ડેટિંગ એપ્સ પર ‘નકલી PSI’ બની યુવતીઓને ફસાવી લાખો રૂપિયા પડાવનાર ઝડપાયો, AIથી બનાવતો હતો ખોટા ID | ahmedabad crime branch arrests fake psi himanshu panchal ai dating app fraud

Ahmedabad News: અમદાવાદ ડિટેક્શન ઓફ ક્રાઈમ બ્રાન્ચે એક 27 વર્ષીય યુવકની ધરપકડ કરી છે. જે ઓનલાઈન મેટ્રિમોનિયલ અને ડેટિંગ પ્લેટફોર્મ પર ગુજરાત પોલીસના સાયબર સેલના પીએસઆઈ તરીકે ઓળખ આપી મહિલાઓને પ્રેમજાળમાં ફસાવતો હતો. આ ભેજાબાજ યુવક AI ટૂલ્સ અને કમ્પ્યુટર સોફ્ટવેરની મદદથી નકલી ઓળખપત્રો બનાવીને મહિલાઓ પાસેથી પૈસા અને અન્ય સુવિધાઓ પડાવતો હતો.

કોણ છે આ નકલી PSI?

Also Read

અમદાવાદ: સાયબર ગઠિયાઓએ જેલના કેદીને પણ ન છોડ્યા! પેરોલ મંજૂર કરાવવાના નામે પરિવાર પાસેથી રૂપિયા પડાવ્યા | Ahmedabad: Fraudsters Pose as Jail Officials Extort Money for Fake Parole Release

પકડાયેલા આરોપીની ઓળખ હિમાંશુ ઉર્ફે રોકી પંચાલ (ઉંમર 27 વર્ષ) તરીકે થઈ છે. જે યોગેશભાઈ ચમનલાલ પંચાલનો પુત્ર છે. તે મૂળ રાજસ્થાનના ઉદયપુરનો વતની છે અને હાલ અમદાવાદના સાબરમતી વિસ્તારમાં રહેતો હતો.

Also Read

ઇતિહાસનું સૌથી મોટું ડિવિડન્ડ: RBIએ કેન્દ્ર સરકારના ખાતામાં જમા કરાવ્યા 2.87 લાખ કરોડ રૂપિયા! | rbi declares record dividend 2 87 lakh crore to centre fy26 governor sanjay malhotra

ગુના આચરવાની મોડસ ઓપરેન્ડી

મેટ્રિમોનિયલ એપ્સનો ઉપયોગ કરીને આરોપીએ Shaadi.com, Jeevansathi, Bumble અને Hinge જેવી પ્રખ્યાત ડેટિંગ તેમજ લગ્ન માટેની એપ્સ પર રોકી પંચાલ નામે ફેક આઈડી બનાવ્યા હતા. મહિલાઓને પ્રભાવિત કરવા અને તેમનો ભરોસો જીતવા માટે તે AI દ્વારા જનરેટ કરેલા ફોટાનો ઉપયોગ કરતો હતો. જેમાં તે પોલીસ યુનિફોર્મમાં દેખાતો હતો. તે Canva એપ અને ડિજિટલ સ્ટેમ્પ-સિગ્નેચર મેકર ટૂલ્સનો ઉપયોગ કરીને ગવર્મેન્ટ ઓફ ઈન્ડિયા અને ક્રાઈમ બ્રાન્ચ સાયબર સિક્યોરિટી લખેલા આબેહૂબ નકલી ઓળખપત્રો તૈયાર કરતો હતો.

આ પણ વાંચો : સત્તાપલટો કે સૈન્ય હુમલાના એંધાણ? માર્કો રુબિયોએ કહ્યું- ક્યુબા અમેરિકા માટે મોટો ખતરો

પોલીસ અધિકારી તરીકે રોફ જમાવતો

મહિલાઓ સામે એવો ડોળ કરતો હતો કે તે ગુજરાત પોલીસની ક્રાઈમ બ્રાન્ચના સાયબર સિક્યોરિટી વિંગમાં પીએસઆઈ તરીકે ફરજ બજાવે છે. રોમેન્ટિક રિલેશનશિપમાં ફસાવ્યા બાદ તે અલગ-અલગ બહાને મહિલાઓ પાસેથી મોટી રકમ ખંખેરી લેતો હતો.

પોલીસે શું જપ્ત કર્યું?

ક્રાઈમ બ્રાન્ચે આરોપી હિમાંશુ ઉર્ફે રોકીની ધરપકડ કરીને તેની પાસેથી ઓપ્પો (Oppo) કંપનીનો મોબાઈલ ફોન. 40,000 રૂપિયા રોકડા, પોલીસ યુનિફોર્મવાળો ફોટો, ગુજરાત પોલીસનો લોગો અને બેજ ધરાવતું નકલી આઈડી કાર્ડ, પોલીસનો લાલ બેલ્ટ અને અશોક સ્તંભના પ્રતીકવાળા સ્ટિકર્સ સહિતની સામગ્રી જપ્ત કરી છે. 

પોલીસે તપાસ આદરી

ક્રાઈમ બ્રાન્ચના અધિકારીઓના જણાવ્યા મુજબ, આ નકલી પીએસઆઈએ અત્યાર સુધી કેટલી મહિલાઓને શિકાર બનાવી છે અને તેની સામે અન્ય કોઈ સાયબર ફ્રોડ કે છેતરપિંડીના ગુના નોંધાયેલા છે કે નહીં તે દિશામાં સઘન પૂછપરછ અને તપાસ હાથ ધરવામાં આવી છે.