મિડલ ઈસ્ટમાં યુદ્ધ જેવી સ્થિતિ છતાં સેન્સેક્સ નિફ્ટીમાં તેજી, રૂપિયો પણ મજબૂત, ક્રૂડમાં ભડકો | Sensex & Nifty Rise Despite Middle East War Tensions Crude Oil Prices Jump

Market Updates : મિડલ ઈસ્ટમાં ફરી એકવાર ઈરાન અને ઈઝરાયલ બાદ હવે અમેરિકા અને ઈરાન વચ્ચે યુદ્ધની સ્થિતિ જોવા મળી રહી છે. ત્યારે તેની નહીંવત અસર ભારતીય શેરબજારમાં જોવા મળી. આજે સેન્સેક્સ અને નિફ્ટીમાં તેજીનો માહોલ દેખાઈ રહ્યો છે. જ્યારે રૂપિયો પણ ડૉલરની સામે મજબૂત થયો છે. જોકે બીજી બાજુ ક્રૂડ ઓઈલના ભાવમાં એકઝાટકે મોટો ઉછાળો આવ્યો છે જે ચિંતાનો વિષય છે. 

સેન્સેક્સ અને નિફ્ટીની શું છે સ્થિતિ? 

Also Read

વાહનોના વેચાણમાં EVનો હિસ્સો વધીને 11%

સેન્સેક્સની વાત કરીએ તો આજે સેન્સેક્સમાં 501 પોઈન્ટનો ઉછાળો આવી ચૂક્યો છે. ગઇકાલે સેન્સેક્સનું ક્લૉઝિંગ 73,918.76 પર થયું હતું. જે આજે 73,988.27 પર ખુલ્યું હતું. ત્યારબાદ ટ્રેડિંગ દરમિયાન સેન્સેક્સમાં તેજી યથાવત્ રહી હતી અને પછી તે 74,419.35 ની સપાટીએ પહોંચી ગયું હતું. જ્યારે નિફ્ટીની વાત કરીએ તો તેમાં 138 પોઇન્ટનો ઉછાળો અત્યાર સુધી નોંધાઈ ચૂક્યો છે.  નિફ્ટી ગઇકાલે 23,242.10 પર ક્લૉઝ થઇ હતી જે આજે 23,233.95 પર ખુલી હતી અને પછી સીધી 23,380.65 ની સપાટીએ પહોંચી ગઇ હતી. 

Also Read

અમદાવાદમાં ભવિષ્ય બનાવવા આવેલી યુવતી નશાના રવાડે ચઢી બરબાદ થઈ, નોકરી ગુમાવી, નિરાધાર હાલતમાં રહેવું પડ્યું | Hyderabad Woman’s Dream Turns Tragic in Ahmedabad After Drug Addiction Costs Her Job

ક્રૂડ ઓઈલમાં ભડકો તો રૂપિયો ડૉલર સામે મજબૂત 

બીજી બાજુ બ્રેન્ટ ક્રૂડ ઓઇલના ભાવમાં ફરી એકવાર તેજી જોવા મળી રહી છે. એક સમયે 90 ડૉલરની સપાટી ગુમાવીને 89 ડૉલર સુધી પહોંચી ગયેલો ક્રૂડ ઓઈલ આજે ફરી એકવાર 92 ડૉલરની સપાટીએ ટ્રેડ થઇ રહ્યો છે. જે ઓઈલ માર્કેટ અને પેટ્રોલ-ડીઝલની કિંમતો માટે ખતરો માનવામાં આવી રહ્યો છે. જ્યારે બીજી બાજુ ડૉલરની સામે રૂપિયો મજબૂત થયો છે. રૂપિયાએ હાલ તો 95 ની સપાટી જાળવી રાખી છે પરંતુ આજે રૂપિયો ડૉલર સામે લગભગ 26 પૈસા જેટલો મજબૂત થયો હતો.