તેહરાન હોર્મુઝ સ્ટ્રેટ પર વાર્ષિક $43 બિલિયન ટોલ વસૂલવાનું લક્ષ્ય રાખે છે.
અમેરિકાને કરાઇ આ વાતની જાણ
હોર્મુઝમાં જહાજો પર ટોલનો મુદ્દો ઉકેલાઈ ગયો છે. ઈરાન દરેક જહાજ પાસેથી આશરે $1 મિલિયન ટોલ વસૂલશે. કતારમાં થયેલી બેઠક દરમિયાન અમેરિકાને આ વાતની જાણ કરવામાં આવી હતી. જોકે, અમેરિકાએ ઈરાનને બેઠકના અંતિમ ક્ષણો સુધી ટોલ યોજનાને ટાળવા વિનંતી કરી હતી. આ લક્ષ્યને પ્રાપ્ત કરવા માટે, દૈનિક $117 મિલિયનનો ટોલ વસૂલવામાં આવશે. સામાન્ય દિવસોમાં, 120 જહાજો હોર્મુઝમાંથી પસાર થાય છે. આનો અર્થ એ છે કે, ઈરાન પ્રતિ જહાજ $1 મિલિયન વસૂલશે.
ટોલ અંગે ઈરાનની શું છે યોજના ?
ઈરાન હોર્મુઝ સ્ટ્રેટમાં ટોલ દ્વારા વાર્ષિક $43 બિલિયન એકત્રિત કરવા માંગે છે. તેણે તેના પડોશીઓને આ વિશે જાણ કરી છે. ઈરાને સ્પષ્ટ કર્યું છે કે, હોર્મુઝ સ્ટ્રેટ પર તેની સાર્વભૌમત્વ છે અને તે પનામાની જેમ ત્યાં ટોલ એકત્રિત કરશે. યુદ્ધ પહેલા, દરરોજ 120 જહાજો હોર્મુઝ સ્ટ્રેટમાંથી પસાર થતા હતા. ઈરાનને આશા છે કે શાંતિ સ્થાપિત થયા પછી 120 જહાજો ફરી એકવાર આ માર્ગ પરથી પસાર થશે. ઈરાને આ 120 જહાજોમાંથી 43 અબજ ડોલરનો ટોલ વસૂલવાનો લક્ષ્યાંક નક્કી કર્યો છે. દૈનિક ધોરણે, ઈરાનને ટોલ વસૂલાત દ્વારા હોર્મુઝથી દરરોજ 117.8 મિલિયન ડોલરની કમાણી થવાનો અંદાજ છે. ઈરાન આમાંથી કેટલાક પૈસા ઓમાનને પણ આપશે.
ચીની ચલણમાં ટોલ વસૂલવાની તૈયારી
ઈરાન હોર્મુઝમાંથી પસાર થતા જહાજો પર ચીની અથવા રશિયન ચલણમાં ટોલ વસૂલવા માંગે છે. તાજેતરમાં, ઓમાને ઈરાનને ટોલ મડાગાંઠ ઉકેલવા માટે એક પ્રસ્તાવ રજૂ કર્યો હતો. તેમાં કહેવામાં આવ્યું હતું કે ઈરાન પર્યાવરણીય ફીના નામે ટોલ વસૂલ કરશે, પરંતુ ઈરાનના રિવોલ્યુશનરી ગાર્ડ્સને હોર્મુઝમાં મનસ્વી રીતે કામ કરતા અટકાવવા માટે સમગ્ર સિસ્ટમ બીજા દેશ અથવા સ્વતંત્ર એજન્સીને સોંપશે. ઈરાને આ પ્રસ્તાવને નકારી કાઢ્યો. ઈરાને સ્પષ્ટ કર્યું છે કે તે તાત્કાલિક આવક ઇચ્છે છે. તેહરાન ટોલ વસૂલાતની જવાબદારી અન્ય કોઈ દેશ અથવા એજન્સીને સોંપશે નહીં.
આ પણ વાંચોઃ
Follow Us On Google News
Follow Us On WhatsApp
Follow Us On facebook
Leave a Comment