીએ પીએમ મોદીના મૌન પર સવાલ ઉઠાવ્યા હતા. રાહુલ ગાંધીએ કટાક્ષ કરતા કહ્યું હતું કે, ‘ગુજરાતમાં વ્યાપાર કરવાની સરળતાને બદલે ‘ઈઝ ઓફ ડુઈંગ ડ્રગ બિઝનેસ’ ચાલી રહ્યું છે.’ રાહુલ ગાંધીએ સવાલ ઉઠાવતા કહ્યું હતું કે, ‘ગુજરાતના મુંદ્રા પોર્ટ પર ત્રણ વારમાં હજારો કરોડનું ડ્રગ્સ ઝડપાયું. કાયદો અને વ્યવસ્થાના આ રીતે લીરેલીરા ઉડવા છતાં વડાપ્રધાન આખરે ક્યાં સુધી ચૂપ રહેશે?’