VIDEO : સાઈ સુદર્શનનું બેડ લક ! બીજી વખત અનોખા અંદાજમાં આઉટ થઈ નોંધાવ્યો શરમજનક રેકોર્ડ | Sai Sudharsan Unique Hit Wicket Unwanted Record Despite Match Winning Fifty In IPL Qualifier 2

Sai Sudharsan Unique Hit Wicket Unwanted Record : આઈપીએલ 2026ના ક્વોલિફાયર-2 મહામુકાબલામાં ગુજરાત ટાઈટન્સે રાજસ્થાન રોયલ્સને 7 વિકેટે હરાવીને ફાઈનલમાં ધમાકેદાર એન્ટ્રી કરી લીધી છે. આ મેચમાં ગુજરાતની જીતના હીરો રહેલા ઓપનર સાઈ સુદર્શને શાનદાર પ્રદર્શન કરતા 32 બોલમાં 1 સિક્સ અને 8 ફોરની મદદથી 58 રનની મહત્વની ઈનિંગ રમી હતી. જોકે, આ મેચમાં અડધી સદી ફટકારવા છતાં સુદર્શન એક અત્યંત શરમજનક રેકોર્ડ પોતાના નામે કરી બેઠો છે. તે આઈપીએલના ઈતિહાસમાં સતત બીજી વખત અને કુલ 3 વખત ‘હિટ વિકેટ’ આઉટ થનારો પ્રથમ ખેલાડી બની ગયો છે.

Also Read

IPL-2026 GT vs RR : રાજસ્થાનની બીજી વિકેટ પડી, યશસ્વી બાદ ધ્રુવ જુરેલ પણ આઉટ, રબાડાએ લીધી વિકેટ | IPL 2026 GT vs RR Qualifier 2 Match LIVE Score Record History Gujarat Rajasthan

ચોગ્ગો પણ વાગ્યો અને આઉટ પણ થયો

Also Read

સુરત પોલીસની કામગીરી સામે ભાજપના ધારાસભ્યનો બળાપો, ટ્રાફિકથી લઈ અશાંત ધારા મુદ્દે આક્રમક રજૂઆત | BJP MLA Kanti Balar On Surat Police

ગુજરાત ટાઈટન્સની ઈનિંગ દરમિયાન 13મી ઓવરમાં સાઈ સુદર્શને રાજસ્થાનના બોલર બ્રિજેશ શર્માની બોલ પર ચોગ્ગો ફટકારવા માટે જોરદાર શોટ લગાવ્યો હતો. બેટ સાથે અથડાઈને બોલ બાઉન્ડ્રી લાઈનની બહાર 4 રન માટે પહોંચી ગઈ હતી, પરંતુ આ શાનદાર શોટ બાદ પણ સુદર્શને પેવેલિયન પરત ફરવું પડ્યું હતું. વાસ્તવમાં, સુદર્શને એટલી તાકાતથી શોટ માર્યો હતો કે બેટ તેના હાથમાંથી છટકી ગયું અને સીધું જ સ્ટમ્પ પર જઈને પડ્યું હતું. આ અજીબોગરીબ ઘટનાને કારણે અમ્પાયરે તેને તુરંત હિટ વિકેટ આઉટ જાહેર કર્યો હતો.

આ પણ વાંચો : GT vs RR : રાજસ્થાનને હરાવી IPL-2026ની ફાઈનલમાં પહોંચ્યું ગુજરાત, ગિલ-સુદર્શનની વિસ્ફોટ બેટિંગ

ક્વોલિફાયર-1માં પણ આ જ રીતે ગુમાવી હતી વિકેટ

આશ્ચર્યની વાત એ છે કે, સાઈ સુદર્શન આ જ આઈપીએલ 2026માં સતત બીજી નૉકઆઉટ મેચમાં આ અનોખા અંદાજમાં આઉટ થયો છે. આ પહેલા રોયલ ચેલેન્જર્સ બેંગલુરુ સામે રમાયેલા ક્વોલિફાયર-1 મુકાબલામાં પણ તે ત્રીજી ઓવરમાં જેકબ ડફીની ગેંદ પર કટ શોટ રમવા જતાં હિટ વિકેટ થયો હતો. ત્યારે પણ તેનું બેટ હાથમાંથી છૂટીને પિચ પર બાઉન્સ થઈ સ્ટમ્પ પર વાગ્યું હતું. આ સાથે જ તે આઈપીએલ ઈતિહાસમાં 3 વખત હિટ વિકેટ આઉટ થનારો પ્રથમ બેટ્સમેન બન્યો છે. આ પહેલા તે સૌપ્રથમ વર્ષ 2022માં મુંબઈ ઈન્ડિયન્સ સામે આ રીતે આઉટ થયો હતો.

આ પણ વાંચો : VIDEO : 4 સિક્સ, 2 ફોર, માત્ર 11 બોલમાં 38 રન… રાજસ્થાનના બેટરે મેદાનમાં મચાવી તબાહી

શરમજનક રેકોર્ડ છતાં ગુજરાતને જીત અપાવવામાં મોટું યોગદાન આપ્યું

ભલે સાઈ સુદર્શન નસીબના કારણે વિચિત્ર રીતે આઉટ થઈ ગયો, પરંતુ આઉટ થતાં પહેલા તેણે કેપ્ટન શુભમન ગિલ (104 રન) સાથે મળીને ટીમ માટે વિજયનો મજબૂત પાયો નાખી દીધો હતો. બંને ઓપનર્સે પ્રથમ 10 ઓવરમાં જ ટીમનો સ્કોર 127 રન પર પહોંચાડીને રાજસ્થાનના 214 રનના સ્કોરને વામણો સાબિત કર્યો હતો. સાઈ સુદર્શનની 58 રનની ઈનિંગના કારણે જ ગુજરાતે 18.4 ઓવરમાં 3 વિકેટે 219 રન બનાવી મેચ જીતી લીધી હતી. હવે ગુજરાત ટાઈટન્સની ટીમ 31 મે, રવિવારના રોજ અમદાવાદના નરેન્દ્ર મોદી સ્ટેડિયમમાં રોયલ ચેલેન્જર્સ બેંગલુરુ (RCB) સામે ફાઈનલનો મહામુકાબલો રમશે.