અમદાવાદ ક્રાઇમ બ્રાન્ચ પર હુમલો, કુખ્યાત ધર્મેન્દ્ર સિંહને પગમાં ગોળી મરાઈ, ધરપકડ દરમિયાન ફિલ્મી દૃશ્યો | Dharmendra Singh attacked Ahmedabad Crime Branch shot in the leg filmy scenes during arrest

Ahmedabad News: અમદાવાદ શહેરમાં કાયદો અને વ્યવસ્થાને પડકારનારા કુખ્યાત ગુનેગારો સામે ક્રાઇમ બ્રાન્ચે લાલ આંખ કરી છે. કૃષ્ણનગર પોલીસ સ્ટેશનમાં નોંધાયેલા હત્યાના પ્રયાસના ગુનામાં લાંબા સમયથી વોન્ટેડ અને અત્યંત માથાભારે આરોપી ધર્મેન્દ્ર સિંહ ઉર્ફે ધમો અભેસિંહ બારડને ઝડપી પાડવામાં ક્રાઇમ બ્રાન્ચને મોટી સફળતા મળી છે. જોકે, આ ધરપકડ દરમિયાન ફિલ્મી દૃશ્યો સર્જાયા હતા, જેમાં આરોપીએ પોલીસ પર જ હુમલો કરવાનો પ્રયાસ કર્યો હતો, પરંતુ અમદાવાદ ક્રાઈમ બ્રાન્ચના PIએ જવાબી કાર્યવાહીમાં આરોપીના પગમાં ગોળી મારી તેને ઘટનાસ્થળે જ દબોચી લીધો હતો.

Also Read

આણંદ જિ.પં માં હાઈ વોલ્ટેજ ડ્રામા: BJP ઉમેદવારનું ફોર્મ રદ થયું છતાં બન્યાં પ્રમુખ! હાઈકોર્ટના આદેશે કોંગ્રેસના સપનાં રોળ્યા | Anand District Panchayat Twist: President Election in BJP Congress

ધરપકડ દરમિયાન હિંસક ઝપાઝપી, પોલીસ પર હુમલાનો પ્રયાસ

Also Read

ગુજરાત સહિત 3 રાજ્યોમાં પેનિક બાઈંગ, સમીક્ષા કરે રાજ્ય સરકાર: પેટ્રોલ પંપો પર કતાર પર કેન્દ્રનો દાવો | Fuel Supply Rumors Spark Panic Buying At Petrol Pumps In Gujarat And Other States

ક્રાઇમ બ્રાન્ચની ટીમને બાતમી મળી હતી કે નરોડા અને કૃષ્ણનગર વિસ્તારના ગુનાઓમાં વોન્ટેડ આરોપી ધર્મેન્દ્ર સિંહ ઉર્ફે ધમો ચોક્કસ લોકેશન પર હાજર છે. આ બાતમીના આધારે ક્રાઇમ બ્રાન્ચની ટીમે તેને ચારેય તરફથી ઘેરીને પકડવા માટે ઓપરેશન હાથ ધર્યું હતું. પોલીસને પોતાની તરફ આવતી જોઈને આરોપી ધામાએ શરણાગતિ સ્વીકારવાને બદલે હિંસક પ્રતિકાર કર્યો હતો. તેણે પોલીસ કર્મચારીઓ પર જીવલેણ હુમલો કરવાનો પ્રયાસ કર્યો, જેને પગલે પોલીસ અને આરોપી વચ્ચે ઉગ્ર ઝપાઝપી થઈ હતી પરિસ્થિતિ કાબૂ બહાર જતાં અને આત્મરક્ષણ માટે પોલીસે ત્વરિત કાર્યવાહી કરી હતી, જેમાં પિસ્તોલમાંથી છૂટેલી ગોળી આરોપીના પગમાં વાગી હતી. પગમાં ગોળી વાગતાં જ આરોપી નીચે ફસડાયો હતો અને પોલીસે તેને તુરંત જ કાબૂમાં લઈને કસ્ટડીમાં લીધો હતો. ઈજાગ્રસ્ત આરોપીને સારવાર અર્થે હૉસ્પિટલ ખસેડવામાં આવ્યો છે.

વિવિધ પોલીસ સ્ટેશનોમાં 26 ગુનાઓ નોંધાયેલા

હાલ  આરોપી નરોડા પોલીસ સ્ટેશનમાં હત્યાના પ્રયાસના આરોપ હેઠળ સક્રિયપણે વોન્ટેડ હતો. આરોપી ધર્મેન્દ્ર સિંહ ઉર્ફે ધમાનો ગુનાહિત ઇતિહાસ ઘણો મોટો છે, જેમાં વિવિધ પોલીસ સ્ટેશનોમાં 26 ગુનાઓ નોંધાયેલા છે. જેમાં હત્યા, હત્યાનો પ્રયાસ, ખંડણી (તોડબાજી), ધાડ, રમખાણો (રાયોટિંગ) તેમજ આર્મ્સ ઍક્ટ (હથિયાર ધારો) અને પ્રોહિબિશન ઍક્ટ(દારૂબંધી ધારો)ના ઉલ્લંઘન જેવા ગંભીર ગુનાઓનો સમાવેશ થાય છે.

સાજો થતાં જ કડક પૂછપરછ હાથ ધરાશે

પોલીસ અધિકારીઓના જણાવ્યા મુજબ, આરોપી ધમો હાલ હૉસ્પિટલમાં સારવાર હેઠળ છે. તે સાજો થતાં જ તેની સઘન પૂછપરછ કરવામાં આવશે. આ ઉપરાંત, હાલના ગુનાઓમાં તેની સાથે કયા અન્ય સાગરીતો સામેલ હતા અને તે કઈ ગુનાહિત પ્રવૃત્તિઓમાં સક્રિય હતો, તે દિશામાં ક્રાઇમ બ્રાન્ચે વધુ તપાસ હાથ ધરશે.