રાજકોટ એરપોર્ટ પર ૧.૭૨ કરોડના વિદેશી સોનાની દાણચોરીનો પર્દાફાશ

રાજકોટ એરપોર્ટ પર વિદેશી સોનાની દાણચોરીના મોટા રેકેટનો પર્દાફાશ થયો છે. ડિરેક્ટોરેટ ઓફ રેવન્યુ ઇન્ટેલિજન્સ જામનગરની ટીમે ચોક્કસ બાતમીના આધારે કાર્યવાહી કરીને એક ભારતીય મુસાફર પાસેથી અંદાજે ૧.૭૨ કરોડની કિંમતનું વિદેશી સોનું જપ્ત કર્યું છે. આ સમગ્ર કાર્યવાહી ૨૩ અને ૨૪ જૂન દરમિયાન હાથ ધરવામાં આવી હતી.

મળતી માહિતી મુજબ,ડીઆરઆઇ જામનગરને અગાઉથી બાતમી મળી હતી કે રાજકોટ એરપોર્ટ મારફતે મોટા પાયે વિદેશી સોનાની દાણચોરી થવાની છે. બાતમીના આધારે અધિકારીઓએ ૨૩ જૂનના રોજ રાજકોટ એરપોર્ટના અરાઇવલ હોલમાં વોચ ગોઠવી હતી. આ દરમિયાન શંકાસ્પદ લાગતા એક ભારતીય મુસાફરને રોકીને તેની અંગત તલાશી લેવામાં આવી હતી.

Also Read

ગુજરાતમાઆગામી ૨ થી ૩ જુલાઈ દરમિયાન અનેક જિલ્લામાં વરસાદની આગાહી

તલાશી દરમિયાન મુસાફર પાસેથી ૨૪ કેરેટ (૯૯૯ પ્યુરિટી) ના વિદેશી માર્કિંગ ધરાવતા **૧૦ ગોલ્ડ બાર મળી આવ્યા હતા. જપ્ત કરાયેલા સોનાનું કુલ વજન ૧,૧૬૬.૧૪ ગ્રામ હોવાનું સામે આવ્યું છે, જેની અંદાજિત બજાર કિંમત ૧,૭૨,૩૫,૫૪૯ થાય છે.

Also Read

એન્સી સોજને લાંબા કૂદમાં ઇતિહાસ રચ્યો, અંજુ બોબી જ્યોર્જનો ૨૨ વર્ષ જૂનો રાષ્ટ્રીય રેકોર્ડ તોડ્યો

ડીઆરઆઇએ કસ્ટમ્સ એક્ટ, ૧૯૬૨ની જાગવાઈઓ હેઠળ સમગ્ર સોનું જપ્ત કરીને આરોપી મુસાફરની ધરપકડ કરી છે. પ્રાથમિક તપાસમાં સોનાની દાણચોરીનો મામલો સામે આવતા હવે અધિકારીઓ એ દિશામાં તપાસ કરી રહ્યા છે કે આ સોનું કયા દેશમાંથી લાવવામાં આવ્યું હતું, તેની પાછળ કોણ સંકળાયેલું છે અને તેને કોને પહોંચાડવાનું હતું.

સૂત્રોના જણાવ્યા મુજબ, આ મામલે દાણચોરીના મોટા નેટવર્ક સુધી પહોંચવા માટે ડીઆરઆઇ દ્વારા વધુ તપાસ હાથ ધરવામાં આવી છે. આગામી દિવસોમાં આ કેસમાં વધુ ખુલાસા થવાની શક્્યતા વ્યક્ત કરવામાં આવી રહી છે.