Rohit Sharma રિટાયર્ડ હર્ટ, Virat Kohli પણ ઈજાગ્રસ્ત – IPL 2026માં ROKO પર મોટું સંકટ!

IPL 2026માં 12 એપ્રિલ, રવિવારના રોજ મુંબઈ ઈન્ડિયન્સ અને રોયલ ચેલેન્જર્સ બેંગલોર વચ્ચે રમાયેલા મુકાબલામાં રોહિત શર્મા અને વિરાટ કોહલી બંને ઇજાગ્રસ્ત નજર આવ્યા હતા.

રોહિત હેમસ્ટ્રિંગની સમસ્યાને કારણે રિટાયર્ડ હર્ટ થઈને મેદાન છોડીને બહાર ગયા, જ્યારે કિંગ કોહલી પણ પગની પાનીની ઈજાના કારણે ફિલ્ડિંગ કરવા ઉતર્યા નહીં, જેના કારણે બંને ટીમો અને ચાહકોની ચિંતા વધી ગઈ છે.

રોહિતે 13 બોલમાં 19 રન બનાવ્યા

Also Read

Virat Kohliના એક લાઈકથી ઈન્ટરનેટ પર ધમાલ, ફેન્સે કરી મજાક અને ટ્રોલિંગ

મુંબઈ ઈન્ડિયન્સ 241 રનના મોટા લક્ષ્યનો પીછો કરી રહી હતી, ત્યારે પાંચમા ઓવરમાં રોહિત શર્મા અચાનક લથડતા નજર આવ્યા. થોડા બોલ બાદ તેમણે ફિઝિયોને બોલાવ્યો, પરંતુ દુખાવો વધતા તેમને મેદાન છોડવું પડ્યું. રોહિતે 13 બોલમાં 19 રન બનાવ્યા હતા અને તેમની હેમસ્ટ્રિંગ પર પટ્ટી બાંધેલી દેખાઈ હતી.

Also Read

Bhoot Bangla vs Dhurandhar 2: શું અક્ષય કુમારની હોરર કોમેડી આપશે ટક્કર?

સૌથી મોટી ચિંતા એ રહી કે તેઓ ફરી બેટિંગ કરવા પાછા આવ્યા નહીં. રિપોર્ટ્સ મુજબ, તેમનું સ્કેનિંગ કરવામાં આવશે જેથી ઈજાની ગંભીરતા જાણી શકાય. શરૂઆતના સંકેતો તેને હળવું સ્ટ્રેન બતાવે છે, પરંતુ 37 વર્ષની ઉંમરે આવી ઈજામાંથી સાજા થવામાં સમય લાગી શકે છે.

કોહલીએ ધીમી ફિફ્ટી બનાવી

બીજી તરફ, વિરાટ કોહલી પણ પૂરી રીતે ફિટ નજર આવ્યા નહીં. RCBની ઇનિંગ દરમિયાન તેઓ પગની પાનીની સમસ્યાથી ઝઝૂમતા દેખાયા. તેમ છતાં, કોહલીએ 38 બોલમાં 50 રન બનાવ્યા, પરંતુ તેમનો સ્ટ્રાઈક રેટ સામાન્ય કરતાં ઓછો રહ્યો, જે તેમની રમતમાં ખૂબ ઓછું જોવા મળે છે. માનવામાં આવી રહ્યું છે કે, પગની પાનીના ભાગમાં ઇજા થવાની અસર તેમની બેટિંગ પર પડી હતી.

ટીમ સાથે ઉજવણી કરતા નજર આવ્યા કોહલી

મેચ બાદ RCBના કેપ્ટન રજત પાટીદારે વિરાટ કોહલી વિશે કહ્યું, ‘મને હજી આ બાબતે ખબર નથી, પરંતુ મને લાગે છે કે તેઓ હાલમાં ઠીક છે.’ ત્યારબાદ કૃણાલ પંડ્યાએ પણ વિશ્વાસ વ્યક્ત કર્યો કે, વધારે ચિંતા કરવાની જરૂર નથી. કૃણાલે કહ્યું, ‘મેં હજી ફિઝિયો સાથે વાત કરી નથી, પરંતુ મને લાગે છે કે તેઓ ઠીક થઈ જશે.’ કોહલી મેચ બાદ ડગઆઉટમાં ટીમ સાથે ઉજવણી કરતા પણ નજર આવ્યા, જેનાથી સંકેત મળે છે કે તેમની ઈજા ગંભીર નથી.