આખરે લોકશાહી ઢબે દિયોદર તાલુકા પંચાયતમાં પ્રમુખ-ઉપ પ્રમુખની ચૂંટણી પૂર્ણ, કોંગ્રેસે મારી બાજી | Deodar Taluka Panchayat Election President End controversy Prabhatbai Vaghela President

Deodar Taluka Panchayat Election: આજે શનિવારે વાવ-થરાદ જિલ્લાના દિયોદર તાલુકા પંચાયતમાં પ્રમુખ અને ઉપપ્રમુખની ચૂંટણી શાંતિપૂર્ણ માહોલ પૂર્ણ થઈ, અગાઉ બે વખત ચૂંટણી મોકૂફ રાખવામાં આવી હતી. જે બાદ કોંગ્રેસના કાર્યકરો અને નેતાઓએ ભાજપ અને પ્રાંત અધિકારીઓનો જોરશોર વિરોધ કર્યો હતો. પક્ષપલટાની ભીતિ વચ્ચે યોજાઇલી આ પ્રમુખ અને ઉપ પ્રમુખની ચૂંટણીમાં આખરે કોંગ્રેસે બાજી મારી છે. 

પ્રમુખ તરીકે પ્રભાતબાઇ વાઘેલાની વરણી

Also Read

CCTV: અમદાવાદમાં મોબાઈલમાં વ્યસ્ત કર્મચારીની બેગમાંથી નોટોના બંડલ સેરવી ગઠિયો ફરાર! ચોંકાવનારો વીડિયો | ahmedabad cctv captures cash theft manek chowk

સ્થાનિક સ્વરાજની ચૂંટણી બાદ દિયોદર તાલુકા પંચાયતમાં પ્રમુખ અને ઉપ પ્રમુખની વરણી માટે પ્રાંત અધિકારીની હાજરીમાં કડક સુરક્ષા વચ્ચે મતદાન પ્રક્રિયા હાથ ધરવામાં આવી હતી. વિવાદે ચડેલી આ ચૂંટણીમાં કોંગ્રેસના પ્રભાતબાઇ વાઘેલા પ્રમુખ તરીકે તો ઉપપ્રમુખ તરીકે પાનાબેન ચાવડાને ચૂંટી કાઢવામાં આવ્યા હતા. પરિણામ જાહેર થતાં જ કોંગ્રેસના સભ્યો અને કાર્યકરોએ ઉજવણી કરી હતી. તેમજ સભ્યોનું હારતોરા કરી સ્વાગત કરવામાં આવ્યું હતું.

Also Read

અમદાવાદ: ડી કેબિન વિસ્તારમાં મેગા ડિમોલિશન, જાણીતી સ્કૂલની બિલ્ડિંગના ભાગ સહિતના ગેરકાયદે દબાણો તોડી પડાયા | AMC West Zone demolition drive Commercial and Residential Illegal Properties Razed Down in Ahmedabad

અગાઉ બે વખત ચૂંટણી રદ કરવામાં આવી હતી

મહત્વનું છે કે ગત 25 મેના રોજ ભાજપના બે સભ્યો વચ્ચેની આંતરિક માથાકૂટને કારણે માત્ર 20 મિનિટમાં સભા રદ કરી દેવાયા બાદ ચૂંટણી મોકૂફ રાખવામાં આવી હતી, જે પછી 27 મેના રોજ પણ ચૂંટણી અધિકારી કથિત માંદગીનું કારણ આપી પાલનપુરની હૉસ્પિટલમાં દાખલ થઈ જતાં પ્રમુખ અને ઉપપ્રમુખની ચૂંટણીમાં નાટકીય ઘટનાક્રમ જોવા મળ્યો હતો. 

ભાજપ અને પોલીસ તંત્ર પર તડજોડનો આરોપ લગાવ્યો હતો

જેનો કોંગ્રેસ સાંસદ ગેનીબેન ઠાકોર સહિત સ્થાનિક નેતાઓએ ઉગ્ર વિરોધ કર્યો હતો. કારણ કે કુલ 22 સભ્યોમાંથી કોંગ્રેસ પાસે 12 અને ભાજપ પાસે 10 સભ્યો હતા. સ્પષ્ટ બહુમતી હોવા છતાં પણ ચૂંટણી પ્રક્રિયા બે વખત રદ કરવામાં આવતા ગેનીબેને રોષ ઠાલવ્યો હતો. ભાજપ અને પોલીસ તંત્ર પર તડજોડનો આરોપ લગાવ્યો હતો. ખુલ્લેઆમ લોકશાહીના ધજાગરા ઉડતા સમાચાર પ્રકાશિત થતાં જ આજે શનિવારે શાંતિપૂર્ણ રીતે ચૂંટણી પતાવી દેવામાં આવી હતી. જેમાં ભાજપની હાર અને કોંગ્રેસની જીત થઈ હતી.

આ પણ વાંચો: દાહોદ: સંજેલીમાં ગેસ સિલિન્ડર માટે ઘર્ષણ, બોટલ ભરેલી ટ્રક આવતા જ લોકો તૂટી પડ્યા, 2-3 મહિનાથી જનતા પરેશાન

સગર્ભા મહિલા સભ્યનું વિશેષ સન્માન

બીજી તરફ કોગ્રેસની સગર્ભા મહિલા સભ્ય માટે કોંગ્રેસ નેતા નરસિંહ દેસાઇએ જાહેરાત કરી છે કે, સભ્ય કિંજલબેન ઠાકોર પ્રસૂતિ પીડા વેઠીને ત્રણ ત્રણ વાર સાધારણ સભામાં ભાગ લેવા આવ્યા, તેમની ઈમાનદારી અને પક્ષ પ્રત્યેની વફાદારીને ધ્યાને રાખી સંતાનનો અભ્યાસનો ખર્ચ તેઓ ઉઠાવશે. તેમજ હોળી પર્વના ઠુંઠ ઉત્સાહનો તમામ ખર્ચ ડીસા તાલુકા કોગ્રેસ સમિતિ કરશે.