ચીન ખાતેથી ભારતની ફર્ટિલાઈઝરની આયાતમાં 170 ટકાનો વધારો | India’s fertilizer imports from China increase by 170 percent

મુંબઈ : નાણાં વર્ષ ૨૦૨૬માં ચીન ખાતેથી ભારતની ફર્ટિલાઈઝરની આયાત વાર્ષિક ધોરણે ૧૭૦ ટકાથી વધુ વધી ૫૦.૨૦ લાખ ટન રહી હતી. જોકે ભારતને ખાતરના નિકાસકાર તરીકે રશિયાએ પ્રથમ ક્રમ જાળવી રાખ્યો હતો એમ વાણિજ્ય મંત્રાલય દ્વારા જારી કરાયેલા ડેટા પરથી કહી શકાય છે.

ગત નાણાં વર્ષમાં રશિયા ખાતેથી ફર્ટિલાઈઝરની આયાત વાર્ષિક ધોરણે ૩૫ ટકા વધી ૬૭.૧૦ લાખ ટન રહી હતી. સાઉદી અરેબિયા ખાતેથી આયાત ૨૨ ટકા કરતા વધુ વધી ૩૪.૩૦ લાખ ટન જ્યારે મોરોક્કો ખાતેથી ૯૮.૭૦ ટકા વધી ૨૭.૯૦ લાખ ટન અને ઓમાન ખાતેથી ૧૯.૧૦ લાખ ટન ખાતરની આયાત થઈ હતી. ઓમાન ખાતેથી આયાતમાં ૩૫ ટકા ઘટાડો નોંધાયો છે. 

Also Read

કંપનીઓ દ્વારા વિદેશમાં કરાતા રોકાણ પર RBIની નજર | RBI keeps an eye on investments made by companies abroad

બીજી બાજુ ગત નાણાં વર્ષમાં સાઉદી અરેબિયા તથા ઈરાન ભારતના બાસમતિના બે મોટા ખરીદદાર દેશ રહ્યા હતા. 

Also Read

ગુજરાત સ્થાનિક સ્વરાજ્યની ચૂંટણી, પાલિકાઓના પ્રમુખ-ઉપ પ્રમુખના નામની સત્તાવાર જાહેરાત, જુઓ સંપૂર્ણ યાદી | Gujarat Announces Presidents and Vice Presidents for Municipalities After Elections

સાઉદી અરેબિયા ખાતે ૧૦.૫૦ લાખ ટન જ્યારે ઈરાન ખાતે ૧૦ લાખ ટન બાસમતિની નિકાસ થવા પામી હતી. આ ઉપરાંત ઈરાક તથા યુએઈ પણ ભારતના બાસમતિના ખરીદદાર રહ્યા છે. 

ગત નાણાં વર્ષની સરખામણીએ વર્તમાન નાણાં વર્ષમાં અખાતી દેશોમાં બાસમતિની નિકાસ નબળી રહેવાની શકયતા નકારાતી નથી. પશ્ચિમ એશિયા તંગદિલીને કારણે જહાજોની અવરજવર પર અસર પડતા ભારત ખાતેથી અખાતી દેશોમાં નિકાસ ખોરવાઈ ગઈ છે.