લાલુ સિન્ધી ગેંગના નાણાંકીય વ્યવહારોની તપાસ શરૃ | Investigation into financial transactions of Lalu Sindhi gang begins

વડોદરા,સમગ્ર રાજ્યમાં દારૃનું નેટવર્ક ચલાવતા બે મુખ્ય બૂટલેગર હાલ  પોલીસ કસ્ટડી રિમાન્ડ પર છે. પોલીસ દ્વારા નાણાંકીય વ્યવરોની માહિતી મેળવવા માટે બેંક પાસે વિગતો માગવામાં આવી છે. 

રાજ્યના અલગ – અલગ જિલ્લામાં વિદેશી દારૃનું નેટવર્ક ચલાવતી લાલુ સિન્ધી ગેંગના બે મુખ્ય બૂટલેગર લાલુ સિન્ધી અને સુનિલ ઉર્ફે અદો હાલ પોલીસ કસ્ટડી રિમાન્ડ પર છે. પોલીસ તેઓની મિલકતોની તપાસ કરી રહી છે. પરંતુ, અન્ય તપાસ અને બંદોબસ્તના કારણે તપાસ અધિકારી દ્વારા હજી તપાસ પૂર્ણ થઇ શકી નથી. બે દિવસ  પહેલા પોલીસ સ્ટેશનના લોકઅપમાં લાલુ સિન્ધીને અચાનક ગભરામણ અને પરસેવો થતા તેણે ત્યાં હાજર પોલીસ સ્ટાફને જણાવ્યું હતું. તેની હાલત જોઇને પોલીસ સ્ટાફે તેને લોકઅપમાંથી બહાર કાઢી પંખા નીચે બેસાડી પાણી આપ્યું હતું. થોડીવાર પછી તેને સારૃં લાગતા પરત લોકઅપમાં મૂકી દેવામાં આવ્યો હતો. ઉલ્લેખનીય છે કે, દારૃના ધંધાની કમાણીથી આરોપીઓએ કરોડોની મિલકતો વસાવી હોવાની શંકાના આધારે પોલીસ તપાસ કરી રહી છે. પરંતુ, હજીસુધી પોલીસને કોઇ વિગતો મળી નથી.

Also Read

મોરબી-કચ્છ હાઈવે પર દર્દનાક અકસ્માત, માતાના મઢથી દર્શન કરી પરત ફરતા કારનું ટાયર ફાટ્યું, બે બાળકો સહિત 4ના મોત | morbi kutch highway accident diu family members died maliya haripar