હુજરાત પાગામાં દૂષિત અને અપૂરતા પાણીથી લોકો ત્રાહિમામ : મહિલાઓનો કમાટીબાગ પાણીની ટાંકી ખાતે હોબાળો | People suffer from contaminated and insufficient water in vadodara

Vadodara Water Protest : વડોદરા શહેરના ભૂતડીઝાંપા વિસ્તાર નજીક આવેલ હુજરાત પાગા વિસ્તારમાં છેલ્લા ઘણા સમયથી દૂષિત અને અપૂરતા પાણીની સમસ્યાને લઈને સ્થાનિકોમાં ભારે રોષ ફાટી નીકળ્યો છે. રોષે ભરાયેલા રહીશો આજે રજૂઆત કરવા માટે વોર્ડ નંબર-7ની કચેરીએ પહોંચ્યા હતા. જોકે ત્યાંથી તેમને કમાટીબાગ પાણીની ટાંકી ખાતે મોકલી આપવામાં આવ્યા હતા.

કમાટીબાગ પાણીની ટાંકી ખાતે પહોંચેલી મહિલાઓએ મ્યુનિસિપલ કોર્પોરેશન સામે ઉગ્ર રોષ વ્યક્ત કરી શુદ્ધ અને પૂરતા પ્રમાણમાં પાણી આપવાની માંગ ઉઠાવી હતી. મહિલાઓએ ચીમકી ઉચ્ચારી હતી કે, આગામી બે દિવસમાં સમસ્યાનો ઉકેલ નહીં આવે તો ઉગ્ર આંદોલન કરવામાં આવશે.

Also Read

કોંગ્રેસમાંથી ભાજપમાં આવવાના બે કરોડ મળ્યા! MLAની કથિત ઓડિયો ક્લિપ વાઈરલ થતાં ગુજરાતનું રાજકારણ ગરમાયું | Gujarat Politics Heats Up After BJP MLA’s Alleged ‘Rs 2 Crore’ Audio Goes Viral

સ્થાનિક મહિલાઓના જણાવ્યા અનુસાર હુજરાત પાગા વિસ્તારમાં અંદાજે 100 જેટલા મકાનોમાં છેલ્લા એક વર્ષથી પાણીની ગંભીર સમસ્યા છે. પાણીનો પુરવઠો અપૂરતો મળતો હોવા ઉપરાંત જે પાણી આવે છે તે પણ દૂષિત આવતું હોવાથી લોકોના સ્વાસ્થ્ય સામે ચિંતા ઊભી થઈ છે. અનેક વખત વોર્ડ ઓફિસ ખાતે રજૂઆત કરવા છતાં આજદિન સુધી સમસ્યાનો કાયમી ઉકેલ આવ્યો નથી.

Also Read

અમિતાભ બચ્ચન સાથે ગ્રાન્ડ ડેબ્યૂ છતાં ટીવી સિરિયલોમાં પણ કામ ન મળ્યું! બોલિવૂડ વિલનનું દર્દ છલકાયું | Abhimanyu Singh on Struggles No Work Even After Debut with Amitabh Bachchan

અત્રે ઉલ્લેખનીય છે કે, હુજરાત પાગા વિસ્તારમાં કારેલીબાગ પાણીની ટાંકી મારફતે પાણીનું વિતરણ કરવામાં આવે છે. મોરચો કમાટીબાગ પાણીની ટાંકી ખાતે પહોંચતા સ્થળ પર હાજર મ્યુનિસિપલ કોર્પોરેશનના કર્મચારીએ રહીશોને કહ્યું હતું કે, તાત્કાલિક ટીમ મોકલી તપાસ હાથ ધરવામાં આવશે અને સમસ્યાનો ઉકેલ લાવવામાં આવશે.