ભાયલી ગામમાં વીજળી ગુલ, હાઈ વોલ્ટેજના કારણે સેંકડો ઘરોમાં મોટર, ફ્રિઝ, એસી, પંખા જેવા ઉપકરણો બળી ગયા | Power outage in Bhayli village appliances burnt of homes due to high voltage

Vadodara Heat Wave : હીટવેવ વચ્ચે વધી રહેલી વીજ માગ વચ્ચે વીજ પુરવઠાના ધાંધિયાની ઘણી ફરિયાદો શહેરમાં ઉઠી રહી છે.

શહેર નજીકના ભાયલી ગામમાં રવિવારે સવારના સમયે હાઈવોલ્ટેજના કારણે થયેલા શોર્ટ સર્કિટના પગલે સુથાર ફળિયા, રબારી ફળિયા, કુવાવાળા ફળિયા અને સુથાર ચોકના સેંકડો ઘરોમાં વીજ પુરવઠો તો ખોરવાયો હતો પણ સાથે સાથે ઘરોમાં રહેલા ઈલેક્ટ્રિક ઉપકરણોમાંથી પણ ધૂમાડા નીકળવા માડયા હતા. આમ સેંકડો ઉપકરણો બંધ થઈ જવાથી લોકોને ભારે નુકસાન વેઠવાનો વારો આવ્યો હતો.

Also Read

લવ મેરેજ કરનાર પ્રજ્ઞાચક્ષુ દંપતી વચ્ચે ધર્મની બહેને ખટરાગ કરાવ્યો, પત્ની ઘર છોડી ગઈ | sister caused a rift between a couple who had a love marriage abhayam team helps

મધ્ય ગુજરાત વીજ કંપની દ્વારા કામગીરી હાથ ધરીને વીજ સપ્લાય તો ફરી શરૂ કરવામાં આવ્યો હતો પણ કિંમતી ઉપકરણો બળી જવાના કારણે લોકોમાં ભારે રોષની લાગણી જોવા મળી હતી. લોકોએ વીજ કંપની પાસે વળતરની માગ કરી હતી. વીજ કંપનીના કર્મચારીઓ પણ કયા કારણસર વોલ્ટેજ વધી ગયા તેનો સંતોષકારક જવાબ આપી શક્યા નહોતા. લોકોએ કહ્યું હતું કે, પાણી ચઢાવવાની મોટરો, એસી, ફ્રિઝ જેવા ઉપકરણો કામ કરતા બંધ થઈ ગયા હતા.

Also Read

વીજ લાઈનોનું મેન્ટેનન્સ નથી થતું, ચોમાસામાં લોકો હેરાન થશે, વીજ કર્મચારીઓના જ સંગઠનની ચેતવણી | people will be inconvenienced during the monsoon warns the electricity workers’ union

લોકોએ કહ્યું હતું કે, દોઢ મહિના પહેલા પણ વીજ ખામી અંગે અમે મધ્ય ગુજરાત વીજ કંપનીનું ધ્યાન દોર્યું હતું.