Diwali Travel : દિવાળીએ ઘરે જવું મોંઘું પડશે! ફ્લાઇટ ટિકિટના ભાવમાં 70% સુધીનો ઉછાળો

અમદાવાદ સહિત દેશભરમાં વિવિધ ફ્લાઇટ રૂટ પર એરલાઇન્સના ભાડામાં 70% સુધીનો તગડો વધારો નોંધાયો છે. સામાન્ય રીતે દર વર્ષે તહેવારોની સિઝનમાં મુસાફરોના ઘોડાપૂરને પહોંચી વળવા માટે વિમાની કંપનીઓ વધારાની ફ્લાઇટ્સ શરૂ કરતી હોય છે અને સીટોની ક્ષમતા વધારતી હોય છે,

પરંતુ આ વર્ષે પરિસ્થિતિ તદ્દન વિપરીત જોવા મળી રહી છે. માંગમાં જબરદસ્ત ઉછાળો હોવા છતાં વિમાનની સીટોમાં ઘટાડો થતાં હવાઈ ભાડા આસમાને પહોંચ્યા છે.

મુખ્ય એરલાઇન્સ કંપનીઓએ બેઠક ક્ષમતામાં કર્યો મોટો ઘટાડો
એવિએશન ક્ષેત્રની જાણીતી એનાલિટિક્સ ફર્મ OAGના ડેટા અનુસાર, દેશની અગ્રણી એરલાઇન્સ કંપનીઓએ આ તહેવારી ટાણે પોતાની સીટ ક્ષમતામાં ઘટાડો કર્યો છે. દેશની સૌથી મોટી એરલાઇન ઇન્ડિગોની કુલ બેઠક ક્ષમતા ઓક્ટોબર 2026માં આશરે 1.31 કરોડ રહી છે,

Also Read

Reliance Retail Blinkit : રિલાયન્સ-Blinkitના વેરહાઉસ પર તવાઈ! ખાદ્ય સુરક્ષાના નિયમો અંગે કાર્યવાહી, લાયસન્સ સસ્પેન્ડ

જે ગયા વર્ષની સરખામણીએ 0.2% ઓછી છે. તેવી જ રીતે, એર ઇન્ડિયાએ પણ પોતાની સીટ ક્ષમતામાં નોંધપાત્ર કાપ મૂક્યો છે. ઓક્ટોબર મહિનામાં એર ઇન્ડિયા પાસે લગભગ 33 લાખ બેઠકો ઉપલબ્ધ હતી, જે ગયા વર્ષ કરતાં 4.78 લાખ જેટલી ઓછી છે.

Also Read

Yash Ravan Tandav : દશેરા પર યશનો ધમાકો! ‘રામાયણ’ના રાવણના રૌદ્ર રૂપે ઈન્ટરનેટ પર મચાવી ધૂમ

સૌથી વધુ ઘટાડો સ્પાઇસજેટમાં જોવા મળ્યો છે, જેણે 38.8% એટલે કે આશરે 2.41 લાખ સીટો ઘટાડી છે. જોકે, આ પરિસ્થિતિ વચ્ચે માત્ર અકાસા એર જ એકમાત્ર એવી એરલાઇન રહી છે જેણે પોતાની ક્ષમતામાં 35.6%નો વધારો નોંધાવ્યો છે.

મોંઘા ઈંધણ અને ડોલર સામે રૂપિયો નબળો પડતાં એરલાઇન્સનો ખર્ચ વધ્યો
વિમાની કંપનીઓ દ્વારા સીટો ઘટાડવા પાછળ વૈશ્વિક અને આર્થિક પરિબળો મુખ્ય જવાબદાર માનવામાં આવી રહ્યા છે. એવિએશન ટર્બાઇન ફ્યુઅલ (ATF) એટલે કે વિમાની ઇંધણના ઊંચા ભાવ, વૈશ્વિક સ્તરે ચાલી રહેલો જીઓપોલિટિકલ તણાવ અને યુએસ ડોલર સામે ભારતીય રૂપિયાનું નબળું પડવું – આ તમામ પરિબળોને કારણે એરલાઇન્સનો દૈનિક ઓપરેટિંગ ખર્ચ ખૂબ વધી ગયો છે.

ઇંધણના વધતા બોજને સરભર કરવા માટે તાજેતરમાં જ ઇન્ડિગો દ્વારા પોતાના સ્થાનિક અને આંતરરાષ્ટ્રીય રૂટ્સ પર ફ્યુઅલ સરચાર્જમાં પણ સુધારો કરવામાં આવ્યો છે, જેની સીધી અસર ટિકિટના દર પર પડી છે.

વધતા ભાડાનો મુદ્દો સુપ્રીમ કોર્ટે પહોંચ્યો, કેન્દ્ર સરકારે આપી મોટી માહિતી
તહેવારોના સમયે હવાઈ ભાડામાં થયેલા આ બેફામ વધારાનો મુદ્દો હવે દેશની સર્વોચ્ચ અદાલત એટલે કે સુપ્રીમ કોર્ટ સુધી પહોંચી ગયો છે. સામાન્ય નાગરિકોને રાહત આપવા અને ભાડા પર નિયંત્રણ લાવવા અંગે હાથ ધરાયેલી સુનાવણી દરમિયાન કેન્દ્ર સરકારે કોર્ટને મહત્વની માહિતી આપી છે.

કેન્દ્ર સરકારે જણાવ્યું છે કે ‘ભારતીય વિમાન અધિનિયમ, 2024’ (Indian Aircraft Act, 2024) હેઠળ જરૂરી નિયમોને આખરી ઓપ આપી દેવામાં આવ્યો છે અને આગામી બે સપ્તાહની અંદર આ નવા નિયમો સત્તાવાર રીતે પ્રકાશિત કરી દેવામાં આવશે. આ નવા નિયમો અમલમાં આવ્યા બાદ હવાઈ સફરના ભાડા પર યોગ્ય અંકુશ મેળવી શકાશે તેવી આશા વ્યક્ત કરવામાં આવી રહી છે.