તાપી-નર્મદામાં રેડ એલર્ટ, 6 જિલ્લામાં ભારે વરસાદની આગાહી, બે કલાકમાં 5 તાલુકામાં ધડબડાટી | Gujarat Rain Update: Dangs and Gondal Record Over 2 Inches of Rainfall

Gujarat Rain and Weather News : ગુજરાતમાં આ વખતે ચોમાસુ મોડુ પડ્યુ છે ત્યારે પ્રિ મોનસૂન એક્ટિવિટી વચ્ચે રાજ્યના વિવિધ ભાગોમાં વરસાદી માહોલ જામ્યો છે. હવામાન વિભાગના આંકડાઓ મુજબ, 23 જૂનના રોજ એટલે કે છેલ્લા 24 કલાકમાં રાજ્યના 19 તાલુકાઓમાં હળવાથી મધ્યમ અને કેટલાક વિસ્તારોમાં ભારે વરસાદી ઝાપટાં નોંધાયા છે. માહિતી અનુસાર, ડાંગ જિલ્લો અને સૌરાષ્ટ્રનું ગોંડલ વરસાદનું મુખ્ય કેન્દ્ર રહ્યા છે, જ્યાં 2 ઇંચ કરતા વધુ વરસાદ ખાબક્યો છે. આ સાથે હવામાન વિભાગે નાઉકાસ્ટ હેઠળ આગામી ત્રણ કલાક માટે નવી લેટેસ્ટ આગાહી જાહેર કરી છે જે અનુસાર તાપી અને નર્મદા જિલ્લામાં ભારે વરસાદનું રેડ એલર્ટ જાહેર કરાયું છે. જ્યારે ડાંગ, છોટા ઉદેપુર, ભરુચ, સુરત, નવસારી અને વલસાડ જિલ્લામાં ઓરેન્જ એલર્ટ જાહેર કરવામાં આવ્યું છે. ઉલ્લેખનીય છે કે હાલમાં ગુજરાતમાં પ્રિ મોનસૂન વરસાદ વરસી રહ્યો છે. મોનસૂન સત્તાવાર રીતે પહોંચવાનુ બાકી છે. 

Also Read

ભાવનગર એસ.ટી. વિભાગને 5માંથી 4.7નું રેટિંગ મળ્યું | Bhavnagar ST Department got a rating of 4 7 out of 5

બે કલાકમાં 5 તાલુકામાં વરસાદ 

Also Read

‘ઈથેનોલવાળુ પેટ્રોલ સંપૂર્ણ સુરક્ષિત…’ ઈન્ટરનેટ પર વાઇરલ દાવાઓ અંગે કેન્દ્ર સરકારનો જવાબ | Govt Slams Fake Petrol Videos Ethanol E 20 Blending Scientifically Proven Safe

હવામાન વિભાગની આગાહી અનુસાર નર્મદા અને ડાંગ જિલ્લામાં આજે મેઘરાજાની સવારી નીકળી હતી. જેમાં નર્મદાના સાગબારામાં 1.77 ઈંચ તો ડાંગના સુબિરમાં 1.57 ઈંચ તથા ધ ડાંગમાં 0.71 ઈંચ જેટલો વરસાદ ખાબકી ગયો હતો. જ્યારે તાપીના ઉચ્છલમાં 0.39 ઈંચ અને નર્મદાના ચિકડામાં 0.16 ઈંચ જેટલો વરસાદ ખાબક્યો હતો. 

2 જિલ્લામાં રેડ એલર્ટ 

ગુજરાતના હવામાન વિભાગની નાઉ કાસ્ટ આગાહી અનુસાર સવારના 10 વાગ્યાથી 1 વાગ્યાની વચ્ચે આજે રાજ્યના 2 જિલ્લામાં વરસાદનું રેડ એલર્ટ જાહેર કરવામાં આવ્યું છે જેમાં તાપી, નર્મદા જિલ્લાનો સમાવેશ થાય છે. જ્યારે બીજી બાજુ ડાંગ, છોટા ઉદેપુર, સુરત, નવસારી અને વલસાડ જિલ્લા તથા દમણ તથા દાદરા નગર હવેલી કેન્દ્ર શાસિત પ્રદેશોમાં ભારે વરસાદનું ઓરેન્જ એલર્ટ જાહેર કરાયું છે. 

છેલ્લા 24 કલાકમાં મેઘરાજાએ ધડબડાટી બોલાવી 

છેલ્લા 24 કલાકના વરસાદના આંકડાની વાત કરીએ તો સૌથી વધુ વલસાડના ઉંબરગામમાં 4.33 ઈંચ જ્યારે ડાંગના ડાંગ આહ્વામાં 3.07 ઈંચ જેટલો વરસાદ ખાબક્યો હતો. તેના બાદ રાજકોટના ગોંડલમાં 2.13 તો વલસાડના કપરાડામાં 1.46 અને વાપીમાં 1.42 ઈંચ જેટલો વરસાદ નોંધાયો હતો. જ્યારે તાપીના ઉકાઈમાં 1.10 ઈંચ વરસાદ નોંધાયો હતો. હવામાન વિભાગના આંકડા પ્રમાણે કુલ 29 તાલુકામાં વરસાદ નોંધાયો હતો.