કલરકામના કોન્ટ્રાક્ટરનું અપહરણ કરી માર માર્યો | Painting contractor kidnapped and beaten up

વડોદરા,કલરકામનો કોન્ટ્રાક્ટ રાખનાર યુવકનું અપહરણ કરી હરણી ગામે ફાર્મમાં લઇ જવાના કેસમાં અટલાદરા પોલીસે  આરોપીઓને ઝડપી પાડી કાયદેસરની કાર્યવાહી હાથ ધરી છે.

ખિસકોલી સર્કલ પાસે શ્રીજીનગરમાં રહેતા લવકુશ સંજયભાઇ તિવારી કલરકામ કરે છે. અટલાદરા  પોલીસ સ્ટેશનમાં તેમણે ફરિયાદ નોંધાવી જણાવ્યું  છે કે, હરણી ગામમાં રહેતા અને જમીન લે- વેચનું કામ કરતા હાર્દિક પટેલના મકાનનું તથા એક નાની રૃમનો કલરકામનો કોન્ટ્રાક્ટ ૨૫ હજારમાં રાખ્યો હતો. મકાનનું કામ ૧૫ દિવસમાં પૂરૃં કરી  દીધું હતું. જ્યારે  રૃમનું પ્લાસ્ટર કામ બાકી હોવાથી કલર કામ રહી ગયું હતું. જે મુદ્દે ક્રિષ્ણકુમાર ઉર્ફે લાલો અગ્રવાલ (રહે. ઓરો વિસ્ટા,કલાલી રોડ) , અજય  અનિરૃદ્ધ વિશ્વકર્મા (રહે. ધ માર્ક રેસિડેન્સી,કલાલીરોડ),સંજયસીતારામઔભાઇ   સરોજ  (રહે.  ડિવાઇન ગેલેક્સી,કલાલી રોડ)   તથા ઇમરાન ખાન (રહે. સમીયાલા ગામ) આવ્યા  હતા. તેઓ મને કારમાં બેસાડી લઇ ગયા હતા અને હાર્દિક પટેલ સાથે વાત કરાવીને ઉતારી દીધો હતો. થોડીવાર પછી ફરીથી તેઓ  કાર લઇને પરત મારા ઘરે આવ્યા હતા. મને માર મારી  કારમાં બેસાડીને હરણી  રોડ પર હાર્દિકભાઇના ફાર્મ પર લઇ ગયા હતા.

Also Read

સુરત પોલીસની કામગીરી સામે ભાજપના ધારાસભ્યનો બળાપો, ટ્રાફિકથી લઈ અશાંત ધારા મુદ્દે આક્રમક રજૂઆત | BJP MLA Kanti Balar On Surat Police