વડોદરામાં હાઇબ્રિડ ગાંજાના નેટવર્કનો પર્દાફાશ: 2 કેરિયર ઝડપાયા, સપ્લાયરો સુધી પહોંચી પોલીસ | vadodara sog arrests two drug carriers in 10 kg hybrid ganja case

Vadodara News: સંસ્કારી નગરી વડોદરાને નશામુક્ત કરવા માટે વડોદરા એસ.ઓ.જી. (SOG) દ્વારા ચલાવવામાં આવી રહેલી ઝુંબેશમાં વધુ એક મોટી સફળતા મળી છે. શહેરમાં થોડા સમય પહેલાં પકડાયેલા 10 કિલો ગાંજા અને અત્યંત મોંઘા ગણાતા હાઇબ્રિડ ગાંજાના હબ ગણાતા કેસમાં પોલીસે વધુ બે રીઢા કેરિયરની ધરપકડ કરી લીધી છે. આ હાઇપ્રોફાઇલ ડ્રગ્સ કેસમાં અત્યાર સુધીમાં 7 લાખથી વધુનો મુદ્દામાલ જપ્ત કરી લેવાયો છે.

રતલામથી વડોદરા સુધી ફેલાયેલું ડ્રગ્સ નેટવર્ક

Also Read

પંચમહાલમાં ઓપરેશન ‘મ્યૂલ હંટ’, 35 દિવસમાં 3.27 કરોડથી વધુ રકમની હેરાફેરી, પૂર્વ બ્રાન્ચ ઓફિસર સહિત 3ની ધરપકડ | Panchmahal News Operation Mule Hunt sahera Police Cyber ​​Crime Three accused arrested

આ સમગ્ર હાઇબ્રિડ ડ્રગ્સ રેકેટની કડીઓ એક પછી એક ખુલી રહી છે. વડોદરા SOG પોલીસે સૌપ્રથમ ગોરવા વિસ્તારમાં ગેરકાયદેસર ગાંજો વેચતા રાજેન્દ્ર બિંદ નામના શખ્સને ઝડપી પાડ્યો હતો. રાજેન્દ્રની પૂછપરછમાં ડ્રગ્સના બે સાગરીતો અને મધ્યપ્રદેશના રતલામથી ગાંજો સપ્લાય કરનારા મોહન નીનામાનું નામ ખૂલ્યું હતું. જેને પોલીસે દબોચી લીધો હતો.

Also Read

અમદાવાદ: ઈસ્કોન ચાર રસ્તા પાસે ગેસના બાટલામાં આગ લાગતાં અનેક બાઈક બળીને ખાક | Ahmedabad News ISKCON Char Rasta Many vehicles burnt to ashes after gas cylinder catches fire

આ પણ વાંચો : ABVPના કાર્યકરોએ GCASની ઓફિસમાં તોડફોડ મચાવી, એડમિશન પોર્ટલમાં ખામીઓ સામે રોષ

ટ્રેન મારફતે આવતો હતો જથ્થો

રતલામના સપ્લાયર મોહન નીનામાની પોલીસે જ્યારે આકરી પૂછપરછ કરી ત્યારે ચોંકાવનારો ખુલાસો થયો હતો કે, તે ટ્રેન મારફતે નશાનો જથ્થો લાવીને આજવા રોડ પર રહેતા રિઝવાન દીવાનને પહોંચાડતો હતો. આ બાતમીના આધારે પોલીસે રિઝવાન દીવાનની પણ ધરપકડ કરી લીધી છે. તેની પાસેથી 10 કિલો સામાન્ય ગાંજો અને 77 ગ્રામ કિંમતી હાઇબ્રિડ ગાંજો (Hybrid Ganja) મળીને કુલ 7,00,000 રૂપિયા ઉપરાંતની કિંમતનો મુદ્દામાલ કબ્જે કરવામાં આવ્યો છે.

સમા રોડ પરથી હાઇબ્રિડ ગાંજાનો સપ્લાયર પણ પકડાયો

પોલીસ તપાસ અહીં જ અટકી નહોતી. રિઝવાનને આ હાઇબ્રિડ ગાંજો કોણ આપતું હતું તેની તપાસ કરતાં વધુ એક મોટું નામ સામે આવ્યું હતું. પોલીસે સમા રોડ પર આવેલી સહયોગ સોસાયટીમાં અંબાલાલ પ્રજાપતિના મકાનમાં રહેતા જયેશ ઉર્ફે કાનો નીતિન સિંહ ચૌહાણની પણ ધરપકડ કરી લીધી છે.જયેશ ઉર્ફે કાનો શહેરમાં આ મોંઘા હાઇબ્રિડ ગાંજાનો મુખ્ય સપ્લાયર હોવાનું સામે આવ્યું છે. હાલ SOG પોલીસ આ તમામ આરોપીઓના રિમાન્ડ મેળવીને એ તપાસ કરી રહી છે કે, જયેશ આ હાઇબ્રિડ ગાંજો ક્યાંથી મંગાવતો હતો અને વડોદરાના કયા-કયા યુવાનો કે વિદ્યાર્થીઓ આ નશાની જાળમાં ફસાયેલા છે.