Ranbir Kapoor ‘રામાયણ’માં ડબલ રોલમાં! રામ અને પરશુરામનું પાત્ર નિભાવશે

Ranbir kapoor ramayan : નિતેશ તિવારીની ‘રામાયણ’નું ટીઝર રિલીઝ થઈ ગયું છે. ફિલ્મમાં રણબીર કપૂર ભગવાન રામની ભૂમિકા ભજવી રહ્યા છે, પરંતુ ટીઝર રિલીઝ થયા પછી અભિનેતાએ ફિલ્મમાં ડબલ રોલ હોવાની પુષ્ટિ કરી છે.

આ વાંચીને તમને થોડું આશ્ચર્ય થયું હશે, પરંતુ આ સત્ય છે. રણબીર કપૂર રામના પાત્ર સિવાય ભગવાન પરશુરામ તરીકે પણ જોવા મળશે, જે રામથી પહેલાં ભગવાન વિષ્ણુના અવતાર હતા. જોકે, ફિલ્મમાં પરશુરામનું પાત્ર થોડા સમય માટે જ જોવા મળશે.

ભગવાન રામનું પાત્ર ભજવવાની તક મળી: રણબીર

Also Read

શું ‘ધુરંધર 2’ ની વાર્તા ચોરાયેલી છે? આદિત્ય ધર પર લાગેલા આરોપોથી બોલિવૂડમાં ખળભળાટ

ટીઝર રિલીઝ થયા પછી આપેલા એક ઇન્ટરવ્યુમાં રણબીરે જણાવ્યું કે, તેમણે રામ અને પરશુરામના અલગ સ્વભાવને બોડી લેંગ્વેજ અને અવાજ દ્વારા રજૂ કર્યા છે. ટીઝર લોન્ચ દરમિયાન તેમણે કહ્યું કે, “ભગવાન વિષ્ણુના ઘણા અલગ-અલગ અવતાર થયા છે. ભગવાન રામ એક અવતાર હતા અને ભગવાન પરશુરામ રામ પહેલાંનો અવતાર હતા.” રણબીરે આગળ કહ્યું કે, “ભગવાન રામનું પાત્ર ભજવવાની તક મળી, તો પરશુરામનું પાત્ર ભજવવું પણ અદ્ભુત અનુભવ રહ્યો. એક અભિનેતા તરીકે જો તમે પાત્રોની બોડી લેંગ્વેજ સાથે તેમની આધ્યાત્મિકતા અને ભાવનાઓને ઊંડાણથી સમજી લો, તો બધું ત્યાંથી જ શરૂ થાય છે. રામાયણની શૂટિંગ શરૂ થવાના એક વર્ષ પહેલાં મેં આ પાત્રોને સમજવાનો પ્રયત્ન કર્યો. તેઓ કોણ છે, તેઓ કઈ બાબતો માટે ઊભા રહ્યા હતા અને તેમનો ઉદ્દેશ શું હતો.”

Also Read

ઘરે જ બનાવો નેચરલ Vitamin C સીરમ – ફક્ત 3 વસ્તુથી મળશે ગ્લોિંગ સ્કિન!

ટીઝરમાં રામ અને પરશુરામ વચ્ચે અથડામણનો સંકેત

ફિલ્મના ટીઝરમાં રામ અને પરશુરામ વચ્ચે અથડામણનો સંકેત આપવામાં આવ્યો છે, જેમ કે મહાકાવ્યમાં વર્ણવાયું છે, સીતા સાથે લગ્ન પછી અયોધ્યા પરત ફરતા વખતે રામની મુલાકાત પરશુરામ સાથે થાય છે. કથાનુસાર, પરશુરામ રામને યુદ્ધ માટે લલકારે છે, પરંતુ લડાઈ થતી નથી, કારણ કે તેમને ખબર પડે છે કે રામ પણ વિષ્ણુના અવતાર છે.