21 જૂને યોજાનારી વાયરલેસ PSI અને હેડ કોન્સ્ટેબલની લેખિત પરીક્ષા મોકૂફ, ગુજરાત પોલીસ ભરતી બોર્ડનો નિર્ણય | gujarat police recruitment board postpones wireless psi head constable exam june 21

Gujarat Police Recruitment Board: ગુજરાત પોલીસ ભરતી બોર્ડ (GPRB) દ્વારા 21 જૂને યોજાનારી વિવિધ ટેકનિકલ સંવર્ગની લેખિત પરીક્ષાઓ હાલ પૂરતી મોકૂફ રાખવાનો નિર્ણય લેવાયો છે. ભરતી બોર્ડ દ્વારા અગાઉથી નક્કી કરાયેલી પરીક્ષાની તારીખ અને અન્ય રાષ્ટ્રીય કક્ષાની સ્પર્ધાત્મક પરીક્ષા એક જ દિવસે આવતી હોવાથી વહીવટી કારણોસર આ ફેરફાર કરવાની ફરજ પડી છે. તંત્ર દ્વારા આજે બુધવારે આ અંગેની સત્તાવાર જાહેરાત કરીને ઉમેદવારોને જાણકારી આપવામાં આવી છે. 

NEETની પરીક્ષા હોવાથી નિર્ણય

Also Read

વડોદરામાં હાઇબ્રિડ ગાંજાના નેટવર્કનો પર્દાફાશ: 2 કેરિયર ઝડપાયા, સપ્લાયરો સુધી પહોંચી પોલીસ | vadodara sog arrests two drug carriers in 10 kg hybrid ganja case

અગાઉના આયોજન મુજબ, પોલીસ સબ ઇન્સ્પેક્ટર (વાયરલેસ) તથા ટેકનિકલ ઓપરેટર (જાહેરાત ક્રમાંક: GPRB/202526/2), પોલીસ સબ ઇન્સ્પેક્ટર (મોટર ટ્રાન્સપોર્ટ) (જાહેરાત ક્રમાંક: GPRB/202526/3) તેમજ હેડ કોન્સ્ટેબલ ડ્રાઇવર મિકેનિક (ગ્રેડ-1) (જાહેરાત ક્રમાંક: GPRB/202526/4)ની લેખિત પરીક્ષાઓ આગામી 21 જૂન 2026, રવિવારના રોજ યોજાવાની હતી. જો કે, આ જ દિવસે મેડિકલ પ્રવેશ માટેની પ્રતિષ્ઠિત ‘NEET’ની પરીક્ષા પણ યોજાનાર હોવાથી બંને પરીક્ષાઓ એક જ તારીખે ભેગી થતી હતી.

Also Read

અમદાવાદ: ઈસ્કોન ચાર રસ્તા પાસે ગેસના બાટલામાં આગ લાગતાં અનેક બાઈક બળીને ખાક | Ahmedabad News ISKCON Char Rasta Many vehicles burnt to ashes after gas cylinder catches fire

બંને મોટી પરીક્ષાઓ એક જ દિવસે હોવાના કારણે ઉમેદવારો મુશ્કેલીમાં ન મુકાય તે હેતુથી પોલીસ ભરતી બોર્ડે 21 જૂનની લેખિત પરીક્ષા મુલતવી રાખવાનો નિર્ણય કર્યો છે. બોર્ડના જણાવ્યા અનુસાર, મોકૂફ રાખવામાં આવેલી આ પરીક્ષાઓ માટેની નવી તારીખ હવે પછી સત્તાવાર રીતે જાહેર કરવામાં આવશે, જેથી ઉમેદવારોને ભરતી બોર્ડની સત્તાવાર વેબસાઇટ (https://gprb.gujarat.gov.in/)ના સંપર્કમાં રહેવા અપીલ કરવામાં આવી છે.