દર્દનાક અકસ્માત! કર્ણાટકના યાત્રાળુઓને લઈને જતી બોલેરો ટ્રક સાથે અથડાઈ, 8નું મૃત્યુ

Kurnool road accident Bolero truck collision : આંધ્રપ્રદેશના કુર્નૂલ જિલ્લામાં ગુરુવારની વહેલી સવાર કાળમુખી સાબિત થઈ હતી. મંત્રાલયમ મંડલના ચિલકલડોના ગામ નજીક એક બોલેરો વાહન અને ટ્રક વચ્ચે થયેલી પ્રચંડ ટક્કરમાં આઠ શ્રદ્ધાળુઓના કરૂણ મોત નીપજ્યા છે.

આ અકસ્માત એટલો ભયાનક હતો કે બોલેરો વાહનનો કચ્ચરઘાણ નીકળી ગયો હતો. આ ઘટનામાં અન્ય 10 થી 12 લોકો ગંભીર રીતે ઘાયલ થયા હોવાના અહેવાલ પ્રાપ્ત થયા છે, જેમને નજીકની હોસ્પિટલમાં સારવાર અર્થે ખસેડવામાં આવ્યા છે.

ઘટનાની વિગત અને બચાવ કામગીરી
મળતી માહિતી મુજબ, આ અકસ્માત કુર્નૂલ જિલ્લાના મંત્રાલયમ વિભાગ હેઠળ આવતા ચિલકલડોના ગામ પાસે સર્જાયો હતો. એક બોલેરો વાહન, જેમાં ક્ષમતા કરતા વધુ મુસાફરો સવાર હોવાનું મનાય છે, તે સામેથી આવતી પૂરપાટ ઝડપે ટ્રક સાથે ધડાકાભેર અથડાઈ હતી.

Also Read

ભયાનક આગનો કહેર! Ghaziabadના ઇંદિરાપુરમમાં લાગેલી આગથી મચ્યો હાહાકાર

ટક્કર એટલી જોરદાર હતી કે અકસ્માતનો અવાજ સાંભળીને આસપાસના ગ્રામજનો તાત્કાલિક ઘટનાસ્થળે દોડી આવ્યા હતા. સ્થાનિક લોકોએ પોલીસને જાણ કરવાની સાથે બચાવ કામગીરી શરૂ કરી દીધી હતી.

Also Read

ચૂંટણીના માહોલ વચ્ચે Ahmedabadમાં ગરમીનો કહેર! તાપમાન 43°C સુધી પહોંચવાની સંભાવના

પોલીસનો કાફલો ઘટનાસ્થળે
ઘટનાની જાણ થતા જ કુર્નૂલ પોલીસનો કાફલો ઘટનાસ્થળે પહોંચી ગયો હતો. ગાડીમાં ફસાયેલા મુસાફરોને ભારે જહેમત બાદ બહાર કાઢવામાં આવ્યા હતા. પોલીસે જણાવ્યું હતું કે ઘટનાસ્થળે જ કેટલાક લોકોએ દમ તોડી દીધો હતો, જ્યારે અન્ય ઘાયલો લોહીલુહાણ હાલતમાં મળી આવ્યા હતા.