મોંઘવારીનો ડબલ ડોઝ: પેટ્રોલ-ડીઝલ બાદ હવે CNG ના ભાવમાં ભડકો, જાણો નવી કિંમત | CNG Price Hike: CNG Becomes Costlier by Rs 1 per kg After Petrol Diesel

CNG Price Hike : દેશમાં મોંઘવારીનો વધુ એક મોટો ઝટકો સામાન્ય જનતાને લાગ્યો છે. પેટ્રોલ અને ડીઝલના ભાવમાં થયેલા વધારા બાદ હવે સીએનજી (CNG) ના ભાવમાં પણ વધારો ઝીંકી દેવામાં આવ્યો છે. ઓઈલ માર્કેટીંગ કંપનીઓએ શનિવારે સવારે પેટ્રોલ-ડીઝલના ભાવ વધાર્યા બાદ તુરંત જ સીએનજીની કિંમતોમાં પણ પ્રતિ કિલો 1 રૂપિયાનો વધારો કરી દીધો છે. આ ભાવ વધારા બાદ સામાન્ય લોકોના બજેટ પર ભારે વિપરીત અસર પડવાની સંભાવના છે.

10 દિવસમાં ઈંધણના ભાવમાં ત્રીજી વખત ભડકો

Also Read

ઉ.ભારતમાં પ્રચંડ હીટવેવ : આઠ રાજ્યોમાં રેડ એલર્ટ | Severe heatwave in North India: Red alert in eight states

તાજેતરના વધારા બાદ, દિલ્હીમાં સીએનજીની કિંમત શુક્રવારના ₹80.09 પ્રતિ કિલોથી વધીને હવે ₹81.09 પ્રતિ કિલો થઈ ગઈ છે. છેલ્લા 10 દિવસની અંદર જ સીએનજીના ભાવમાં પ્રતિ કિલો અંદાજે 4 રૂપિયાનો તોતિંગ વધારો થઈ ચૂક્યો છે. આંતરરાષ્ટ્રીય સ્તરે પશ્ચિમ એશિયા (મિડલ-ઈસ્ટ) સંકટ અને ઈરાન યુદ્ધના કારણે ભારતની ઈંધણ સપ્લાય લાઈન પ્રભાવિત થઈ રહી છે, જેની સીધી અસર સ્થાનિક બજાર પર જોવા મળી રહી છે. ગણતરીના દિવસોમાં પેટ્રોલ-ડીઝલ આશરે પોણા પાંચ રૂપિયા અને સીએનજી 4 રૂપિયા જેટલો મોંઘો થઈ ગયો છે.

Also Read

બોટાદમાં ભેળસેળયુક્ત ખાદ્યતેલનુ વેચાણ કરતા ઇસમો સામે કડક કાર્યવાહી | Strict action against people selling adulterated edible oil in Botad

આમ આદમી અને ટ્રાન્સપોર્ટ પર શું અસર થશે?

અત્યાર સુધી પેટ્રોલ અને ડીઝલની સરખામણીએ સીએનજીને એક સસ્તો અને કિફાયતી વિકલ્પ માનવામાં આવતો હતો, પરંતુ સતત વધતા ભાવના કારણે હવે આ વિકલ્પ પણ મોંઘો સાબિત થઈ રહ્યો છે. આ વધારાની સૌથી મોટી અસર રોજબરોજ કાર, બાઈક, ઓટો કે ટેક્સી દ્વારા મુસાફરી કરતા મધ્યમ વર્ગ પર પડશે. આ ઉપરાંત, કમર્શિયલ વાહનો અને ટ્રાન્સપોર્ટનો ખર્ચ વધવાને કારણે આગામી દિવસોમાં શાકભાજી, દૂધ અને અન્ય જરૂરી ચીજવસ્તુઓના ભાવ પણ વધી શકે છે, જે મોંઘવારીમાં વધુ વિસ્ફોટ કરશે.